Apocalipsis 8:2 - Jiñi Tsiji' bʌ Wen T'añ cha'añ Estudio

² Che' jiñi tsa' j q'uele jiñi wuctiquil ángelob wa'alo' bʌ ti' tojel Dios, tsa' aq'uentiyob wucts'ijt trompeta.

Chol de Tumbalá Bible

² Tsaj q'uele jini wuctiquil ángelob wa'alo' bʌ ti' tojel Dios. Tsa' aq'uentiyob wucts'ijt trompeta.

Jiñi Tsiji' bʌ Wen T'añ cha'añ Estudio

² Che' jiñi tsa' j q'uele jiñi wuctiquil ángelob wa'alo' bʌ ti' tojel Dios, tsa' aq'uentiyob wucts'ijt trompeta.

Chol Tila

² Che' jini ti quilʌ che' bajche' tic ñajal jini siete ajtroñelob i cha'año' bʌ Dios ch'oyol bʌ ti panchan. Ya' wa'alob ti' tyojel Dios. Ti aq'uentiyob jujuntiquil i trompeta.

Chol: I T’an Dios

² Tsaj q'uele jini wuctiquil ángelob wa'alo' bʌ ti' tojel Dios. Tsa' aq'uentiyob wucts'ijt trompeta.

Apocalipsis 8:2 Iomraidhean Croise

Mateo 18:10

Chʌcʌ q'uele la' bʌ cha'añ ma'añic mi la' q'uel ti lolom mi juntiquilic ch'och'oc bʌ, come mic su'beñetla, ya' ti panchan i yángelob jiñi ch'och'oco' bʌ ti pejtelel ora mi' q'uelbeñob i wut c Tat am bʌ ti panchan.

Mateo 24:31

Mi caj i choc tilel i yángelob yic'ot c'am bʌ i t'añ trompeta, mi caj i tempan jiñi yajcʌbilo' bʌ i cha'añ ti chʌnwejlel pañimil, ti junwejl panchan c'ʌlʌl ti yam bʌ junwejl.

Lucas 1:19

Jiñi ángel tsi' jac'be: —Joñon Gabriel, añon ti' tojlel Dios, chocbilon tilel cha'añ mic pejcañet cha'añ mic su'beñet ili wen t'añ.

Lucas 21:36

Yom yʌxʌl la' woj che' jiñi, chʌn cha'lenla oración ti pejtelel ora, cha'añ mi la' q'uejlel ti uts'at, cha'añ ma'añic mi' tajetla ili wocol mu' bʌ caj ti ujtel, cha'añ uts'at mi la' wa'tʌl ti' tojel i Yalobil Wiñic, che'en Jesús.

1 Corintios 15:52

Che' mi' wustʌl jiñi cojix bʌ trompeta, ti orajach mi caj lac yʌjñel che' bajche' orajach mi' mujts'el mi' cajñel lac wut, come mi' caj ti wustʌl jiñi trompeta, mi caj i tejchelob ch'ojyel jiñi chʌmeño' bʌ, ma'añix mi' chʌn chʌmelob, joñonla ja'el mi caj lac yʌjñel.

1 Tesalonicenses 4:16

Come jiñi lac Yum mi caj i ju'bel tilel ti panchan mi caj i yʌc' mandar, jiñi ñuc bʌ ángel mi' cajel ti t'añ, mi caj i yu'bintel i trompeta Dios; ñaxan mi caj i ch'ojyelob jiñi chʌmeño' bʌ i cha'año' bʌ Cristo.

Apocalipsis 1:4

Juañon, mic ts'ijbubeñetla ili juñ wucmojt xñopt'añet bʌ la mu' bʌ la' tempan la' bʌ ya' ti Asia: La' i yʌq'ueñetla i yutslel yic'ot i ñʌch'tʌlel i pusic'al Dios jiñi am bʌ wʌle, jiñi am bʌ ti wajali, jiñi tal to bʌ, yic'ot jiñi wuctiquil espíritu año' bʌ ti' tojel i buchlib Dios,

Apocalipsis 11:15

Jiñi wucticlel ángel tsi' wusu i trompeta, tsa' cajiyob ti c'am bʌ t'añ ti panchan, tsi' yʌlʌyob: “I yumʌntel tac pañimil tsa'ix ochi ti' wenta lac Yum yic'ot ti' wenta Cristo. Mi caj i cha'len yumʌl ti pejtelel ora”.

Apocalipsis 15:1

Tsa' j q'uele yam bʌ i yejtal i p'ʌtʌlel Dios ti panchan, wen ñuc, wen bʌbʌq'uen: Wuctiquil ángelob yic'ot wucchajp tal to bʌ wocol cha'añ mi' tic'lan wiñicob, x'ixicob, come jiñʌch i ts'ʌctʌyib i mich'ajel Dios.

Apocalipsis 16:1

Che' jiñi tsa' cu'bi wen c'am bʌ t'añ loq'uem bʌ ti templo, tsi' su'be jiñi wuctiquil ángelob: “Cucula, beq'uela ju'bel ti lum i bʌl jiñi wucp'ejl taza but'ul bʌ ti' mich'ajel Dios”, che'en.

Apocalipsis 8:13

Che' bʌ tsa' j q'uele, tsa' cu'bi juntiquil ángel woli bʌ ti wejlel ti ojlil panchan. Tsa' cu'bibe i t'añ che' c'am tsi' yʌlʌ: ¡O'bol i bʌ, o'bol i bʌ, ñumen ca'bʌl wocol mi caj i tajob jiñi chumulo' bʌ ti pañimil che' mi' yu'biñob i t'añ yam bʌ uxp'ejl trompeta mu' bʌ caj i wusob jiñi yam bʌ uxtiquil ángelob! Che'en.

Apocalipsis 8:6

Jiñi wuctiquil ángelob am bʌ i cha'añob wucts'ijt trompeta, tsi' chajpayob i bʌ cha'añ mi' wusob.

Apocalipsis 9:1

Jiñi i jo'ticlel ángel tsi' wusu i trompeta, tsa' j q'uele jump'ejl ec' tsa' bʌ yajli ti panchan c'ʌlʌl ti pañimil. Tsa' aq'uenti i llavejlel jiñi ch'eñ mach bʌ añix mi' tajbentel i ye'bal.