Apocalipsis 20:4 - Jiñi Tsiji' bʌ Wen T'añ cha'añ Estudio

⁴ Tsa' j q'uele ca'bʌl buchlibʌl, jiñi tsa' bʌ buchleyob ya'i, tsa' aq'uentiyob i ye'tel ti meloñel. Yic'ot tsa' j q'uele i ch'ujlel wiñicob x'ixicob tsa' bʌ set' t'ojbentiyob loq'uel i bic' cha'añ isujmlel Jesús yic'ot cha'añ i t'añ Dios, ma'añic tsi' ch'ujutesayob jiñi jontol bʌ bʌte'el yic'ot i yejtal, ma'añic tsi' ch'ʌmbeyob i ts'ijbal ti' pam mi ti' c'ʌb, tsa' cha' cuxtʌyiyob, tsi' cha'leyob yumʌntel yic'ot Cristo lujunc'al i yuxbajc' ja'b.

Chol de Tumbalá Bible

⁴ Tsaj q'uele cabʌl buchlibʌl. Jini tsa' bʌ buchleyob ya'i, tsa' aq'uentiyob i ye'tel ti meloñel. Tsaj q'uele i ch'ujlel winicob x'ixicob tsa' bʌ set' t'ojbentiyob loq'uel i bic' cha'an i sujmlel Jesús yic'ot cha'an i t'an Dios. Ma'anic tsi' ch'ujutesayob jini jontol bʌ bʌte'el yic'ot i yejtal. Ma'anic tsi' ch'ʌmbeyob i ts'ijbal ti' pam mi ti' c'ʌb. Tsa' cha' cuxtiyiyob. Tsi' cha'leyob yumʌl yic'ot Cristo lujunc'al i yuxbajc' jab.

Jiñi Tsiji' bʌ Wen T'añ cha'añ Estudio

⁴ Tsa' j q'uele ca'bʌl buchlibʌl, jiñi tsa' bʌ buchleyob ya'i, tsa' aq'uentiyob i ye'tel ti meloñel. Yic'ot tsa' j q'uele i ch'ujlel wiñicob x'ixicob tsa' bʌ set' t'ojbentiyob loq'uel i bic' cha'añ isujmlel Jesús yic'ot cha'añ i t'añ Dios, ma'añic tsi' ch'ujutesayob jiñi jontol bʌ bʌte'el yic'ot i yejtal, ma'añic tsi' ch'ʌmbeyob i ts'ijbal ti' pam mi ti' c'ʌb, tsa' cha' cuxtʌyiyob, tsi' cha'leyob yumʌl yic'ot Cristo lujunc'al i yuxbajc' ja'b.

Chol Tila

⁴ Che' jini ti quilʌ che' bajche' tic ñajal, buchlibʌl tyac i cha'añob jini año' bʌ i ye'tyel. Ti quilʌ ya' buchulob jini tsa' bʌ aq'uentiyob i ye'tyel cha'an mi' cha'len melojel. Ti quilʌ je'el i ch'ujlel jini quixtyañujob tsa' bʌ tsejpi loq'uel i jol cha'an ti caj ti' subuyob Jesús yic'ot cha'an ti' subeyob majlel i t'an Dios. Jiñʌch jini mach'ʌ ba'an ti' ch'ujutisʌyob jini bʌbʌq'uen bʌ animal yic'ot i loc'om. Jiñʌch mach'ʌ ba'an ti yʌc'ʌyob cha'an otsʌntic i marcajlel jini animal ti i pamob mi ti' c'ʌbobic. Ti quilʌ ti cha' cuxtiyiyob. Ti' motin cha'leyob yumʌl yic'ot Cristo mil jabil.

Chol: I T’an Dios

⁴ Tsaj q'uele cabʌl buchlibʌl. Jini tsa' bʌ buchleyob ya'i, tsa' aq'uentiyob i ye'tel ti meloñel. Tsaj q'uele i ch'ujlel winicob x'ixicob tsa' bʌ set' t'ojbentiyob loq'uel i bic' cha'an i sujmlel Jesús yic'ot cha'an i t'an Dios. Ma'anic tsi' ch'ujutesayob jini jontol bʌ bʌte'el yic'ot i yejtal. Ma'anic tsi' ch'ʌmbeyob i ts'ijbal ti' pam mi ti' c'ʌb. Tsa' cha' cuxtiyiyob. Tsi' cha'leyob yumʌl yic'ot Cristo lujunc'al i yuxbajc' jab.

Apocalipsis 20:4 Iomraidhean Croise

Mateo 19:28

Jesús tsi' su'beyob: —Ti isujm mic su'beñetla, ti tsiji' bʌ pañimil, che' buchul i Yalobil Wiñic ti' yumʌntel ti' ñuclel, jatetla ja'el tsa' bʌ la' tsajcayon mi caj la' buchtʌl ti lajchʌmp'ejl buchlibʌl cha'añ mi la' mel jiñi lajchʌnmojt i p'olbal Israel.

Mateo 24:10

Ti jim bʌ ora mi caj i tejchel tilebixel bʌ i pusic'al ca'bʌlob. Mi caj i yʌc'ob i pi'ʌlob ti' c'ʌb i contra, mi caj i ts'a'leñob i bʌ.

