Efesios 1:1 - Jiñi Tsiji' bʌ Wen T'añ cha'añ Estudio

¹ Pablojon, apóstolon i cha'añ Jesucristo cha'añ che' yom i pusic'al Dios, mi cʌq'ueñetla cortesía i cha'añet bʌ la Dios ya' ti Éfeso mu' bʌ la' ñop Cristo Jesús:

Chol de Tumbalá Bible

¹ Pablojon, apóstolon i cha'an Jesucristo cha'an che' yom Dios. Mi cʌq'ueñetla cortesía i cha'añet bʌ la Dios ya' ti Efeso mu' bʌ la' ñop Cristo Jesús.

Jiñi Tsiji' bʌ Wen T'añ cha'añ Estudio

¹ Pablojon, apóstolon i cha'añ Jesucristo cha'añ che' yom i pusic'al Dios, mi cʌq'ueñetla saludo i cha'añet bʌ la Dios ya' ti Éfeso mu' bʌ la' ñop Cristo Jesús:

Chol Tila

¹ Joñon Pablojon. Yajcʌbilon bʌ ajsubt'an ñumel i cha'an Jesucristo cha'an che' yom Dios. Chʌncol c ts'ijbubeñetla ili jun i cha'añet bʌ la Dios chʌncol bʌ la' ch'ujbin Cristo Jesús ti jump'ej la' pusic'al ya' ti lum Efeso bʌ i c'aba'.

Chol: I T’an Dios

¹ Pablojon, apóstolon i cha'an Jesucristo cha'an che' yom Dios. Mi cʌq'ueñetla cortesía i cha'añet bʌ la Dios ya' ti Efeso mu' bʌ la' ñop Cristo Jesús.

Efesios 1:1 Iomraidhean Croise

Lucas 16:10

Jiñi mu' bʌ i c'ʌn i chu'bʌañ ti xuc'ul che' ts'ita' jach añ ti' wenta, xuc'ul mi caj i c'ʌn che' ca'bʌl. Jiñi mach bʌ tojic mi' c'ʌn che' ts'ita' jach añ ti' wenta, che' ja'el mach tojic mi caj i c'ʌn che' ca'bʌl.

Hechos 16:15

Che' bʌ tsa' ujti i ch'ʌm ja' yic'ot jiñi año' bʌ ti yotot, tsi' su'beyon lojon: —Conla ti cotot mi tsa' la' q'uele xuc'ulon quic'ot lac Yum, jijlenla ya' ti cotot. Tsi' wersa pʌyʌyon lojon ochel.

Hechos 18:19

Che' bʌ tsa' c'otiyob ti Éfeso, Pablo tsi' cʌyʌ Priscila yic'ot Aquila. Pablo tsa' ochi ti sinagoga, ya'i tsi' wen cha'leyob t'añ yic'ot judíojob.

Hechos 18:21

Che' bʌ tsi' cʌyʌyob i bʌ Pablo tsi' su'beyob: —[Wersa mic majlel ti Jerusalén cha'añ mic mel jiñi q'uiñijel che' mi' cajel; pero] mu' to c cha' tilel ba'añetla mi che' yom Dios. Pablo tsa' ochi ti barco tsa' majli ti Éfeso.

Hechos 9:13

Jiñi cha'añ Ananías tsi' jac'ʌ: —C Yum, ca'bʌl tsa' cu'bi t'añ cha'añ jiñi wiñic wen jontol tsi' mele ti' contra a cha'año' bʌ ya' ti Jerusalén;

Romanos 1:1

Joñon Pablo, x'e'telon i cha'añ Jesucristo, pʌybilon cha'añ mic chojquel majlel ti subt'añ. Dios tsi' ña'ta i c'ʌñon cha'añ mic su'b jiñi wen t'añ,

Romanos 1:7

Ti la' pejtelel añet bʌ la ti Roma, c'uxbibiletla i cha'añ Dios tsa' bʌ i pʌyʌyetla cha'añ mi la' wochel ti ch'ujul: La' i yʌq'ueñetla Dios lac Tat yic'ot lac Yum Jesucristo i yutslel yic'ot i ñʌch'tʌlel la' pusic'al.

Romanos 8:1

Jiñi cha'añ ma'añix tojmulil ti' tojlelob jiñi año' bʌ ti Cristo Jesús, [jiñi mach bʌ añix mi' chʌn jac'beñob i tsuculel i pusic'al, pero mi' jac'beñob jiñi Espíritu,]

1 Corintios 4:12

Mic cha'len lojon wersa e'tel tij c'ʌb, jiñi mu' bʌ i p'ajon lojon mic pejcan lojon ti wen bʌ t'añ, jiñi mu' bʌ i tic'lañon lojon, mij cuchben lojon.

