Apocalipsis 21:6 - Jiñi Tsiji' bʌ Wen T'añ cha'añ Estudio

⁶ Tsi' su'beyon: “Ts'ʌctiyemix ti pejtelel. Joñon tsa' cʌq'ue i tejchibal pejtelel chuqui tac añ, mi cʌq'uen i jilibal. Añon ti' tejchibal, añon ti' jilibal. Jiñi am bʌ i tiquinti', ti' majtañ jach mi caj cʌq'uen ja' loq'uem bʌ ti' loq'uib ja' i yejtal bʌ i cuxtʌlel.

Chol de Tumbalá Bible

⁶ Tsi' subeyon: Ts'ʌctiyemix ti pejtelel. Joñon tsa' cʌq'ue i tejchibal pejtelel chuqui tac an. Mi cʌq'uen i jilibal. Añon ti' tejchibal. Añon ti' jilibal. Jini am bʌ i tiquin ti', ti' majtan jach mi caj cʌq'uen ja' loq'uem bʌ ti' loq'uib ja' i yejtal bʌ i cuxtʌlel.

Jiñi Tsiji' bʌ Wen T'añ cha'añ Estudio

⁶ Tsi' su'beyon: “Ts'ʌctiyemix ti pejtelel. Joñon tsa' cʌq'ue i tejchibal pejtelel chuqui tac añ, mi cʌq'uen i jilibal. Añon ti' tejchibal, añon ti' jilibal. Jiñi am bʌ i tiquinti', ti' majtañ jach mi caj cʌq'uen ja' loq'uem bʌ ti' loq'uib ja' i yejtal bʌ i cuxtʌlel.

Chol Tila

⁶ Ti wi'il ti' subeyon: Tsa'ix lu' ts'ʌctiyi. Joñon añon che' ñac ti mejli pejtyelel chʌ bʌ tyac an, chʌc añon tyo c'ʌlʌl che' mi quejel i lu' jilel majlel. Joñon añon c'ʌlʌl ti tyejchibal mulawil. Joñon añon c'ʌlʌl ti yujtibal. Majchical jach an i tyʌquin ti' yubil, mi quejel cʌq'uen i jape' ja' loq'uem ti pasi' ja'. Ti majtyan jach mi cʌq'uen jini ja' mu' bʌ i yʌq'ueñob i cuxtyʌlel mach'ʌ saj yujil jilel.

Chol: I T’an Dios

⁶ Tsi' subeyon: Ts'ʌctiyemix ti pejtelel. Joñon tsa' cʌq'ue i tejchibal pejtelel chuqui tac an. Mi cʌq'uen i jilibal. Añon ti' tejchibal. Añon ti' jilibal. Jini am bʌ i tiquin ti', ti' majtan jach mi caj cʌq'uen ja' loq'uem bʌ ti' loq'uib ja' i yejtal bʌ i cuxtʌlel.

Apocalipsis 21:6 Iomraidhean Croise

Juan 4:10

Jesús tsi' jac'be: —Tsa'ic a cʌñʌ a majtañ ch'oyol bʌ ti Dios, tsa'ic a cʌñʌ jiñi woli' bʌ i c'ajtibeñet ja', tic'ʌl che' jiñi tsa'ix a c'ajtibeyon ja' cha'añ mi cʌq'ueñet cuxul bʌ ja', —che'en.

Juan 4:11

Jiñi x'ixic tsi' su'be: —C Yum ma'añic a lucho' ja', tam i ch'eñal ja'. ¿Baqui ma' taj jiñi cuxul bʌ ja'? —Che'en.

Juan 4:14

pero majqui jach mi' jap ja' mu' bʌ cʌq'uen, ma'añix mi caj i chʌn tiquin i ti', come jiñi ja' mu' bʌ cʌq'uen mi' caj ti ajñel ti' pusic'al che' bajche' bulux ja' cha'añ mi' yʌq'ueñ i cuxtʌlel mach bʌ añic mi' jilel.

Romanos 3:24

pero Dios mi' q'uelonla ti toj cha'añ jach i yutslel i pusic'al ti Cristo Jesús che' bʌ tsi' mʌñʌyonla, cha'añ mi' yʌc'ob ti colel;

Romanos 8:32

Dios ma'añic tsi' p'unta i Yalobil, tsi' yʌc'ʌ ti chʌmel cha'añonla ti lac pejtelel, ¿mach ba muq'uic i yʌq'ueñonla yic'ot Cristo pejtelel chuqui añ to yom lac cha'añ?

1 Corintios 2:12

Ma'añic tsa' aq'uentiyonla i ña'tʌbal pañimil, pero tsa' aq'uentiyonla jiñi Espíritu ch'oyol bʌ ti Dios cha'añ mi lac ña'tan chuqui woli' yʌq'ueñonla Dios.

1 Corintios 3:12

Mi añ majqui mi' c'ʌn oro, mi sʌsʌc taq'uiñ, mi c'ax wen bʌ xajlel, o mi te', mi jam, mi tiquin pimel cha'añ mi' wa'chocon otot ti' pam jiñi i c'ʌclib,

1 Corintios 3:21

Jiñi cha'añ mach yomic mi la' lon q'uel ti ñuc wiñicob x'ixicob, come laj la' cha'añʌch pejtelel chuqui tac añ:

1 Corintios 3:5

¿Majqui jiñi Pablo che' jiñi yic'ot majqui jiñi Apolos? X'e'telon jach lojon tsa' bʌ cʌq'ueyet la' ñop Dios cha'añ ti' p'ʌtʌlel lac Yum tsa' bʌ i yʌq'ueyon lojon ti jujuntiquil.

Apocalipsis 1:11

tsi' yʌlʌ: Joñon tsa' c teche pejtelel chuqui tac añ, mi cʌq'uen i jilibal, añon ti ñaxan, añon ti' yujtibal. Ts'ijban ti juñ chuqui tac ma' q'uel, chocbeñob majlel jiñi wucmojt xñopt'añob mu' bʌ i tempañob i bʌ ya' ti Asia, jiñi año' bʌ ti Éfeso, ti Esmirna, ti Pérgamo, ti Tiatira, ti Sardis, ti Filadelfia, yic'ot ti Laodicea, che'en.

Apocalipsis 1:17

Che' bʌ tsa' j q'uele, tsa' yajliyon ti yoc che' bajche' chʌmeñ bʌ, tsi' yʌc'ʌ ñoj bʌ i c'ʌb tic jol, tsi' su'beyon: Mach a cha'len bʌq'uen, añon ti ñaxan, añon ti' yujtibal.

Apocalipsis 1:8

Joñon tsa' c teche pejtelel chuqui tac añ, mi cʌq'uen i jilibal, añon ti' tejchibal, añon ti' jilibal, che'en lac Yum. Joñoñʌch jiñi am bʌ wʌle, jiñi am bʌ ti wajali, jiñi tal to bʌ, jiñi Mach bʌ Añic i P'isol i P'ʌtʌlel.

Apocalipsis 10:6

Tsi' su'bu t'añ ti' c'aba' jiñi cuxul bʌ ti pejtelel ora, tsa' bʌ i mele panchan yic'ot i bʌl, yic'ot pañimil yic'ot i bʌl, yic'ot colem mar yic'ot i bʌl, tsi' yʌlʌ mach chʌn jalix mi caj i jilel pañimil.

Apocalipsis 16:17

I wucticlel ángel tsi' beq'ue i bʌl taza ti ic'. Tsa' loq'ui c'am bʌ t'añ ti' buchlib Dios ya' ti templo am bʌ ti panchan, tsi' yʌlʌ: ¡Tsa'ix ujti! Che'en.

Apocalipsis 22:13

Joñon tsa' cʌq'ue i tejchibal pejtelel chuqui tac añ, mi cʌq'uen i jilibal, añon ti ñaxan, añon ti' yujtibal, añon ti' tejchibal, añon ti' jilibal, che'en.

Apocalipsis 22:17

Jiñi Espíritu yic'ot jiñi xch'oc mu' bʌ cajel ti ñujpuñijel mi' yʌlob: ¡La'! Jiñi mu' bʌ i yu'bin, la' i yʌl: ¡La'! Jiñi am bʌ i tiquinti', la' tilic. Majqui jach yom, la' i jap ja' ti' majtañ jach, i yejtal bʌ i cuxtʌlel.

Apocalipsis 3:14

Ts'ijbuben jiñi xcʌntaya i cha'añ xñopt'añob mu' bʌ i tempañob i bʌ ya' ti Laodicea: “Awilan; jiñi lac Yum, jiñi xuc'ul bʌ Testigo, jiñi ñaxan bʌ mu' bʌ i cha'len yumʌl ti' tojlel pejtelel i melbal Dios, jiñʌch mu' bʌ i yʌl ili t'añ:

Apocalipsis 7:17

come jiñi Tʌñʌme' am bʌ ti' tojel i buchlib Dios mi caj i cʌntañob. Mi caj i pʌsbeñob majlel cuxul tac bʌ ja'. Dios mi caj i sujcubeñob pejtelel i ya'lel i wut”, che'en.