Apocalipsis 3:21 - Jiñi Tsiji' bʌ Wen T'añ cha'añ Estudio

²¹ Jiñi mu' bʌ i mʌjlel i cha'añ mi caj c su'ben buchtʌl quic'ot tic yumʌntel, che' bajche' tsa' buchleyon quic'ot c Tat ti' yumʌntel che' bʌ tsa' mʌjli c cha'añ.

Chol de Tumbalá Bible

²¹ Jini mu' bʌ i mʌjlel i cha'an mi caj c suben buchtʌl quic'ot tic yumʌntel, che' bajche' tsa' buchleyon quic'ot c Tat ti' yumʌntel che' bʌ tsa' mʌjli c cha'an.

Jiñi Tsiji' bʌ Wen T'añ cha'añ Estudio

²¹ Jiñi mu' bʌ i mʌjlel i cha'añ mi caj c su'ben buchtʌl quic'ot tic yumʌntel, che' bajche' tsa' buchleyon quic'ot c Tat ti' yumʌntel che' bʌ tsa' mʌjli c cha'añ.

Chol Tila

²¹ Jini mu' bʌ quejel i ganariñob cha'an ma'an mi' sʌt i bʌ mux cʌq'uen buchtyʌl quic'ot ya' ba' mic cha'len yumʌl ti panchan. Joñon tic ganari sajtyel che' ñac ti tyejchiyon loq'uel ba'an sajtyemo' bʌ. Ti buchleyon quic'ot c Tyat ya' ba' mu' ti yumʌl ya' ti panchan.

Chol: I T’an Dios

²¹ Jini mu' bʌ i mʌjlel i cha'an mi caj c suben buchtʌl quic'ot tic yumʌntel, che' bajche' tsa' buchleyon quic'ot c Tat ti' yumʌntel che' bʌ tsa' mʌjli c cha'an.

Apocalipsis 3:21 Iomraidhean Croise

Mateo 19:28

Jesús tsi' su'beyob: —Ti isujm mic su'beñetla, ti tsiji' bʌ pañimil, che' buchul i Yalobil Wiñic ti' yumʌntel ti' ñuclel, jatetla ja'el tsa' bʌ la' tsajcayon mi caj la' buchtʌl ti lajchʌmp'ejl buchlibʌl cha'añ mi la' mel jiñi lajchʌnmojt i p'olbal Israel.

Mateo 25:21

I yum tsi' su'be: “Uts'at bajche' tsa' mele, xuc'ul bʌ x'e'telet, che' añ ts'ita' ti a wenta xuc'ul tsa' mele, ca'bʌl mi caj cotsʌbeñet ti a wenta; ochen, tijicñesan a pusic'al yic'ot a Yum”, che'en.

Mateo 28:18

Jesús tsi' lʌc'tesa i bʌ ti' tojlel jiñi xcʌnt'añob tsa' caji i su'beñob: “Aq'uebilon c p'ʌtʌlel cha'añ mic mel pejtelel chuqui com ti panchan yic'ot ti pañimil.

Lucas 22:30

Che' jiñi mi mejlel la' cha'len we'el uch'el tic mesa tic yumʌntel. Mi caj la' buchtʌl ti la' we'tel cha'añ mi la' mel jiñi lajchʌnmojt i p'olbal Israel.

Juan 13:32

Mi tsa'ix pʌsle i ñuclel Dios ti Yalobil, che' ja'el Dios mi caj i pʌs i ñuclel i Yalobil. Dios mi caj i bʌc' tsictesan i ñuclel i Yalobil.

Juan 16:33

Tsa' c su'beyetla jiñi t'añ cha'añ mi la' taj i ñʌch'tʌlel la' pusic'al ti joñon. Ti pañimil mi caj la' taj wocol, pero yom ch'ejletla come joñon tsa' c jisʌbe i yumʌntel pañimil, che'en.

