Apocalipsis 3:18 - Jiñi Tsiji' bʌ Wen T'añ cha'añ Estudio

¹⁸ Mic su'beñetla cha'añ mi la' mʌn oro tic tojlel sʌc-esʌbil bʌ ti c'ajc, cha'añ wen chumul mi la' wajñel, mʌñʌla wen sʌsʌc bʌ la' pislel cha'añ mi la' lʌp, ame quisintiquic mi la' wu'bin che' pits'il mi la' q'uejlel, chʌjq'uesan la ochel i ts'ʌcal la wut cha'añ mi' c'otel.

Chol de Tumbalá Bible

¹⁸ Mic subeñetla cha'an mi la' mʌn oro tic tojlel sʌq'uesʌbil bʌ ti c'ajc, cha'an wen chumul mi la' wajñel. Mʌñʌla wen sʌsʌc bʌ la' pislel cha'an mi la' lʌp, ame quisintiquic mi la' wubin che' pits'il mi la' q'uejlel. Boño la' wut yic'ot i ts'ʌcal cha'an mi' c'otel la' wut.

Jiñi Tsiji' bʌ Wen T'añ cha'añ Estudio

¹⁸ Mic su'beñetla cha'añ mi la' mʌn oro tic tojlel sʌc-esʌbil bʌ ti c'ajc, cha'añ wen chumul mi la' wajñel, mʌñʌla wen sʌsʌc bʌ la' pislel cha'añ mi la' lʌp, ame quisintiquic mi la' wu'bin che' pits'il mi la' q'uejlel, chʌjq'uesan la ochel i ts'ʌcal la wut cha'añ mi' c'otel.

Chol Tila

¹⁸ Pero mic subeñetla: La' ba'añon cha'an mi cʌq'ueñetla oro yubil. Yoque la' ricojlel am bʌ i c'ʌjnibal, jiñʌch tsiji' bʌ la' pusic'al yic'ot mi cʌq'ueñet sʌsʌc bʌ la' pislel cha'an mi la' xoje' cha'an ma'an mi la' quisnin cha'an ma'an chacaletla yubil. Ti jini sʌsʌc bʌ la' pislel tsiquil chʌncox la' wajñel ti sʌc. Ma'ix la' tsuculel. Mi cʌq'ueñetla ts'ac cha'an la' wut cha'an jajmic la' wut yubil, cha'an mi la' ña'tyan bajche' añetla ti' tyojlel Dios.

Chol: I T’an Dios

¹⁸ Mic subeñetla cha'an mi la' mʌn oro tic tojlel sʌq'uesʌbil bʌ ti c'ajc, cha'an wen chumul mi la' wajñel. Mʌñʌla wen sʌsʌc bʌ la' pislel cha'an mi la' lʌp, ame quisintiquic mi la' wubin che' pits'il mi la' q'uejlel. Boño la' wut yic'ot i ts'ʌcal cha'an mi' c'otel la' wut.

Apocalipsis 3:18 Iomraidhean Croise

Mateo 13:44

Che' yilal ja'el i yumʌntel jiñi am bʌ ti panchan bajche' jump'ejl chu'bʌañʌl wen letsem bʌ i tojol, mucul bʌ ti jamil, tsa' bʌ i taja juntiquil wiñic, pero tsi' cha' mucu; wen tijicña i pusic'al tsa' majli i chon pejtelel i chu'bʌañ, cha'añ mi' mʌn jiñi jamil.

Mateo 25:9

Jiñi año' bʌ i ña'tʌbal tsi' yʌlʌyob: “Ma'añic, ame mach jasʌlic cha'añon lojon yic'ot cha'añetla ja'el, cucula ba'añ xchon casob, mʌñʌ la' cha'añ”.

Lucas 12:21

Che'ʌch jiñi mu' bʌ i bajñel p'ol ca'bʌl i chu'bʌañ cha'añ mi' bajñel c'ʌn, pero ma'añic chuqui mi' taj ti Dios, —che'en Jesús.

