Apocalipsis 3:14 - Jiñi Tsiji' bʌ Wen T'añ cha'añ Estudio

¹⁴ Ts'ijbuben jiñi xcʌntaya i cha'añ xñopt'añob mu' bʌ i tempañob i bʌ ya' ti Laodicea: “Awilan; jiñi lac Yum, jiñi xuc'ul bʌ Testigo, jiñi ñaxan bʌ mu' bʌ i cha'len yumʌl ti' tojlel pejtelel i melbal Dios, jiñʌch mu' bʌ i yʌl ili t'añ:

Chol de Tumbalá Bible

¹⁴ Ts'ijbuben jini xcʌntaya i cha'an xñopt'añob mu' bʌ i tempañob i bʌ ya' ti Laodicea: “Awilan, jini Amén bʌ, jini isujm bʌ, jini xuc'ul bʌ Testigo mu' bʌ i cha'len yumʌl ti' tojlel pejtel i melbal Dios, jiñʌch mu' bʌ i yʌl ili t'an:

Jiñi Tsiji' bʌ Wen T'añ cha'añ Estudio

¹⁴ Ts'ijbuben jiñi xcʌntaya i cha'añ xñopt'añob mu' bʌ i tempañob i bʌ ya' ti Laodicea: “Awilan; jiñi lac Yum, jiñi xuc'ul bʌ Testigo, jiñi ñaxan bʌ mu' bʌ i cha'len yumʌl ti' tojlel pejtel i melbal Dios, jiñʌch mu' bʌ i yʌl ili t'añ:

Chol Tila

¹⁴ Joñon Juañon. Jesucristo ti' subon: Ts'ijbubeñob jun jini am bʌ i ye'tyel ti' tyojlel ochemo' bʌ tic t'an ya' ti Laodicea. Ma' subeñob: Chʌ'ʌch mi yʌle' jini yoque ñoj melel bʌ, jini xuc'ul bʌ tsa' bʌ yilʌ chʌ bʌ ti ujti, mu' bʌ i yʌle' yoque melelʌch, jini ya' bʌ an yic'ot Dios che' ti' mele pejtyelel chʌ bʌ ti mejli.

Chol: I T’an Dios

¹⁴ Ts'ijbuben jini xcʌntaya i cha'an xñopt'añob mu' bʌ i tempañob i bʌ ya' ti Laodicea: “Awilan, jini Amén bʌ, jini isujm bʌ, jini xuc'ul bʌ Testigo mu' bʌ i cha'len yumʌl ti' tojlel pejtel i melbal Dios, jiñʌch mu' bʌ i yʌl ili t'an:

Apocalipsis 3:14 Iomraidhean Croise

Juan 1:3

Jiñi tsi' mele pejtelel chuqui tac añ, ma'añic junchajp chuqui añ ti' pañimil, mach bʌ melbilic i cha'añ.

Juan 8:14

Jesús tsi' jac'beyob: —Anquese mic bajñel su'b c bʌ, isujmʌch c t'añ, come cujil baqui ch'oyolon, che' ja'el cujil baqui mic majlel; pero jatetla mach la' wujilic baqui ch'oyolon, mi baqui mic majlel.

2 Corintios 1:20

Pejtelel chuqui mi' su'beñonla Dios mi caj i ts'ʌctiyel ti Cristo, jiñi cha'añ ti Cristo mi lac su'b “Amén” cha'añ mi lac tsictesʌben i ñuclel Dios.

Colosenses 1:15

Cristo i yejtalʌch Dios mach bʌ mejlic laj q'uel, jiñʌch jiñi am bʌ ti ñaxan ti pejtelel i melbal Dios.

Colosenses 1:18

Jesús i Yumʌch pejtelel xñopt'añob, jiñʌch lac jol, joñonla i bʌc'talonla. Jiñʌch ñaxan bʌ tsa' ch'ojyi ba'añ chʌmeño' bʌ cha'añ mi' bajñel q'uejlel ti ñuc ti' tojlel pejtelel chuqui tac añ;

Colosenses 2:1

Com mi la' ña'tan bajche' woli c cha'len wersa e'tel cha'añetla yic'ot año' bʌ ti Laodicea, yic'ot pejtelel jiñi maxto bʌ añic tsi' q'ueleyob c wut;

Colosenses 4:16

Che' mi' yujtel ti q'uejlel ili juñ ba'añetla, aq'uenla i q'uelob ja'el jiñi xñopt'añob mu' bʌ i tempañob i bʌ ya' ti Laodicea, yom mi la' q'uel ja'el jiñi juñ tsa' bʌ chojqui majlel ya' ti Laodicea.

