Apocalipsis 5:13 - Jiñi Tsiji' bʌ Wen T'añ cha'añ Estudio

¹³ Che' jiñi tsa' cu'bi woli ti t'añ pejtelel melbil tac bʌ am bʌ i cuxtʌlel ti panchan yic'ot ti' pam lum, yic'ot ti' ye'bal lum, yic'ot ti mar, yic'ot pejtelel chuqui tac añ ti pañimil, tsi' yʌlʌyob: “Jiñi buchul bʌ ti' yumʌntel yic'ot jiñi Tʌñʌme'. La' sujbic i ñuclel yic'ot i c'uxbintel yic'ot i sʌclel, yic'ot i p'ʌtʌlel, ti pejtelel ora”.

Chol de Tumbalá Bible

¹³ Tsa cubi woli ti t'an pejtelel melbil tac bʌ am bʌ i cuxtʌlel ti panchan yic'ot ti pam lum, yic'ot ti yebal lum, yic'ot ti colem ñajb, yic'ot pejtelel chuqui tac an ti pañimil. Tsi' yʌlʌyob: La' lac sub i ñuclel yic'ot i c'uxbintel yic'ot i sʌclel, yic'ot i p'ʌtʌlel, ti pejtelel ora, jini buchul bʌ ti' yumʌntel yic'ot jini Tiñʌme', che'ob.

Jiñi Tsiji' bʌ Wen T'añ cha'añ Estudio

¹³ Che' jiñi tsa' cu'bi woli ti t'añ pejtelel melbil tac bʌ am bʌ i cuxtʌlel ti panchan yic'ot ti pam lum, yic'ot ti ye'bal lum, yic'ot ti mar, yic'ot pejtelel chuqui tac añ ti pañimil, tsi' yʌlʌyob: “Jiñi buchul bʌ ti' yumʌntel yic'ot jiñi Tʌñʌme'. La' sujbic i ñuclel yic'ot i c'uxbintel yic'ot i sʌclel, yic'ot i p'ʌtʌlel, ti pejtelel ora.”

Chol Tila

¹³ Ti cubi mu' ti t'an pejtyelel chʌ bʌ tyac jach yes ti' mele Dios, jiñi ya' bʌ an ti panchan, yic'ot wʌ' bʌ an ti mulawil, yic'ot ya' bʌ an ba' much'quibilob pejtyelel tsa' bʌ sajtiyob, yic'ot an ti colem ja', yic'ot an ti mal ja', yic'ot an ti mal lum. Ti pejtyelelob chʌncox i lu' alob: Ti pejtyel ora la' sujbic i yutslel, la' q'uejlic ti ñuc, la' sujbic i ñuclel, la' aq'uentic i wersajlel i t'an jini buchul bʌ ti' buchlib yic'ot jini mu' bʌ i pejcʌntyel ti i Tiñʌme' Dios. Che' ti yʌlʌyob.

Chol: I T’an Dios

¹³ Tsa cubi woli ti t'an pejtelel melbil tac bʌ am bʌ i cuxtʌlel ti panchan yic'ot ti pam lum, yic'ot ti yebal lum, yic'ot ti colem ñajb, yic'ot pejtelel chuqui tac an ti pañimil. Tsi' yʌlʌyob: La' lac sub i ñuclel yic'ot i c'uxbintel yic'ot i sʌclel, yic'ot i p'ʌtʌlel, ti pejtelel ora, jini buchul bʌ ti' yumʌntel yic'ot jini Tiñʌme', che'ob.

Apocalipsis 5:13 Iomraidhean Croise

Mateo 6:13

Mach ma' wʌc'on lojon ba' mic pʌjyel lojon ti mulil. Cʌntañon lojon ame yajlicon lojon ti jontolil. [Come a cha'añʌch a yumʌntel yic'ot a p'ʌtʌlel yic'ot a ñuclel, ti pejtelel ora. Amén.]

Lucas 2:14

¡La' sujbic i ñuclel Dios ya' ti panchan. Wʌ' ti pañimil woli' yʌq'ueñtelob i ñʌch'tʌlel i pusic'al wiñicob x'ixicob mu' bʌ i q'uejlelob ti uts'at ti Dios!

Juan 1:29

Ti yijc'ʌlal Juan tsi' q'uele woli i tilel Jesús ba'añ. Tsi' yʌlʌ: Q'uelela, jiñʌch i Tʌñʌme' Dios mu' bʌ i ch'ʌm majlel i mul pejtelel pañimil.

Romanos 11:36

Come ch'oyol ti Dios pejtelel chuqui tac añ, ti pejtelel cʌntʌbil i cha'añ, yic'ot i cha'añʌch Dios pejtelel chuqui tac añ. La' sujbic i ñuclel Dios ti pejtelel ora. Amén.

Romanos 16:27

jiñi cojach bʌ Dios am bʌ i ña'tʌbal, la' tsictiyic i ñuclel ti pejtelel ora ti Jesucristo. Amén.

Romanos 9:5

Abraham, Isaac yic'ot Jacob jiñobʌch i ñojte'elob, come ya'i tsa' tili Cristo ti' tojlelob. Cristo jiñʌch lac Dios am bʌ ti' wenta pejtelel chuqui tac añ, la' sujbic i ñuclel ti pejtelel ora. Amén.

Efesios 3:21

jiñi cha'añ la' sujbic i ñuclel Dios ti' tojlel jiñi xñopt'añob ti Cristo Jesús ti pejtelel ora. Amén.

Filipenses 2:10

cha'añ ti' c'aba' Jesús mi caj i ñocchocoñob i bʌ pejtelel año' bʌ ti panchan yic'ot ti pañimil yic'ot ti' ye'bal lum;

Colosenses 1:23

pero yom chʌn xuc'uletla ti isujm, mi p'ʌtʌletla ti jiñi mu' bʌ la' ñop, mach mi la' cʌy la' pijtaya tsa' bʌ la' wu'bi ti jiñi t'añ woli bʌ i sujbel ti pejtelel pañimil ti' ye'bal panchan; joñon, Pablo, aq'uebilon que'tel cha'añ jiñi wen t'añ.

1 Timoteo 4:16

Cʌntan a bʌ, chʌn cha'len cʌntesa ti toj; chʌn ajñen ti isujmlel, come che' jiñi mi caj a coltañ a bʌ yic'ot jiñi mu' bʌ i yu'biñob a t'añ.

1 Pedro 4:11

Majqui jach mi' cha'len t'añ, la' i cha'len t'añ che' bajche' cʌntesʌbil ti' t'añ Dios. Majqui jach mi' coltañ i pi'ʌlob, la' i coltañob yic'ot i p'ʌtʌlel mu' bʌ i yʌq'ueñ Dios, cha'añ mi' tsictiyel i ñuclel Dios ti Jesucristo ti pejtelel chuqui mi' yujtel. La' tsictiyic i ñuclel yic'ot i p'ʌtʌlel ti pejtelel ora. Amén.

1 Pedro 5:11

La' tsictiyic i ñuclel yic'ot i p'ʌtʌlel ti pejtelel ora. Amén.

Judas 1:25

Jiñi cojach bʌ Dios am bʌ i ña'tʌbal, la caj Coltaya, la' tsictiyic i ñuclel yic'ot i yumʌntel yic'ot i p'ʌtʌlel ti' tojlel lac Yum Jesucristo wʌle yic'ot ti pejtelel ora. Amén.

Apocalipsis 1:6

Tsi' yotsayonla ti rey yic'ot ti motomaj ti' tojlel Dios i Tat, la' aq'uentic Jesucristo i ñuclel yic'ot i p'ʌtʌlel ti pejtelel ora. Amén.

Apocalipsis 13:8

Pejtelel woliyo' bʌ ti chumtʌl ti pañimil, mach bʌ otsʌbilic i c'aba' ti jiñi juñ ba' otsʌbilob i c'aba' jiñi año' bʌ i cuxtʌlel c'ʌlʌl ti' tejchibal pañimil, mi caj i ch'ujutesañob jiñi bʌte'el, jiñi juñ i cha'añʌch jiñi Tʌñʌme' tsa' bʌ tsʌnsʌnti.

Apocalipsis 5:1

Tsa' j q'uele bʌlʌl bʌ juñ ti ñoj bʌ i c'ʌb jiñi buchul bʌ ti' buchlib Dios, añ i ts'ijbal ti' pam yic'ot ti' pat. Ñup'ul jiñi juñ ti wucp'ejl sello.

Apocalipsis 5:12

tsi' yʌlʌyob ti c'am bʌ t'añ: “Uts'at jiñi Tʌñʌme' tsa' bʌ tsʌnsʌnti. Uts'at mi' ch'ʌm i ye'tel yic'ot i chu'bʌañ, yic'ot i ña'tʌbal, yic'ot i p'ʌtʌlel yic'ot i ñuclel, uts'at mi lac su'b i ñuclel”.

Apocalipsis 5:3

Pero ma'añic tsa' tajle juntiquil uts'at bʌ ti panchan mi ti pañimil, mi ti' ye'bal lum, ma'añic majqui tsa' mejli i jam jiñi juñ cha'añ mi' q'uel.

Apocalipsis 5:6

Tsa' j q'uele ya'añ jiñi Tʌñʌme' ti' tojel i buchlib Dios, joyol ti chʌntiquil querubiñob yic'ot ancianojob, tsiquil tsa' tsʌnsʌnti jiñi Tʌñʌme' pero cha' cuxul, añ wucts'ijt i xulub i yejtal i p'ʌtʌlel yic'ot wucp'ejl i wut, jiñʌch wuctiquil espíritu i cha'añ Dios chocbilo' bʌ tilel ti pejtelel pañimil.

Apocalipsis 5:9

Tsi' c'ʌyiyob tsiji' bʌ c'ay: “Wen uts'at ma' ch'ʌm jiñi juñ cha'añ ma' tsilben i sellojlel tac, come tsa' tsʌnsʌntiyet, tsa' mʌñʌyon lojon ti a ch'ich'el cha'añ mic ñop lojon Dios, loq'uemon bʌ lojon ti jujunchajp wiñicob x'ixicob, yic'ot ti pejtelel t'añ tac, yic'ot ti pejtelel tejclum tac,

Apocalipsis 6:16

Tsi' pejcayob wits tac yic'ot xajlel tac: Yajlem ti joñon lojon, mʌctʌbeñon lojon i wut jiñi buchul bʌ ti' yumʌntel, mʌctʌbeñon lojon i mich'ajel jiñi Tʌñʌme'.