Apocalipsis 21:23 - Jiñi Tsiji' bʌ Wen T'añ cha'añ Estudio

²³ Ma'añic i c'ʌjñibal q'uiñ ti ili tejclum, ma'añic i c'ʌjñibal uw, come i ñuclel Dios mi' yʌq'ueñ i sʌclel, jiñi Tʌñʌme' i lámparajʌch jiñi tejclum.

Chol de Tumbalá Bible

²³ Ma'anic i c'ʌjñibal q'uin ti ili tejclum. Ma'anic i c'ʌjñibal uw, come i ñuclel Dios mi' yʌq'uen i sʌclel. Jini Tiñʌme' i lámparajʌch jini tejclum.

Jiñi Tsiji' bʌ Wen T'añ cha'añ Estudio

²³ Ma'añic i c'ʌjñibal q'uiñ ti ili tejclum, ma'añic i c'ʌjñibal uw, come i ñuclel Dios mi' yʌq'ueñ i sʌclel, jiñi Tʌñʌme' i lámparajʌch jiñi tejclum.

Chol Tila

²³ Ma'ix chʌ bʌ och mi' pʌse' i wut jini q'uin mi jinic jini uw como i sʌclel Dios mi yʌq'uen i sʌclel lum yic'ot jini mu' bʌ i pejcʌntyel ti i Tiñʌme' Dios yubil i sʌclelʌch jini lum.

Chol: I T’an Dios

²³ Ma'anic i c'ʌjñibal q'uin ti ili tejclum. Ma'anic i c'ʌjñibal uw, come i ñuclel Dios mi' yʌq'uen i sʌclel. Jini Tiñʌme' i lámparajʌch jini tejclum.

Apocalipsis 21:23 Iomraidhean Croise

Mateo 16:27

Come mi caj i tilel i Yalobil Wiñic ti' ñuclel i Tat yic'ot i yÁngelob. Mi caj i yʌq'ueñob i tojol wiñicob x'ixicob ti jujuntiquil cha'añ chuqui tac tsi' meleyob.

Marcos 8:38

Jiñi cha'añ majqui jach mi' quisñiñon yic'ot mi' quisñin c t'añ ti' tojlel wiñicob x'ixicob año' bʌ i ts'i'lel yic'ot i jontolil, che' ja'el i Yalobil Wiñic mi caj i quisñin jiñi wiñic che' mi' tilel ti' ñuclel i Tat yic'ot jiñi ch'ujul bʌ ángelob.

Lucas 2:32

Jiñʌch i sʌclel pañimil mu' bʌ caj i tsictiyel ti' tojlel gentilob yic'ot i ñuclelʌch a cha'año' bʌ ti Israel, che'en Simeón.

Juan 1:14

Jiñi T'añ tsi' ch'ʌmʌ i bʌc'tal. Tsa' chumle la quic'ot, tsa' laj q'uele i ñuclel, jiñʌch i ñuclel cojach bʌ i Yalobil Dios, but'ul bʌ ti' yutslel i pusic'al yic'ot isujmlel.

Juan 1:18

Ma'añic majqui wis q'uelbil i cha'añ Dios; jiñi jach cojach bʌ i Yalobil, am bʌ ti' t'ejl i Tat, jiñi tsi' yʌc'ʌ ti cʌjñel i Tat.

Juan 1:4

Ti' tojlel añʌch laj cuxtʌlel, jiñi laj cuxtʌlel mi' yʌc'ob ti' ajñel wiñicob x'ixicob ti' sʌclel pañimil.

Juan 1:9

Jiñi isujm bʌ i sʌclel pañimil, tsa' tili cha'añ mi' yʌq'ueñob i sʌclel pañimil pejtelel wiñicob x'ixicob

Juan 17:24

C Tat, jiñi tsa' bʌ a wʌq'ueyon, com cha'añ ya' ba'añon, com temel mi' yajñelob quic'ot ja'el; cha'añ mi' q'uelob c ñuclel tsa' bʌ a wʌq'ueyon, come c'ux tsa' wu'biyon che' maxto melbilic pañimil.

Juan 5:23

cha'añ mi' q'uelob ti ñuc i Yalobil, che' bajche' mi' q'uelob ti ñuc c Tat; jiñi mach bʌ añic mi' q'uel ti ñuc i Yalobil Dios, ma'añic mi' q'uel ti ñuc c Tat tsa' bʌ i chocoyon tilel.

Hechos 22:11

Jiñi c pi'ʌlob tsi' toj-esayoñob majlel tij c'ʌb come ma'añic tsa' c'oti c wut cha'añ i sʌclel jiñi c'ajc, che'ʌch tsa' c'otiyon ti Damasco.

Apocalipsis 14:4

Jiñobʌch sʌco' bʌ mach bʌ añic tsi' cha'leyob ts'i'lel. Mi' tsajcañob jiñi Tʌñʌme' baqui jach mi' majlel. Tsa' mʌjñiyob loq'uel ti' tojlel i pi'ʌlob. Jiñobʌch jiñi ñaxan bʌ pac' ti' tojlel Dios yic'ot jiñi Tʌñʌme'.

Apocalipsis 18:1

Ti wi'il tsa' j q'uele yam bʌ ángel, tsa' ju'bi tilel ti panchan, añ ca'bʌl i p'ʌtʌlel, tsa' sʌc'a pañimil cha'añ i c'ʌc'al i ñuclel.

Apocalipsis 21:11

Añ i cha'añ i ñuclel Dios, che'ʌch i c'ʌc'al bajche' jump'ejl c'ax uts'at bʌ xajlel, che' bajche' jaspe xajlel, sʌctsʌñan bajche' espejo.

Apocalipsis 21:25

Ma'añic ba' ora mi caj i ñujp'el tac i ti', come ma'añic ac'ʌlel ya'i.

Apocalipsis 22:5

Ma'añix ac'ʌlel ya'i; ma'añix i c'ʌjñibal i c'ʌc'al lámpara mi i sʌclel q'uiñ, come lac Yum Dios mi caj i yʌq'ueñob i sʌclel, mi caj i yumʌntelob ti pejtelel ora.

Apocalipsis 5:6

Tsa' j q'uele ya'añ jiñi Tʌñʌme' ti' tojel i buchlib Dios, joyol ti chʌntiquil querubiñob yic'ot ancianojob, tsiquil tsa' tsʌnsʌnti jiñi Tʌñʌme' pero cha' cuxul, añ wucts'ijt i xulub i yejtal i p'ʌtʌlel yic'ot wucp'ejl i wut, jiñʌch wuctiquil espíritu i cha'añ Dios chocbilo' bʌ tilel ti pejtelel pañimil.

Apocalipsis 7:17

come jiñi Tʌñʌme' am bʌ ti' tojel i buchlib Dios mi caj i cʌntañob. Mi caj i pʌsbeñob majlel cuxul tac bʌ ja'. Dios mi caj i sujcubeñob pejtelel i ya'lel i wut”, che'en.