Apocalipsis 22:11 - Jiñi Tsiji' bʌ Wen T'añ cha'añ Estudio

¹¹ Jiñi xjontolil, la' i chʌn cha'len jontolil, jiñi bi'bi' bʌ, la' i chʌn bi'b-esan i bʌ; jiñi toj bʌ, la' i chʌn cha'len chuqui toj; jiñi ch'ujul bʌ, la' chʌn ajñic ti ch'ujul”, che'en.

Chol de Tumbalá Bible

¹¹ Jini xjontolil, la' i chʌn cha'len jontolil. Jini bibi' bʌ, la' i chʌn bib'esan i bʌ. Jini toj bʌ, la' i chʌn cha'len chuqui toj. Jini ch'ujul bʌ, la' chʌn ajnic ti ch'ujul, che'en.

Jiñi Tsiji' bʌ Wen T'añ cha'añ Estudio

¹¹ Jiñi xjontolil, la' i chʌn cha'len jontolil, jiñi bi'bi' bʌ, la' i chʌn bi'b-esan i bʌ; jiñi toj bʌ, la' i chʌn cha'len chuqui toj; jiñi ch'ujul bʌ, la' chʌn ajñic ti ch'ujul.”

Chol Tila

¹¹ La' tyo i bej cha'len simaronlel jini simaron bʌ quixtyañujob yic'ot jini mu' bʌ i cha'leñob chʌ bʌ mi' bajñel mulan i bajñel i pusic'al. Pero la' tyo i bej cha'len wen bʌ jini wen bʌ quixtyañu. La' bej ajnic ti xuc'ul jini i cha'año' bʌ Dios.

Chol: I T’an Dios

¹¹ Jini xjontolil, la' i chʌn cha'len jontolil. Jini bibi' bʌ, la' i chʌn bib'esan i bʌ. Jini toj bʌ, la' i chʌn cha'len chuqui toj. Jini ch'ujul bʌ, la' chʌn ajnic ti ch'ujul, che'en.

Apocalipsis 22:11 Iomraidhean Croise

Mateo 15:14

La' to ajñicob. Xpots'ob mi' lon pʌsben bij yam bʌ xpots'; mi jiñi xpots' mu' bʌ i toj-esan majlel yam bʌ xpots', ti' cha'ticlelob mi' caj i yajlelob ti ch'eñ, —che'en Jesús.

Mateo 21:19

Che' bʌ tsi' q'uele te' i c'aba' higuera lʌc'ʌl bʌ añ ti bij tsa' majli i q'uelben i wut, ma'añic chuqui tsi' taja, cojach i yopol añ; Jesús tsi' su'be: —Mach ma' chʌn ac' a wut ti pejtelel ora. Ti jiñi jach bʌ ora tsa' caji ti tiquin jiñi higuera te'.

Mateo 25:10

Che' majlemob ti mʌñoñel tsa' tili jiñi xñujpuñijel, jiñi chajpʌbilobix bʌ tsa' ochiyob yic'ot jiñi xñujpuñijel; tsa' mʌjqui i ti' otot.

Mateo 5:45

Che' jiñi mi' tsictiyel i yalobiletla la' Tat am bʌ ti panchan, mu' bʌ i yʌc' ti pasel q'uiñ ti' tojlel jiñi jontolo' bʌ i melbal yic'ot weño' bʌ i melbal. Che' ja'el woli' chʌn chocbeñob tilel ja'al jiñi tojo' bʌ i pusic'al yic'ot jontolo' bʌ.

Mateo 5:6

Tijicñayob jiñi año' bʌ i wi'ñal yic'ot i tiquinti' cha'añ chuqui toj, come mi caj i bujt'esʌntelob i pusic'al.

Juan 8:21

Jesús tsi' cha' su'be fariseojob: —Joñon mic majlel, mi caj la' sʌclañon. Mi caj la' chʌmel che' añet to la ti la' mul. Ya' ba' mic majlel, jatetla mach mejliquetla ti majlel, —che'en.

Efesios 5:27

cha'añ mi' i pʌs i cha'año' bʌ che' wen i t'ojol jax ti' tojlel, che' ma'añobic i pʌjq'uemal mi i sojwic'lel, mi yam bʌ i bi'bi'lel, cha'añ mi' yajñelob ti ch'ujul yic'ot che' ma'añobic i pʌjq'uemal.

Colosenses 1:22

pero Dios tsi' yʌc'ʌ ti chʌmel i Yalobil, che' jiñi tsi' cha' uts-esayetla, cha'añ ch'ujul mi' pʌyetla ochel ti' tojlel, sʌc-esʌbiletla ti pejtelel la' bi'bi'lel yic'ot la' mul;

2 Timoteo 3:13

pero jiñi jontolo' bʌ yic'ot xlotiyajob, utsi utsijax mi' chʌn melob i jontolil, mi caj i lotiñob yaño' bʌ, mi caj i lotintelob ja'el.

Judas 1:24

Añ i p'ʌtʌlel lac Yum cha'añ mi' cʌntañetla cha'añ ma'añic mi la' yajlel. Tijicña mi caj i yʌq'uetla ti' tojlel i ñuclel, sʌc-esʌbiletla ti mulil.

Apocalipsis 16:21

Tsa' yajli ti' tojlel wiñicob colem tuñija' loq'uem bʌ ti panchan. Ti jujump'ejl tuñija' añ i yalel che' bajche' juncujch (40 kilo), jiñi wiñicob tsi' p'ajayob Dios come wocol jax tsi' yu'biyob cha'añ tuñija'.

Apocalipsis 22:3

Ma'añix jontolil ya'i. Ya'añ i buchlib Dios yic'ot i buchlib jiñi Tʌñʌme', i wiñicob mi caj i ch'ujutesañob.