Apocalipsis 5:8 - Jiñi Tsiji' bʌ Wen T'añ cha'añ Estudio

⁸ Che' bʌ tsi' ch'ʌmʌ jiñi juñ, jiñi chʌntiquil querubiñob yic'ot chʌntiquil i cha'c'al ancianojob tsi' pʌc chocoyob i bʌ ti' tojel jiñi Tʌñʌme'. Ti jujuntiquil añ i cha'añ arpa yic'ot taza melbil bʌ ti oro but'ul bʌ ti pom, jiñʌch i yejtal i yoración i cha'año' bʌ Dios.

Chol de Tumbalá Bible

⁸ Che' bʌ tsi' ch'ʌmʌ jini jun, jini chʌntiquil querubiñob yic'ot chʌntiquil i cha'c'al ancianojob tsi' pʌcchocoyob i bʌ ti' tojel jini Tiñʌme'. Ti jujuntiquil an i cha'an arpa yic'ot taza melbil bʌ ti oro but'ul bʌ ti pom. Jiñʌch i yejtal i yoración i cha'año' bʌ Dios.

Jiñi Tsiji' bʌ Wen T'añ cha'añ Estudio

⁸ Che' bʌ tsi' ch'ʌmʌ jiñi juñ, jiñi chʌntiquil querubiñob yic'ot chʌntiquil i cha'c'al ancianojob tsi' pʌc chocoyob i bʌ ti' tojel jiñi Tʌñʌme'. Ti jujuntiquil añ i cha'añ arpa yic'ot taza melbil bʌ ti oro but'ul bʌ ti pom, jiñʌch i yejtal i yoración i cha'año' bʌ Dios.

Chol Tila

⁸ Che' ñac lac Yum Jesucristo, jini mu' bʌ i pejcʌntyel ti i Tiñʌme' Dios, ti' ch'ʌmʌ jini bʌlʌl bʌ jun jini cuatro cuxul bʌ chʌ bʌ yes yic'ot jini veinticuatro ancianojob ti ñocleyob ya' ti' tyojel jini Tiñʌme' bʌ yubil. Ti jujuntiquil jini ancianojob an i cha'an jump'ej arpa bʌ música. An i cha'añob ti jujuntiquil jump'ej saj ch'ejew yilal melel bʌ ti oro. But'ul ti pom. I sujmlel jini pom jiñʌch i yoración jini i cha'año' bʌ Dios.

Chol: I T’an Dios

⁸ Che' bʌ tsi' ch'ʌmʌ jini jun, jini chʌntiquil querubiñob yic'ot chʌntiquil i cha'c'al ancianojob tsi' pʌcchocoyob i bʌ ti' tojel jini Tiñʌme'. Ti jujuntiquil an i cha'an arpa yic'ot taza melbil bʌ ti oro but'ul bʌ ti pom. Jiñʌch i yejtal i yoración i cha'año' bʌ Dios.

Apocalipsis 5:8 Iomraidhean Croise

Juan 1:29

Ti yijc'ʌlal Juan tsi' q'uele woli i tilel Jesús ba'añ. Tsi' yʌlʌ: Q'uelela, jiñʌch i Tʌñʌme' Dios mu' bʌ i ch'ʌm majlel i mul pejtelel pañimil.

Juan 5:23

cha'añ mi' q'uelob ti ñuc i Yalobil, che' bajche' mi' q'uelob ti ñuc c Tat; jiñi mach bʌ añic mi' q'uel ti ñuc i Yalobil Dios, ma'añic mi' q'uel ti ñuc c Tat tsa' bʌ i chocoyon tilel.

Hebreos 1:6

Che' bʌ tsi' choco tilel ti pañimil ñaxan bʌ i Yalobil, Dios tsi' yʌlʌ: “La' i ch'ujutesañob Calobil pejtelel ángelob”, che'en.

Apocalipsis 13:8

Pejtelel woliyo' bʌ ti chumtʌl ti pañimil, mach bʌ otsʌbilic i c'aba' ti jiñi juñ ba' otsʌbilob i c'aba' jiñi año' bʌ i cuxtʌlel c'ʌlʌl ti' tejchibal pañimil, mi caj i ch'ujutesañob jiñi bʌte'el, jiñi juñ i cha'añʌch jiñi Tʌñʌme' tsa' bʌ tsʌnsʌnti.

Apocalipsis 15:2

Che' ja'el tsa' j q'uele mar melbil bʌ ti espejo yilal, xʌ'bʌl ti c'ajc, ya'añob wiñicob tsa'ix bʌ i mʌlbeyob jontol bʌ bʌte'el yic'ot i yejtal, yic'ot i númerojlel i c'aba'. Wa'alobix ti' pam jiñi mar melbil bʌ ti espejo, añ i cha'añob arpa tac aq'uebilo' bʌ i cha'añ Dios.