Marcos 6:16

Che' bʌ tsi' yu'bi jiñi t'añ, Herodes tsi' yʌlʌ: —Jiñʌch Juan tsa' bʌ c set' t'ojbe loq'uel i bic', tsa'ix ch'ojyi loq'uel ba'añ chʌmeño' bʌ, —che'en.

Marcos 6:27

Ti ora jiñi rey tsi' choco majlel soldado, tsi' yʌc'ʌ mandar cha'añ mi' ch'ʌjmel tilel i jol Juan.

Marcos 9:11

Tsi' c'ajtibeyob: —¿Chucoch mi' yʌlob xts'ijbayajob wersa mi' ñaxan tilel Elías?

Lucas 1:17

Mi caj i majlel a walobil ti ñaxan ti' tojlel Lac Yum, lajal i ye'tel yic'ot i p'ʌtʌlel bajche' Elías, cha'añ mi' yʌq'ueñob uts bʌ i pusic'al tatʌl ña'ʌlob cha'añ mi' c'uxbiñob i yalobilob, cha'añ mi' yʌq'ueñob wen bʌ i pusic'al xñusa mandarob cha'añ mi' tajob i ña'tʌbal lajal bajche' jiñi tojo' bʌ. Che' jiñi mi caj i yʌq'ueñob wiñicob x'ixicob i chajpañob i pusic'al cha'añ lac Yum.

Lucas 14:14

Mi caj a taj i tijicñʌyel a pusic'al come mach mejlic i cha' q'uextʌbeñet, pero mi caj a q'uextʌbentel che' mi' cha' ch'ojyelob jiñi tojo' bʌ, —che'en Jesús.

Lucas 22:30

Che' jiñi mi mejlel la' cha'len we'el uch'el tic mesa tic yumʌntel. Mi caj la' buchtʌl ti la' we'tel cha'añ mi la' mel jiñi lajchʌnmojt i p'olbal Israel.

Juan 14:19

Ila ti jumuc', ma'añic mi caj i chʌn q'ueloñob jiñi año' bʌ ti pañimil; pero jatetla mi caj la' q'uelon, come cuxulon. Che' ja'el jatetla cuxul mi caj la' wajñel.

Romanos 11:15

come tsa' poj tʌjts'iyob loq'uel jiñi israelob cha'añʌch mi' yuts-esʌntelob wiñicob x'ixicob ti pañimil, ¿chuqui mi caj i tajob jiñi israelob che' ba' ora mi cha' ch'ʌjmelob ti' wenta ti' tojlel Dios? Mi caj i yʌq'ueñtelob i cuxtʌlel come cʌn chʌmeñobix yu'bil.

Romanos 8:17

Mi i yalobilonla Dios, añ chuqui mi caj la cʌq'uentel ti Dios, mi tsa' la cu'bi wocol temel yic'ot Cristo, lac tem cha'añ jach la quic'ot Cristo chuqui mi caj la cʌq'uentel, cha'añ temel mi lac taj lac ñuclel yic'ot Cristo.

2 Timoteo 2:12

Mi woli lac lʌt' wocol, mux caj lac tem cha'len yumʌl la quic'ot. Mi tsa' la cʌlʌ mach laj cʌñʌyic, ma'añic mi caj i cʌñonla ja'el.

Apocalipsis 1:2

Juan tsi' su'bu isujmlel i t'añ Dios yic'ot isujmlel Jesucristo yic'ot pejtelel chuqui tac tsi' q'uele.

Apocalipsis 1:9

Joñon, Juan, a wermañujon mu' bʌ c tem u'bin wocol quic'otetla cha'añ Jesús, temel añonla ti' yumʌntel, temel woli laj cuch wocol che' mi lac pijtan Jesús, añon ti lum joyol bʌ ti ja' i c'aba' Patmos cha'añ ti' caj i su'bol i t'añ Dios yic'ot isujmlel Jesús.

Apocalipsis 11:11

Che' ñumeñix ojlil i chʌmp'ejl q'uiñ, Dios tsi' cha' otsʌbeyob i ch'ujlel cha'añ mi' cuxtʌyelob, tsa' wa'leyob ti' yoc, wen ca'bʌl tsi' cha'leyob bʌq'uen jiñi tsa' bʌ i q'ueleyob.

Apocalipsis 11:15

Jiñi wucticlel ángel tsi' wusu i trompeta, tsa' cajiyob ti c'am bʌ t'añ ti panchan, tsi' yʌlʌyob: “I yumʌntel tac pañimil tsa'ix ochi ti' wenta lac Yum yic'ot ti' wenta Cristo. Mi caj i cha'len yumʌl ti pejtelel ora”.

Apocalipsis 11:3

Mi caj cʌq'uen i p'ʌtʌlel cha'tiquil testigo mu' bʌ caj i yʌc'oñob ti cʌjñel. Uxc'al i chʌmbajc' (1,260) q'uiñ mi caj i cha'leñob subt'añ, lʌpʌl i cha'añob i pislel melbil bʌ ti' tsutsel chivo.

