Apocalipsis 3:7 - Jiñi Tsiji' bʌ Wen T'añ cha'añ Estudio

⁷ Ts'ijbuben xcʌntaya i cha'añ xñopt'añob mu' bʌ i tempañob i bʌ ya' ti Filadelfia: “Jiñi Ch'ujul Bʌ, jiñʌch Isujm Bʌ, am bʌ i cha'añ i llave David, che' añ chuqui mi' jam, ma'añic majqui mi' ñup', che' añ chuqui mi' ñup', ma'añic majqui mi' jam. Jiñʌch mu' bʌ i yʌl ili t'añ:

Chol de Tumbalá Bible

⁷ Ts'ijbuben xcʌntaya i cha'an xñopt'añob mu' bʌ i tempañob i bʌ ya' ti Filadelfia: “Jini Ch'ujul Bʌ, jiñʌch Isujm Bʌ, am bʌ i cha'an i llave David. Che' an chuqui mi' jam, ma'anic majch mi' ñup'. Che' an chuqui mi' ñup', ma'anic majch mi' jam. Jiñʌch mu' bʌ i yʌl ili t'an:

Jiñi Tsiji' bʌ Wen T'añ cha'añ Estudio

⁷ Ts'ijbuben xcʌntaya i cha'añ xñopt'añob mu' bʌ i tempañob i bʌ ya' ti Filadelfia: “Jiñi Ch'ujul Bʌ, jiñʌch Isujm Bʌ, am bʌ i cha'añ i llave David, che' añ chuqui mi' jam, ma'añic majch mi' ñup', che' añ chuqui mi' ñup', ma'añic majch mi' jam. Jiñʌch mu' bʌ i yʌl ili t'añ:

Chol Tila

⁷ Joñon Juañon. Jesucristo ti' subon: Ts'ijbubeñob jun jini am bʌ i ye'tyel ti' tyojlel ochemo' bʌ tic t'an ya' ti Filadelfia. Ma' subeñob: Chʌ'ʌch mi yʌle' jini ch'ujul bʌ, jini yoque ñoj melel bʌ, jini más ñuc bʌ yumʌl am bʌ i p'ʌtyʌlel i yotsan majchical jach yom i yotsan ya' ti panchan yic'ot an i p'ʌtyʌlel je'el cha'an i tiq'ue' majchical jach cha'an mach ochic ya' ti panchan yic'ot.

Chol: I T’an Dios

⁷ Ts'ijbuben xcʌntaya i cha'an xñopt'añob mu' bʌ i tempañob i bʌ ya' ti Filadelfia: “Jini Ch'ujul Bʌ, jiñʌch Isujm Bʌ, am bʌ i cha'an i llave David. Che' an chuqui mi' jam, ma'anic majch mi' ñup'. Che' an chuqui mi' ñup', ma'anic majch mi' jam. Jiñʌch mu' bʌ i yʌl ili t'an:

Apocalipsis 3:7 Iomraidhean Croise

Mateo 16:19

Jatet mi caj cʌq'ueñet i llavejlel i yumʌntel jiñi am bʌ ti panchan; pejtelel chuqui ma' cʌch wʌ' ti pañimil cʌchbil ja'el ya' ti panchan; pejtelel mu' bʌ a jit wʌ' ti pañimil, jitbil ja'el ya' ti panchan, —che'en Jesús.

Mateo 24:35

Jiñi panchan yic'ot pañimil mi' caj i jilel, pero jiñi c t'añ mach jilic.

Marcos 1:24

—¿Chuqui i ye'tel tsa' tiliyet ba'añon lojon, Jesús ch'oyolet bʌ ti Nazaret? ¿Tsa' ba tiliyet cha'añ ma' jisañon lojon? Cujil majquiyet. Jatet jiñi ch'ujulet bʌ ch'oyol bʌ ti Dios, —che'en.

Lucas 1:32

Mi caj i q'uejlel ti ñuc. Mi caj i pejcʌntel ti' Yalobil jiñi C'ax Ñuc bʌ. Lac Yum Dios mi caj i yʌq'ueñ i ye'tel ti Rey ti' q'uexol i ñojte'el, i c'aba' David.

Lucas 4:34

tsi' yʌlʌ: —Cʌyʌyon lojon. ¿Chuqui i ye'tel tsa' tiliyet ba'añon lojon, Jesús ch'oyolet bʌ ti Nazaret? ¿Tsa' ba tiliyet cha'añ ma' jisañon lojon? Cujil majquiyet. Jatet jiñi Ch'ujulet Bʌ ch'oyol bʌ ti Dios.

Juan 14:6

Jesús tsi' su'be: —Joñon i bijlelon, isujmlelon, i cuxtʌlelon, ma'añic majqui mi' c'otel ba'añ c Tat, jiñi jach am bʌ tic wenta.

Hechos 3:14

Pero jatetla tsa' la' ts'a'le jiñi Ch'ujul Bʌ, jiñi Toj Bʌ. Tsa' la' c'ajtibe Pilato cha'añ mi' yʌc' ti colel jiñi xtsʌnsa.

1 Juan 5:20

La cujil tsa'ix tili i Yalobil Dios, tsa'ix i yʌq'ueyonla lac ña'tʌbal cha'añ mi laj cʌn jiñi mero isujm bʌ. Añonla ti jiñi mero isujm bʌ jiñʌch Jesucristo, i Yalobil Dios. Jiñʌch mero Dios yic'ot laj cuxtʌlel mach bʌ añic mi' jilel.