Apocalipsis 15:7

Juntiquil querubín am bʌ i ye'tel yic'ot jiñi uxtiquil tsi' yʌq'ueyob jiñi wuctiquil ángelob wucp'ejl taza melbil bʌ ti oro, but'ul bʌ ti' mich'ajel Dios, jiñi cuxul bʌ ti pejtelel ora.

Apocalipsis 19:4

Che' jiñi tsi' pʌcchocoyob i bʌ ti lum jiñi chʌntiquil i cha'c'al (24) ancianojob yic'ot chʌntiquil querubiñob, tsi' ch'ujutesayob Dios, buchul bʌ ti' yumʌntel, tsi' yʌlʌyob: ¡Amén! ¡Aleluya!

Apocalipsis 4:10

jiñi chʌntiquil i cha'c'al ancianojob mi' pʌcchocoñob i bʌ ti' tojel jiñi buchul bʌ ti' yumʌntel, mi' ch'ujutesañob jiñi cuxul bʌ Dios ti pejtelel ora, mi' yʌc'ob i corona ti' tojel i buchlib, mi' yʌlob:

Apocalipsis 4:4

Ti' joytʌlel i buchlib añ chʌmp'ejl i cha'c'al buchlibʌl, ya' buchulob ti ye'tel tsa' j q'uele chʌntiquil i cha'c'al (24) ancianojob lʌpʌl i cha'añob sʌsʌc bʌ i pislel, añob i corona tac melbil bʌ ti oro c'ʌcʌl ti' jol.

Apocalipsis 4:6

Che' ja'el ti' tojel i buchlib Dios añ mar yilal, am bʌ i sʌclel che' bajche' espejo. Ti' joytʌlel jiñi buchlibʌl ti' chʌnwejlel, añ chʌntiquil querubín, año' bʌ ca'bʌl i wut ti' joytʌlel i bʌc'tal ti c'ajpam yic'ot ti' pat.

Apocalipsis 4:8

Ti jujuntiquil añ wʌcwʌcq'uejl i wich', añ ca'bʌl i wut tac ti' joytʌlel i cuctal yic'ot ti' mal, ti q'uiñil yic'ot ti ac'ʌlel ma'añic mi' cʌy i yʌlob: “Ch'ujul, ch'ujul, ch'ujul lac Yum Dios jiñi Mach bʌ Añic i P'isol i P'ʌtʌlel, jiñi am bʌ ti wajali, jiñi am bʌ wʌle, jiñi tal to bʌ”.

Apocalipsis 5:11

Tsa' j q'uele ca'bʌl ángelob ti' joytʌlel i buchlib Dios, tsa' cu'bibeyob i t'añ yic'ot i t'añ jiñi querubiñob yic'ot i t'añ ancianojob ti pic ti pic,

Apocalipsis 5:12

tsi' yʌlʌyob ti c'am bʌ t'añ: “Uts'at jiñi Tʌñʌme' tsa' bʌ tsʌnsʌnti. Uts'at mi' ch'ʌm i ye'tel yic'ot i chu'bʌañ, yic'ot i ña'tʌbal, yic'ot i p'ʌtʌlel yic'ot i ñuclel, uts'at mi lac su'b i ñuclel”.

Apocalipsis 5:14

Jiñi chʌntiquil querubiñob tsi' yʌlʌyob: “Amén”. Jiñi chʌntiquil i cha'c'al ancianojob tsi' pʌc chocoyob i bʌ, tsi' ch'ujutesayob jiñi cuxul bʌ ti pejtelel ora.

Apocalipsis 5:6

Tsa' j q'uele ya'añ jiñi Tʌñʌme' ti' tojel i buchlib Dios, joyol ti chʌntiquil querubiñob yic'ot ancianojob, tsiquil tsa' tsʌnsʌnti jiñi Tʌñʌme' pero cha' cuxul, añ wucts'ijt i xulub i yejtal i p'ʌtʌlel yic'ot wucp'ejl i wut, jiñʌch wuctiquil espíritu i cha'añ Dios chocbilo' bʌ tilel ti pejtelel pañimil.

Apocalipsis 6:1

Che' jiñi tsa' j q'uele tsi' jamʌ jump'ejl sello jiñi Tʌñʌme', tsa' cu'bibe i t'añ juntiquil querubín i pi'ʌl jiñi uxtiquil, wen c'am tsi' cha'le t'añ che' bajche' i t'añ chajc, tsi' yʌlʌ: ¡La' q'uele! Che'en.