1 Corintios 4:17

Jiñi cha'añ tsa' c choco majlel Timoteo ba'añetla, jiñʌch c'uxbibil bʌ calobil yic'ot xuc'ul bʌ i pusic'al ti lac Yum, jiñʌch mu' bʌ caj i yʌq'ueñetla la' cha' ña'tan che' bajche' woli c ñop Cristo, che' bajche' mij cʌntesan xñopt'añob ti pejtelel pañimil baqui jach mi' tempañob i bʌ.

2 Corintios 1:1

Pablojon, apóstolon i cha'añ Cristo Jesús cha'añ che' yom Dios, wʌ'an la quermañu Timoteo quic'ot, woli c ts'ijbubeñetla xñopt'añet bʌ la i cha'añ Dios ya' ti Corinto yic'ot ti pejtelel Acaya.

Gálatas 1:1

Pablojon, apóstolon mach chocbiloñic majlel i cha'añ wiñicob mi ti' p'ʌtʌlelic wiñic. Pero i chocbalon majlel Jesucristo yic'ot Dios lac Tat tsa' bʌ i teche ch'ojyel Jesús ba'añ chʌmeño' bʌ.

Gálatas 3:26

I yalobiletla Dios ti la' pejtelel cha'añ tsa' la' ñopo Cristo Jesús.

Gálatas 3:28

Come ma'añix judío bʌ, mi griegojic, mi am bʌ ti' yum, o mi librejix añ, ma'añic wiñic mi x'ixic, come ti la' pejtelel jump'ejl jach añetla ti Cristo Jesús.

Gálatas 3:9

Jiñi cha'añ, majqui jach mi' ñop Dios mi' taj i wenlel yic'ot Abraham jiñi tsa' bʌ i ñopo Dios ti xuc'ul.

Efesios 1:15

Cha'añ ti' caj iliyi, joñon ja'el, che' bʌ tsa' cu'bi tsa'ix la' ñopo lac Yum Jesús, yic'ot bajche' c'ux mi la' wu'bin pejtelel i cha'año' bʌ Dios,

Efesios 2:10

I melbalonla Dios, tsi' cha' meleyonla ti Cristo Jesús cha'añ mi lac mel chuqui wen, wʌn ña'tʌbilix i cha'añ Dios chuqui mi caj lac mel.

Efesios 2:13

Pero wʌle añetla ti Cristo Jesús, jatetla ñajt bʌ añetla ti yam bʌ ora, tsa'ix pʌjyiyetla ti lʌc'ʌl cha'añ ti' ch'ich'el Cristo.

Efesios 2:6

tsi' techeyonla ch'ojyel temel la quic'ot Cristo, tsi' buchchocoyonla ti panchan la quic'ot Cristo Jesús,

Efesios 6:21

Jiñi la quermañu Tíquico, c'uxbibil bʌ hermano, xuc'ul bʌ x'e'tel i cha'añ lac Yum, jiñʌch mu' bʌ caj i laj su'beñetla che' bajche' añon yic'ot chuqui woli c mel,

Colosenses 1:2

woli c ts'ijbubeñetla ili juñ i cha'añet bʌ la Dios, xuc'ul bʌ hermañujob ti Cristo añet bʌ la ti Colosas: La' aq'uentiquetla i yutslel yic'ot i ñʌch'tʌlel la' pusic'al ch'oyol bʌ ti Dios lac Tat yic'ot ti lac Yum Jesucristo.

Apocalipsis 17:14

Mi caj i contrajiñob jiñi Tʌñʌme' ti guerra. Jiñi Tʌñʌme' mi caj i mʌl come i Yumʌch yumʌlob, i Reyʌch reyob. Pejtelel mu' bʌ i yajñelob yic'ot jiñi Tʌñʌme' jiñobʌch pʌybilo' bʌ, yajcʌbilo' bʌ, xuc'ulo' bʌ i pusic'al”, che'en.

Apocalipsis 2:10

Mach la' bʌc'ñan jiñi wocol mu' bʌ caj i tajetla, awilan jiñi xi'ba mi caj i lamital otsañetla ti ñujp'ibʌl cha'añ i yilʌbentel la' pusic'al yic'ot mi caj la' tic'lʌntel lujump'ejl q'uiñ. Xuc'ul yom mi la' wajñel anquese mi la' wʌjq'uel ti chʌmel, mi caj cʌq'ueñetla la' cuxtʌlel che' bajche' corona.

Apocalipsis 2:13

Cʌmbil c cha'añ la' melbal ya' ba' chumuletla ba' woli' cha'len yumʌl Satanás. Pero woli la' chʌn ña'tan j c'aba', ma'añic tsa' la' cʌyʌ la' ñopon, xuc'uletla ja'el che' bʌ tsa' tsʌnsʌnti Antipas, xuc'ul bʌ testigo c cha'añ tsa' bʌ i yʌc'ʌyon ti cʌjñel ya' ba'añetla ba' chumul Satanás.