Apocalipsis 7:2 - Jiñi Tsiji' bʌ Wen T'añ cha'añ Estudio

² Tsa' j q'uele ja'el yam bʌ ángel woli' letsel tilel ti' pasibal q'uiñ, chucul i cha'añ i sellojlel jiñi cuxul bʌ Dios. Ti c'am bʌ t'añ tsi' pejca jiñi chʌntiquil ángelob tsa' bʌ aq'uentiyob i p'ʌtʌlel cha'añ mi' tic'lañob pañimil yic'ot mar,

Chol de Tumbalá Bible

² Tsaj q'uele ja'el yambʌ ángel woli' letsel tilel ti' pasibal q'uin, chucul i cha'an i sellojlel jini cuxul bʌ Dios. Ti c'am bʌ t'an tsi' pejca jini chʌntiquil ángelob tsa' bʌ aq'uentiyob i p'ʌtʌlel cha'an mi' tic'lañob pañimil yic'ot colem ñajb.

Jiñi Tsiji' bʌ Wen T'añ cha'añ Estudio

² Tsa' j q'uele ja'el yam bʌ ángel woli' letsel tilel ti' pasibal q'uiñ, chucul i cha'añ i sellojlel jiñi cuxul bʌ Dios. Ti c'am bʌ t'añ tsi' pejca jiñi chʌntiquil ángelob tsa' bʌ aq'uentiyob i p'ʌtʌlel cha'añ mi' tic'lañob pañimil yic'ot mar,

Chol Tila

² Ti quilʌ yambʌ ajtroñel i cha'an Dios ch'oyol bʌ ti panchan. Chʌncol i loq'uel tyʌlel ya' ba' mi' pasel q'uin. Chucul i cha'an ti' c'ʌb i sello i cha'an bʌ jini cuxul bʌ Dios. Ti c'am bʌ t'an ti' pejcʌyob jini chʌntiquil ajtroñelob i cha'an Dios ch'oyol bʌ ti panchan tsa' bʌ aq'uentiyob i p'ʌtyʌlel cha'an i tyʌc'lan jini mulawil yic'ot colem ja'.

Chol: I T’an Dios

² Tsaj q'uele ja'el yambʌ ángel woli' letsel tilel ti' pasibal q'uin, chucul i cha'an i sellojlel jini cuxul bʌ Dios. Ti c'am bʌ t'an tsi' pejca jini chʌntiquil ángelob tsa' bʌ aq'uentiyob i p'ʌtʌlel cha'an mi' tic'lañob pañimil yic'ot colem ñajb.

Apocalipsis 7:2 Iomraidhean Croise

Mateo 16:16

Simón Pedro tsi' jac'ʌ: —Jatetʌch jiñi Cristo, jiñi yajcʌbil bʌ, i Yalobilet jiñi cuxul bʌ Dios, —che'en.

Mateo 26:63

Pero Jesús ma'añic chuqui tsi' yʌlʌ. Jiñi cha'añ jiñi c'ax ñuc bʌ motomaj tsi' su'be: —Ti' c'aba' jiñi cuxul bʌ Dios, yom ma' su'beñon lojon mi Cristojet mi Yalobilet Dios, —che'en.

Juan 6:27

Cha'lenla e'tel, mach cha'añic jiñi we'elʌl mu' bʌ i jilel, cha'lenla e'tel cha'añ jiñi we'elʌl mu' bʌ i jalijel cha'añ mi la' taj la' cuxtʌlel mach bʌ añic mi' jilel, i Yalobil Wiñic mi caj i yʌq'ueñetla jiñi we'elʌl, come Dios lac Tat tsa'ix i yʌq'ueyon c p'ʌtʌlel cha'añ ili e'tel.

2 Corintios 1:22

jiñʌch tsa' bʌ yotsʌbeyonla lac sellojlel ba' mi' tsictiyel cha'añ i cha'añoñʌchla yic'ot tsi' yʌq'ueyonla jiñi Espíritu ti lac pusic'al.

Efesios 1:13

Jatetla ja'el tsa' la' wu'bi jiñi isujm bʌ t'añ, cha'añ la' coltʌntel che' bʌ tsa' la' ñopo Cristo, tsa' otsʌbentiyetla jiñi Ch'ujul bʌ Espíritu, jiñʌch la' sellojlel che' bajche' wʌn albil.

Efesios 4:30

Mach la' wʌq'uen i ch'ijiyemlel i pusic'al jiñi Ch'ujul bʌ Espíritu tsa' bʌ la' taja ti Dios, come jiñʌch la' sellojlel ti jiñi tal to bʌ q'uiñ che' mi caj la' coltʌntel.

1 Tesalonicenses 1:9

come woli' i su'bob bajche' tsa' la' pʌyʌyon lojon ochel ba'añetla yic'ot bajche' tsa' la' cʌyʌ jiñi dios tac cha'añ mi la' ñop jiñi mero Dios, cha'añ mi la' melben i ye'tel jiñi cuxul bʌ Dios,

2 Timoteo 2:19

Pero tsʌts wa'chocobilonla ti Dios. Tsi' yʌq'ueyonla lac sellojlel ba' ts'ijbubil: “Lac Yum mi' cʌn i cha'año' bʌ”. Jiñi cha'añ la' i cʌy i jontolil jujuntiquil mu' bʌ i pejcʌben i c'aba' Cristo.

Hebreos 12:22

Pero jatetla tsa'ix c'otiyetla ti wits i c'aba' Sión, i tejclum jiñi cuxul bʌ Dios, jiñi Jerusalén am bʌ ti panchan ba' tempʌbilob bajc'ʌl ángelob,

Apocalipsis 1:3

Tijicña jiñi mu' bʌ i q'uel yic'ot jiñi mu' bʌ i yu'biñob jiñi t'añ ts'ijbubil bʌ ti ili juñ, yic'ot jiñi mu' bʌ i jac'ob chuqui tac ts'ijbubil ilayi, come lʌc'ʌlix i yorajlel.

Apocalipsis 10:1

Tsa' j q'uele tsa' loq'ui ti panchan yam bʌ p'ʌtʌl bʌ ángel, tsa' ju'bi tilel, añ tocal ti' joytʌlel, añ t'oxja' ti' chañelal i jol. Che' yilal i wut bajche' q'uiñ. Che'ʌch i yoc bajche' wa'al bʌ c'ajc.

Apocalipsis 10:4

Che' wucyajl tsa' ujti ti t'añ chajc, tsa' cʌlʌ cajel ti ts'ijb, pero tsa' cu'bi t'añ loq'uem bʌ ti panchan, tsi' su'beyon: “Ñup'u ti sello chuqui tsi' su'bu che' wucyajl tsi' cha'le t'añ chajc. Mach a ts'ijban”, che'en.

Apocalipsis 16:12

I wʌcticlel ángel tsi' beq'ue i bʌl taza ti jiñi ñuc bʌ colem ja' i c'aba' Éufrates. Tsa' tiqui i ya'lel cha'añ mi' chajpʌbentelob i bijlel reyob ch'oyolo' bʌ ba' mi' pasel q'uiñ.

Apocalipsis 5:2

Tsa' j q'uele p'ʌtʌl bʌ ángel, wen c'am tsi' cha'le t'añ: ¿Majqui uts'at cha'añ mi' jam jiñi juñ yic'ot cha'añ mi' loc'sʌben i sellojlel tac? Che'en.

Apocalipsis 8:3

Tsa' tili yam bʌ ángel, tsa' wa'le ti' tojel i pulʌntib i majtañ Dios, chucul i cha'añ i yajñib pom melbil bʌ ti oro. Tsa' aq'uenti ca'bʌl pom cha'añ mi' xʌb yic'ot i yoración pejtelel i cha'año' bʌ Dios, tsi' yʌc'ʌ ti pulel ti' pam pulʌntib melbil bʌ ti oro ya' ti' tojel i buchlib Dios.

Apocalipsis 9:14

I wʌcticlel ángel, jiñi chucul bʌ i cha'añ trompeta tsa' su'benti: ¡Jiti jiñi chʌntiquil ángelob cʌchʌlo' bʌ ti ti' colem ja' i c'aba' Éufrates!

Apocalipsis 9:4

Tsa' su'benti sajc' cha'añ ma'añic mi' c'ux jam mi pimel mi te', cojach mi' c'uxob jiñi wiñicob mach bʌ añobic i sellojlel Dios ti' pam.