Apocalipsis 1:11

tsi' yʌlʌ: Joñon tsa' c teche pejtelel chuqui tac añ, mi cʌq'uen i jilibal, añon ti ñaxan, añon ti' yujtibal. Ts'ijban ti juñ chuqui tac ma' q'uel, chocbeñob majlel jiñi wucmojt xñopt'añob mu' bʌ i tempañob i bʌ ya' ti Asia, jiñi año' bʌ ti Éfeso, ti Esmirna, ti Pérgamo, ti Tiatira, ti Sardis, ti Filadelfia, yic'ot ti Laodicea, che'en.

Apocalipsis 1:5

yic'ot ja'el Jesucristo, jiñi xuc'ul bʌ Testigo mu' bʌ i yʌc' ti cʌjñel isujmlel, jiñʌch tsa' bʌ ñaxan tejchi loq'uel ba'añ chʌmeño' bʌ; i yumʌch jiñi reyob ti pañimil. Cristo mi' c'uxbiñonla. Tsi' pocbeyonla loq'uel lac mul ti' ch'ich'el.

Apocalipsis 19:11

Che' jiñi tsa' j q'uele jajmen panchan, awilan, ya'añ juncojt sʌsʌc caballo. Jiñi c'ʌchʌl bʌ ti' pat i c'aba'ʌch jiñi Xuc'ul Bʌ, jiñi Isujm Bʌ, toj bʌ mi' cha'len meloñel yic'ot guerra.

Apocalipsis 2:1

Ts'ijbuben juñ xcʌntaya i cha'añ jiñi xñopt'añob mu' bʌ i tempañob i bʌ ya' ti Éfeso: “Jiñi chucul bʌ i cha'añ wucp'ejl ec' ti ñoj bʌ i c'ʌb, jiñi mu' bʌ i cha'len xʌmbal ti' yojlil jiñi wucts'ijt lámpara melbil bʌ ti oro, jiñʌch mu' bʌ i yʌl ili t'añ:

Apocalipsis 21:6

Tsi' su'beyon: “Ts'ʌctiyemix ti pejtelel. Joñon tsa' cʌq'ue i tejchibal pejtelel chuqui tac añ, mi cʌq'uen i jilibal. Añon ti' tejchibal, añon ti' jilibal. Jiñi am bʌ i tiquinti', ti' majtañ jach mi caj cʌq'uen ja' loq'uem bʌ ti' loq'uib ja' i yejtal bʌ i cuxtʌlel.

Apocalipsis 22:13

Joñon tsa' cʌq'ue i tejchibal pejtelel chuqui tac añ, mi cʌq'uen i jilibal, añon ti ñaxan, añon ti' yujtibal, añon ti' tejchibal, añon ti' jilibal, che'en.

Apocalipsis 22:6

Jiñi ángel tsi' su'beyon: Xuc'ul jiñi t'añ, isujm ja'el. Lac Yum Dios, jiñi Dios tsa' bʌ i yʌq'ueyob x'alt'añob i ña'tʌbal, tsi' choco tilel i yángel cha'añ mi' pʌsbeñob i wiñicob chuqui mach jalix mi caj ti yujtel.

Apocalipsis 3:7

Ts'ijbuben xcʌntaya i cha'añ xñopt'añob mu' bʌ i tempañob i bʌ ya' ti Filadelfia: “Jiñi Ch'ujul Bʌ, jiñʌch Isujm Bʌ, am bʌ i cha'añ i llave David, che' añ chuqui mi' jam, ma'añic majqui mi' ñup', che' añ chuqui mi' ñup', ma'añic majqui mi' jam. Jiñʌch mu' bʌ i yʌl ili t'añ: