Apocalipsis 5:9 - Jiñi Tsiji' bʌ Wen T'añ cha'añ Estudio

⁹ Tsi' c'ʌyiyob tsiji' bʌ c'ay: “Wen uts'at ma' ch'ʌm jiñi juñ cha'añ ma' tsilben i sellojlel tac, come tsa' tsʌnsʌntiyet, tsa' mʌñʌyon lojon ti a ch'ich'el cha'añ mic ñop lojon Dios, loq'uemon bʌ lojon ti jujunchajp wiñicob x'ixicob, yic'ot ti pejtelel t'añ tac, yic'ot ti pejtelel tejclum tac,

Chol de Tumbalá Bible

⁹ Tsi' c'ʌyiyob tsiji' bʌ c'ay: Wen uts'atet. Uts'at ma' ch'ʌm jini jun cha'an ma' tsilben i sellojlel tac, come tsa' tsʌnsʌntiyet, tsa' mʌñʌyon lojon ti a ch'ich'el cha'an mic ñop lojon Dios. Loq'uemon lojon ti jujunchajp winicob, yic'ot ti pejtelel t'an tac, yic'ot ti pejtelel tejclum tac.

Jiñi Tsiji' bʌ Wen T'añ cha'añ Estudio

⁹ Tsi' c'ʌyiyob tsiji' bʌ c'ay: “Wen uts'at ma' ch'ʌm jiñi juñ cha'añ ma' tsilben i sellojlel tac, come tsa' tsʌnsʌntiyet, tsa' mʌñʌyon lojon ti a ch'ich'el cha'añ mic ñop lojon Dios, loq'uemon bʌ lojon ti jujunchajp wiñicob x'ixicob, yic'ot ti pejtelel t'añ tac, yic'ot ti pejtelel tejclum tac,

Chol Tila

⁹ Ti' c'ʌybeyob tsiji' bʌ c'ay mu' bʌ i yʌle': An a ñuclel cha'an ma' ch'ʌme' jini bʌlʌl bʌ jun, cha'an ma' tsilben loq'uel i sellojlel tyac como ti tsʌnsʌntiyet. Ti a ch'ich'el ti a mʌñʌ quixtyañujob loq'uemo' bʌ ti jujunchajp quixtyañujob, ti jujunchajp t'an tyac, ti jujunchajp pañimil.

Chol: I T’an Dios

⁹ Tsi' c'ʌyiyob tsiji' bʌ c'ay: Wen uts'atet. Uts'at ma' ch'ʌm jini jun cha'an ma' tsilben i sellojlel tac, come tsa' tsʌnsʌntiyet, tsa' mʌñʌyon lojon ti a ch'ich'el cha'an mic ñop lojon Dios. Loq'uemon lojon ti jujunchajp winicob, yic'ot ti pejtelel t'an tac, yic'ot ti pejtelel tejclum tac.

Apocalipsis 5:9 Iomraidhean Croise

Mateo 20:28

Che' bajche' i Yalobil Wiñic ma'añic tsa' tili cha'añ mi' coltʌntel, pero tsa' tili cha'añ mi' coltañ wiñicob x'ixicob, cha'añ mi' yʌc' i bʌ ti chʌmel cha'añ i tojol i mul ca'bʌlob.

Mateo 26:28

jiñʌch c ch'ich'el cha'añ jiñi tsijib xuc'ul bʌ c t'añ, mu' bʌ i bejq'uel cha'añ ca'bʌlob cha'añ i ñusʌntel mulil.

Hechos 20:28

Chʌcʌ q'uele la' bʌ che' jiñi. Cʌntanla pejtelel jiñi tʌñʌme', come jiñi Ch'ujul bʌ Espíritu tsi' yʌq'ueyetla la' we'tel ti xcʌntaya cha'añ mi la' we'san jiñi xñopt'añob i cha'año' bʌ lac Yum tsa' bʌ i mʌñʌ ti' bajñel ch'ich'el.

1 Corintios 6:20

Come tsa' mʌjñiyetla, tojbiletla, jiñi cha'añ tsictesanla i ñuclel Dios ti la' bʌc'tal [yic'ot ti la' ch'ujlel, come i cha'añʌch Dios.],

1 Corintios 7:23

Tsa' mʌjñiyetla, tojbiletla; ña'tanla mach chʌn i cha'añetixla wiñicob.

Efesios 1:7

Tsi' mʌñʌyonla ti' ch'ich'el Cristo, tsi' ñusʌbeyonla lac mul come oñ i yutslel i pusic'al,

Efesios 5:19

pejcan la' bʌ ti salmo tac, ti himno tac, yic'ot c'ay tac i cha'añ Dios, c'ʌyinla lac Yum, su'bula i ñuclel ti la' pusic'al;

Colosenses 1:14

tsa' bʌ i yʌc'ʌyonla ti colel che' bʌ tsi' ñusʌbeyonla lac mul [ti' ch'ich'el].

Colosenses 1:23

pero yom chʌn xuc'uletla ti isujm, mi p'ʌtʌletla ti jiñi mu' bʌ la' ñop, mach mi la' cʌy la' pijtaya tsa' bʌ la' wu'bi ti jiñi t'añ woli bʌ i sujbel ti pejtelel pañimil ti' ye'bal panchan; joñon, Pablo, aq'uebilon que'tel cha'añ jiñi wen t'añ.

Tito 2:14

Tsi' yʌc'ʌ i bʌ ti chʌmel cha'añonla cha'añ mi' mʌñonla loq'uel ti pejtelel lac jontolil, yic'ot mi' sʌc-esañonla, cha'añ mi' yotsañonla ti' jump'ejl i tejclum, cha'añ mi lac bʌx-añ ti' melol pejtelel chuqui wen.