2 Corintios 5:3

come ma'añic mi caj la cajñel che' bajche' espíritu mach bʌ añic i bʌc'tal.

2 Corintios 8:9

Come cʌñʌlix la' cha'añ i yutslel i pusic'al lac Yum Jesucristo, jiñi wen chumul bʌ tsa' ochi ti p'ump'un come c'ux tsi' yu'biyetla, jiñi cha'añ tsa' ochi ti p'ump'un cha'añ wen chumul mi la' wajñel.

1 Timoteo 6:18

Su'beñob cha'añ mi' melob chuqui uts'at, cha'añ mi' p'ojlel wen bʌ i melbal, mach yomic chʌcob, yom mi' coltañob yaño' bʌ yic'ot i chu'bʌañ.

Santiago 2:5

C'uxbibilo' bʌ quermañujob, u'binla. Dios tsi' yajca jiñi mach bʌ añobic i chu'bʌañ ti pañimil cha'añ mi' wen tajob i wenlel che' mi' ñopob, come mi caj i yajñelob ti' yumʌntel Dios yic'ot pejtelel mu' bʌ i c'uxbiñob Dios che' bajche' albil i cha'añ.

1 Pedro 1:7

cha'añ mi' tsictiyel mi xuc'ul woli la' ñop, ñumen uts'at i xuc'tʌlel la' pusic'al ti Cristo bajche' oro mu' bʌ i jilel, woli la' ñusan wocol che' bajche' mi' ñumel oro ti c'ajc cha'añ mi' q'uejlel mi mero orojʌch, che' tsa'ix ñumi la' wocol, mi caj i sujbel la' ñuclel, mi caj la' c'uxbintel, mi caj la' q'uejlel ti ñuc che' mi' tsictiyel Jesucristo,

Apocalipsis 16:15

“Awilan, talon che' bajche' xujch'. Tijicña jiñi yʌxʌl bʌ i yoj woli bʌ i cʌntan i pislel, ame pits'ilic mi' cha'len xʌmbal, ame quisintiquic mi' yu'bin che' pits'il”, che'en.

Apocalipsis 19:8

Tsa'ix aq'uenti i lʌp wen uts'at bʌ sʌsʌc pisil i c'aba' lino, sʌsʌc jax bʌ, che'en. (Come jiñi wen uts'at bʌ pisil jiñʌch i yejtal toj bʌ i melbal i cha'año' bʌ Dios).

Apocalipsis 2:9

Cʌmbil c cha'añ la' melbal yic'ot la' wocol. Ma'añic la' chu'bʌañ, pero ca'bʌlʌch la' wenlel, cʌmbil c cha'añ ja'el bajche' mi' ts'a'leñetla jiñi mu' bʌ i lon cuyob i bʌ ti israelob, mach israelobic, pero i cha'añob Satanás.

Apocalipsis 3:17

Mi la' lon al: Wen chumulon lojon, ca'bʌl tsa' p'ojli c chu'bʌañ, ma'añic chuqui añ to yom c cha'añ lojon, ma'añic mi la' ña'tan mach wen chumuleticla, c'ax p'ump'uñetla, ma'añic la' chu'bʌañ, xpots'etla, pits'iletla yilal.

Apocalipsis 4:4

Ti' joytʌlel i buchlib añ chʌmp'ejl i cha'c'al buchlibʌl, ya' buchulob ti ye'tel tsa' j q'uele chʌntiquil i cha'c'al (24) ancianojob lʌpʌl i cha'añob sʌsʌc bʌ i pislel, añob i corona tac melbil bʌ ti oro c'ʌcʌl ti' jol.

Apocalipsis 7:13

Jiñi cha'añ juntiquil anciano tsi' su'beyon: ¿Majqui jiñi wiñicob lʌpʌl bʌ i cha'añob sʌsʌc bʌ i bujc? ¿Baqui ch'oyolob? Che'en.