2 Timoteo 2:12

Mi woli lac lʌt' wocol, mux caj lac tem cha'len yumʌl la quic'ot. Mi tsa' la cʌlʌ mach laj cʌñʌyic, ma'añic mi caj i cʌñonla ja'el.

Apocalipsis 1:6

Tsi' yotsayonla ti rey yic'ot ti motomaj ti' tojlel Dios i Tat, la' aq'uentic Jesucristo i ñuclel yic'ot i p'ʌtʌlel ti pejtelel ora. Amén.

Apocalipsis 12:11

Jiñi hermañujob tsi' mʌlbeyob xi'ba cha'añ ti' ch'ich'el jiñi Tʌñʌme' yic'ot i t'añ tsa' bʌ i su'beyob. Ma'añic tsi' c'uxbiyob i cuxtʌlel che' bʌbʌq'uen mi' yʌjq'uelob ti chʌmel.

Apocalipsis 17:14

Mi caj i contrajiñob jiñi Tʌñʌme' ti guerra. Jiñi Tʌñʌme' mi caj i mʌl come i Yumʌch yumʌlob, i Reyʌch reyob. Pejtelel mu' bʌ i yajñelob yic'ot jiñi Tʌñʌme' jiñobʌch pʌybilo' bʌ, yajcʌbilo' bʌ, xuc'ulo' bʌ i pusic'al”, che'en.

Apocalipsis 2:7

Jiñi am bʌ i chiquin la' i yu'biben i t'añ i yEspíritu Dios mu' bʌ i su'ben xñopt'añob mu' bʌ i tempañob i bʌ. Jiñi mu' bʌ i mʌjlel i cha'añ mi caj cʌq'uen i c'uxben i wut jiñi te' i yejtal bʌ laj cuxtʌlel am bʌ ti' yojlil i paraíso Dios”.

Apocalipsis 20:4

Tsa' j q'uele ca'bʌl buchlibʌl, jiñi tsa' bʌ buchleyob ya'i, tsa' aq'uentiyob i ye'tel ti meloñel. Yic'ot tsa' j q'uele i ch'ujlel wiñicob x'ixicob tsa' bʌ set' t'ojbentiyob loq'uel i bic' cha'añ isujmlel Jesús yic'ot cha'añ i t'añ Dios, ma'añic tsi' ch'ujutesayob jiñi jontol bʌ bʌte'el yic'ot i yejtal, ma'añic tsi' ch'ʌmbeyob i ts'ijbal ti' pam mi ti' c'ʌb, tsa' cha' cuxtʌyiyob, tsi' cha'leyob yumʌntel yic'ot Cristo lujunc'al i yuxbajc' ja'b.

Apocalipsis 20:6

Tijicñayob mu' bʌ i tejchelob ch'ojyel ti ñaxan, ch'ujulob; ma'añic mi caj i chʌmelob ti' cha'yajlel, mi caj i yochelob ti motomaj ti' tojlel Dios yic'ot ti' tojlel Cristo, mi caj i tem cha'leñob yumʌntel yic'ot Cristo lujunc'al i yuxbajc' ja'b.

Apocalipsis 5:10

tsa' wotsayon lojon ti rey yic'ot ti motomaj ti' tojlel Dios. Mi caj c cha'len lojon yumʌntel ti pañimil”.

Apocalipsis 6:2

Tsa' j q'uele, awilan añ juncojt sʌsʌc caballo. Jiñi c'ʌchʌl bʌ ti' pat añ i cha'añ jalʌjb, tsa' aq'uenti corona, tsa' loq'ui majlel, tsa' mʌjli i cha'añ, tsi' mʌlʌ majlel.

Apocalipsis 7:17

come jiñi Tʌñʌme' am bʌ ti' tojel i buchlib Dios mi caj i cʌntañob. Mi caj i pʌsbeñob majlel cuxul tac bʌ ja'. Dios mi caj i sujcubeñob pejtelel i ya'lel i wut”, che'en.