Apocalipsis 1:11

tsi' yʌlʌ: Joñon tsa' c teche pejtelel chuqui tac añ, mi cʌq'uen i jilibal, añon ti ñaxan, añon ti' yujtibal. Ts'ijban ti juñ chuqui tac ma' q'uel, chocbeñob majlel jiñi wucmojt xñopt'añob mu' bʌ i tempañob i bʌ ya' ti Asia, jiñi año' bʌ ti Éfeso, ti Esmirna, ti Pérgamo, ti Tiatira, ti Sardis, ti Filadelfia, yic'ot ti Laodicea, che'en.

Apocalipsis 1:18

Joñoñʌch jiñi cuxul bʌ, tsa' chʌmiyon, awilan, cha' cuxulon ti pejtelel ora, [amén.] Añ tic p'ʌtʌlel jiñi chʌmeño' bʌ yic'ot i yajñib chʌmeño' bʌ.

Apocalipsis 1:5

yic'ot ja'el Jesucristo, jiñi xuc'ul bʌ Testigo mu' bʌ i yʌc' ti cʌjñel isujmlel, jiñʌch tsa' bʌ ñaxan tejchi loq'uel ba'añ chʌmeño' bʌ; i yumʌch jiñi reyob ti pañimil. Cristo mi' c'uxbiñonla. Tsi' pocbeyonla loq'uel lac mul ti' ch'ich'el.

Apocalipsis 15:3

Tsi' c'ʌyiyob i c'ay Moisés, i wiñic Dios, yic'ot i c'ay jiñi Tʌñʌme', tsi' yʌlʌyob: “Wen ñuc, wen uts'at pejtelel a melbal c Yum Dios, jatet Mach bʌ Añic i P'isol a P'ʌtʌlel. Toj a bijlel, isujm ja'el. Jatet i Reyet pejtelel i cha'año' bʌ Dios.

Apocalipsis 16:7

Che' jiñi tsa' cu'bi t'añ tsa' bʌ loq'ui ti' pulʌntib i majtañ Dios, tsi' yʌlʌ: ¡Melel, c Yum Dios, mach bʌ Añic i P'isol a P'ʌtʌlel, come ma' cha'len meloñel ti' isujm yic'ot ti toj! Che'en.

Apocalipsis 19:11

Che' jiñi tsa' j q'uele jajmen panchan, awilan, ya'añ juncojt sʌsʌc caballo. Jiñi c'ʌchʌl bʌ ti' pat i c'aba'ʌch jiñi Xuc'ul Bʌ, jiñi Isujm Bʌ, toj bʌ mi' cha'len meloñel yic'ot guerra.

Apocalipsis 19:2

Come mi' cha'len meloñel ti isujm yic'ot ti toj. Come tsa'ix i mele jiñi ñuc bʌ xts'i'lel x'ixic tsa' bʌ i yoc'mesa pañimil ti' ts'i'lel. Dios tsi' q'uextʌbe i jontolil jiñi xts'i'lel x'ixic cha'añ tsi' bec'be i ch'ich'el i wiñicob Dios.

Apocalipsis 2:1

Ts'ijbuben juñ xcʌntaya i cha'añ jiñi xñopt'añob mu' bʌ i tempañob i bʌ ya' ti Éfeso: “Jiñi chucul bʌ i cha'añ wucp'ejl ec' ti ñoj bʌ i c'ʌb, jiñi mu' bʌ i cha'len xʌmbal ti' yojlil jiñi wucts'ijt lámpara melbil bʌ ti oro, jiñʌch mu' bʌ i yʌl ili t'añ:

Apocalipsis 21:5

Jiñi buchul bʌ ti' yumʌntel tsi' yʌlʌ: “Awilan, mic mel ti tsijib pejtelel chuqui tac añ”. Tsi' su'beyon ja'el: “Ts'ijban, come ili t'añ, xuc'ulʌch yic'ot isujm ja'el”, che'en.

Apocalipsis 3:14

Ts'ijbuben jiñi xcʌntaya i cha'añ xñopt'añob mu' bʌ i tempañob i bʌ ya' ti Laodicea: “Awilan; jiñi lac Yum, jiñi xuc'ul bʌ Testigo, jiñi ñaxan bʌ mu' bʌ i cha'len yumʌl ti' tojlel pejtelel i melbal Dios, jiñʌch mu' bʌ i yʌl ili t'añ:

Apocalipsis 4:8

Ti jujuntiquil añ wʌcwʌcq'uejl i wich', añ ca'bʌl i wut tac ti' joytʌlel i cuctal yic'ot ti' mal, ti q'uiñil yic'ot ti ac'ʌlel ma'añic mi' cʌy i yʌlob: “Ch'ujul, ch'ujul, ch'ujul lac Yum Dios jiñi Mach bʌ Añic i P'isol i P'ʌtʌlel, jiñi am bʌ ti wajali, jiñi am bʌ wʌle, jiñi tal to bʌ”.

Apocalipsis 5:9

Tsi' c'ʌyiyob tsiji' bʌ c'ay: “Wen uts'at ma' ch'ʌm jiñi juñ cha'añ ma' tsilben i sellojlel tac, come tsa' tsʌnsʌntiyet, tsa' mʌñʌyon lojon ti a ch'ich'el cha'añ mic ñop lojon Dios, loq'uemon bʌ lojon ti jujunchajp wiñicob x'ixicob, yic'ot ti pejtelel t'añ tac, yic'ot ti pejtelel tejclum tac,

Apocalipsis 6:10

Tsi' cha'leyob c'am bʌ t'añ, tsi' yʌlʌyob: C Yum lojon am bʌ ca'bʌl a p'ʌtʌlel, ch'ujulet, isujmet, ¿jala to mi caj a cha'len meloñel? ¿Jala to mi caj a q'uextʌbeñob i jontolil jiñi chumulo' bʌ ti pañimil tsa' bʌ i bec'beyon lojon c ch'ich'el?