Hebreos 11:14

Pejtelel mu' bʌ i yʌlob yambʌyʌch i lumal mi' yʌc'ob i bʌ ti cʌjñel, come woli' to i sʌclañob mero i lumal,

2 Pedro 2:1

Añ ja'el lot bʌ x'alt'añob ti' tojlel israelob; che' ja'el mi caj i tejchel lot bʌ xcʌntesajob mu' bʌ caj i mucul otsañob jiñi sojquem bʌ i cʌntesa mu' bʌ i yʌq'uetla ti sajtel, woli' ñusañob lac Yum tsa' bʌ i mʌñʌyob; woli' bʌc' pʌyob tilel i wocol mu' bʌ caj i jisañob.

1 Juan 1:7

Pero mi woliyonla ti xʌmbal ti' sʌclel pañimil, che' bajche' mi' yajñel Dios ti' sʌclel pañimil, che' jiñi mi lac wen cʌn lac bʌ, i ch'ich'el Jesucristo i Yalobil Dios woli' sʌc-esañonla ti pejtelel mulil.

1 Juan 2:2

Jiñʌch tsa' bʌ i yu'bi i mich'ajel Dios ti' caj lac mul, mach jiñic jach lac mul pero i mul ja'el pejtelel año' bʌ ti pañimil.

Apocalipsis 10:11

Tsi' su'beyon: Wersa ma' cha' su'b chuqui mi caj i tajob ca'bʌl wiñicob x'ixicob yic'ot i reyob ca'bʌl tejclum tac, yujilo' bʌ t'añ ti' chajp ti' chajp, che'en.

Apocalipsis 11:9

Ca'bʌl wiñicob ch'oyolo' bʌ ti ca'bʌl tejclum ti ca'bʌl lum yujilo' bʌ t'añ ti' chajp ti' chajp mi caj i q'uelbeñob i bʌc'tal jiñi chʌmeño' bʌ ojlil i chʌmp'ejl q'uiñ, come mach yomobic i yʌc'ob i t'añ cha'añ mi' mujquelob.

Apocalipsis 13:7

Tsa' aq'uenti i cha'len guerra ti' contra i cha'año' bʌ Dios cha'añ mi' mʌlob; yic'ot ja'el tsa' aq'uenti i ye'tel ti yumʌl ti' tojlel wiñicob x'ixicob año' bʌ ti pejtelel tejclum tac yujilo' bʌ t'añ ti' chajp ti' chajp.

Apocalipsis 13:8

Pejtelel woliyo' bʌ ti chumtʌl ti pañimil, mach bʌ otsʌbilic i c'aba' ti jiñi juñ ba' otsʌbilob i c'aba' jiñi año' bʌ i cuxtʌlel c'ʌlʌl ti' tejchibal pañimil, mi caj i ch'ujutesañob jiñi bʌte'el, jiñi juñ i cha'añʌch jiñi Tʌñʌme' tsa' bʌ tsʌnsʌnti.

Apocalipsis 14:6

Tsa' j q'uele yam bʌ ángel woli bʌ ti wejlel ti ojlil panchan, chucul i cha'añ jiñi wen t'añ am bʌ ti pejtelel ora cha'añ mi' su'beñob jiñi chumulo' bʌ ti pañimil yic'ot jiñi año' bʌ ti pejtelel tejclum tac yic'ot pejtelel wiñicob x'ixicob yujilo' bʌ t'añ ti' chajp ti' chajp.

Apocalipsis 15:3

Tsi' c'ʌyiyob i c'ay Moisés, i wiñic Dios, yic'ot i c'ay jiñi Tʌñʌme', tsi' yʌlʌyob: “Wen ñuc, wen uts'at pejtelel a melbal c Yum Dios, jatet Mach bʌ Añic i P'isol a P'ʌtʌlel. Toj a bijlel, isujm ja'el. Jatet i Reyet pejtelel i cha'año' bʌ Dios.

Apocalipsis 17:15

Jiñi ángel tsi' cha' su'beyon: “Jiñi ca'bʌl ja' tac tsa' bʌ a q'uele ba' buchul jiñi xts'i'lel x'ixic jiñʌch bajc'ʌl wiñicob x'ixicob año' bʌ ti ca'bʌl tejclum tac yujilo' bʌ t'añ ti' chajp ti' chajp.

Apocalipsis 4:11

Uts'atet c Yum lojon. Yom mi' sujbel a ñuclel yic'ot a c'uxbintel yic'ot a p'ʌtʌlel, come jatet tsa' mele pejtelel chuqui tac añ. Ti pejtelel tsa' mejli cha'añ che'ʌch awom, tsa' laj aq'ue i cuxtʌlel.

Apocalipsis 5:12

tsi' yʌlʌyob ti c'am bʌ t'añ: “Uts'at jiñi Tʌñʌme' tsa' bʌ tsʌnsʌnti. Uts'at mi' ch'ʌm i ye'tel yic'ot i chu'bʌañ, yic'ot i ña'tʌbal, yic'ot i p'ʌtʌlel yic'ot i ñuclel, uts'at mi lac su'b i ñuclel”.

Apocalipsis 5:6

Tsa' j q'uele ya'añ jiñi Tʌñʌme' ti' tojel i buchlib Dios, joyol ti chʌntiquil querubiñob yic'ot ancianojob, tsiquil tsa' tsʌnsʌnti jiñi Tʌñʌme' pero cha' cuxul, añ wucts'ijt i xulub i yejtal i p'ʌtʌlel yic'ot wucp'ejl i wut, jiñʌch wuctiquil espíritu i cha'añ Dios chocbilo' bʌ tilel ti pejtelel pañimil.