Apocalipsis 11:7

Che' mi' yujtel i ye'tel jiñi cha'tiquil testigo, mi caj i tilel jiñi jontol bʌ bʌte'el mu' bʌ i letsel loq'uel ti ch'eñ mach bʌ añix mi' tajben i ye'bal, mi caj i tech guerra ti' contra jiñi cha'tiquil, mi caj i mʌjlel i cha'añ, mi caj i tsʌnsan jiñi cha'tiquil.

Apocalipsis 12:11

Jiñi hermañujob tsi' mʌlbeyob xi'ba cha'añ ti' ch'ich'el jiñi Tʌñʌme' yic'ot i t'añ tsa' bʌ i su'beyob. Ma'añic tsi' c'uxbiyob i cuxtʌlel che' bʌbʌq'uen mi' yʌjq'uelob ti chʌmel.

Apocalipsis 14:11

I buts'il i wocol jiñi wiñicob mi' letsel majlel ti pejtelel ora. Jiñi mu' bʌ i ch'ujutesañob jiñi jontol bʌ bʌte'el yic'ot i yejtal yic'ot jiñi mu' bʌ i ch'ʌmbeñob i c'aba' ma'añic mi' c'ajob i yoj, ti q'uiñil mi jiñic ti ac'ʌlel, che'en.

Apocalipsis 15:2

Che' ja'el tsa' j q'uele mar melbil bʌ ti espejo yilal, xʌ'bʌl ti c'ajc, ya'añob wiñicob tsa'ix bʌ i mʌlbeyob jontol bʌ bʌte'el yic'ot i yejtal, yic'ot i númerojlel i c'aba'. Wa'alobix ti' pam jiñi mar melbil bʌ ti espejo, añ i cha'añob arpa tac aq'uebilo' bʌ i cha'añ Dios.

Apocalipsis 17:8

Jiñi jontol bʌ bʌte'el tsa' bʌ a q'uele jiñʌch am bʌ ti wajali, pero ma'añix tsiquil wʌle, mi caj i letsel loq'uel ti ch'eñ mach bʌ añix mi' tajben i ye'bal cha'añ mi' majlel ba' mi' jisʌntel. Mi caj i toj sajtel i pusic'al jiñi chumulo' bʌ ti lum, mach bʌ otsʌbilic i c'aba' ti juñ ba' ts'ijbubil i c'aba' tac jiñi año' bʌ i cuxtʌlel c'ʌlʌl ti' tejchibal pañimil, mi caj i toj sajtelob i pusic'al che' mi' q'uelob jiñi jontol bʌ bʌte'el am bʌ ti wajali, ma'añix tsiquil wʌle, mu' bʌ caj i tilel.

Apocalipsis 2:26

Jiñi mu' bʌ i mʌjlel i cha'añ yic'ot jiñi mu' bʌ i melbeñon que'tel c'ʌlʌl ti' jilibal mi caj cotsan ti' yum colem tejclumob.

Apocalipsis 20:6

Tijicñayob mu' bʌ i tejchelob ch'ojyel ti ñaxan, ch'ujulob; ma'añic mi caj i chʌmelob ti' cha'yajlel, mi caj i yochelob ti motomaj ti' tojlel Dios yic'ot ti' tojlel Cristo, mi caj i tem cha'leñob yumʌntel yic'ot Cristo lujunc'al i yuxbajc' ja'b.

Apocalipsis 22:5

Ma'añix ac'ʌlel ya'i; ma'añix i c'ʌjñibal i c'ʌc'al lámpara mi i sʌclel q'uiñ, come lac Yum Dios mi caj i yʌq'ueñob i sʌclel, mi caj i yumʌntelob ti pejtelel ora.

Apocalipsis 3:21

Jiñi mu' bʌ i mʌjlel i cha'añ mi caj c su'ben buchtʌl quic'ot tic yumʌntel, che' bajche' tsa' buchleyon quic'ot c Tat ti' yumʌntel che' bʌ tsa' mʌjli c cha'añ.

Apocalipsis 4:4

Ti' joytʌlel i buchlib añ chʌmp'ejl i cha'c'al buchlibʌl, ya' buchulob ti ye'tel tsa' j q'uele chʌntiquil i cha'c'al (24) ancianojob lʌpʌl i cha'añob sʌsʌc bʌ i pislel, añob i corona tac melbil bʌ ti oro c'ʌcʌl ti' jol.

Apocalipsis 6:9

Che' bʌ tsi' jamʌ i jo'p'ejlel sello, tsa' j q'uele ti' ye'bal i pulʌntib i majtañ Dios i ch'ujlel pejtelel wiñicob x'ixicob tsa' bʌ tsʌnsʌntiyob cha'añ xuc'ulob ti' t'añ Dios, tsi' yʌc'ʌyob ti cʌjñel Cristo.

Apocalipsis 7:3

tsi' yʌlʌ: Mach mi la' tic'lan jiñi lum, jiñi mar, mi jiñic te'el, jinto mi la cʌc' i sellojlel Dios ti' pam i wiñicob Dios, che'en.