Apocalipsis 2:14 - Jiñi Tsiji' bʌ Wen T'añ cha'añ Estudio

¹⁴ Pero mic su'beñetla chuqui tac mach weñic ti la' tojlel. Ya'añob la' wic'ot mu' bʌ i ñopob i cʌntesʌbal Balaam, jiñi Balaam tsa' bʌ i su'be Balac cha'añ mi' yʌc' ti yajlel i yalobilob Israel che' bʌ tsi' pʌyʌyob cha'añ mi' c'uxob we'elʌl aq'uebil bʌ dios tac, cha'añ mi' cha'leñob ts'i'lel.

Chol de Tumbalá Bible

¹⁴ Pero mic subeñetla chuqui tac mach wenic ti la' tojlel. Ya' añob la' wic'ot mu' bʌ i ñopob i cʌntesʌbal Balaam, jini Balaam tsa' bʌ i sube Balac cha'an mi' yʌc' ti yajlel i yalobilob Israel che' bʌ tsi' pʌyʌyob cha'an mi' c'uxob we'elʌl aq'uebil bʌ dios tac, cha'an mi' cha'leñob i ts'i'lel.

Jiñi Tsiji' bʌ Wen T'añ cha'añ Estudio

¹⁴ Pero mic su'beñetla chuqui tac mach weñic ti la' tojlel. Ya' añob la' wic'ot mu' bʌ i ñopob i cʌntesʌbal Balaam, jiñi Balaam tsa' bʌ i su'be Balac cha'añ mi' yʌc' ti yajlel i yalobilob Israel che' bʌ tsi' pʌyʌyob cha'añ mi' c'uxob we'elʌl aq'uebil bʌ dios tac, cha'añ mi' cha'leñob ts'i'lel.

Chol Tila

¹⁴ Pero aunque chʌ'ʌch ti la' ñusʌ, an cha'chajp uxchajp mach'ʌ wen ti la' cha'le mi quilan. Ya'an la' wic'ot ya' ti Pérgamo jiñi mach'ʌ ba'an mi' cʌyob i ch'ujbiñob i cʌntisa Balaam. Jini Balaam ti' cʌntisʌ jini ñuc bʌ yumʌl Balac bʌ i c'aba' cha'an i yilpusic'len jini israelob cha'an mi' c'uxob we'el tsa' bʌ aq'uenti melel jach bʌ i dios tyac yic'ot cha'an mi' cha'leñob i tsuculel.

Chol: I T’an Dios

¹⁴ Pero mic subeñetla chuqui tac mach wenic ti la' tojlel. Ya' añob la' wic'ot mu' bʌ i ñopob i cʌntesʌbal Balaam, jini Balaam tsa' bʌ i sube Balac cha'an mi' yʌc' ti yajlel i yalobilob Israel che' bʌ tsi' pʌyʌyob cha'an mi' c'uxob we'elʌl aq'uebil bʌ dios tac, cha'an mi' cha'leñob i ts'i'lel.

Apocalipsis 2:14 Iomraidhean Croise

Mateo 18:7

¡O'bol i bʌ jiñi año' bʌ ti pañimil mu' bʌ i yʌsañob ti mulil wiñicob x'ixicob! Come wersa mi caj i tilelob iliyi, pero ¡o'bol jax i bʌ jiñi wiñic mu' bʌ i yʌsan ti mulil i pi'ʌlob!

Hechos 15:29

Cʌyʌ la' c'ux jiñi tsʌnsʌbil bʌ i majtañ dios te' yic'ot i ch'ich'el yic'ot jiñi milbil bʌ, mach mi la' cha'len ts'i'lel; mi uts'at mi la' cʌntan la' bʌ cha'añ pejtelel jiñi, uts'at mi la' mel, ajñenla ti la' wenlel”.

Hechos 21:25

Pero ixcu jiñi gentilob tsa' bʌ i ñopoyob, joñon lojon tsa'ix c ts'ijbube lojon juñ cha'añ ma'añic mi' jac'ob iliyi; cojach tsa' c su'be lojon cha'añ mi' cʌy i c'uxob jiñi tsʌnsʌbil bʌ i majtañ dios te' yic'ot i ch'ich'el jiñi milbil tac bʌ yic'ot mach yomic mi' cha'leñob ts'i'lel.

Romanos 11:9

David ja'el tsi' yʌlʌ: “La' pʌntʌyic i q'uiñijelob ti yac ba' mi' yajlelob cha'añ mi' tojob i mul.

Romanos 14:13

Jiñi cha'añ, mach yomix mi lac chʌn q'uel ti xmulil lac pi'ʌlob, la' jach laj q'uel lac bʌ cha'añ ma'añic mi lac yʌsan ti mulil lac quermañujob.

Romanos 14:21

Ñumen uts'at ma'añic mi lac c'ux we'elʌl yic'ot ma'añic mi lac jap vino mi yam bʌ mu' bʌ i tic'lʌben i pusic'al o mu' bʌ i yʌc' ti yajlel a wermañu.

Romanos 9:32

¿Chucoch? Come tsi' sʌclayob toj bʌ i pusic'al cha'añ ti' jac'ol [mandar], mach cha'añic tsi' ñopoyob; jiñi cha'añ tsa' yajliyob ti jiñi xajlel ba' mi' jats'ob i yoc,

1 Corintios 1:23

Pero joñonla mi lac su'b Cristo tsa' bʌ ch'ijle ti cruz, jiñi t'añ mi' yʌc' ti yajlel judíojob, tonto jax jiñi t'añ mi' yʌlob gentilob.

1 Corintios 7:2

Pero cha'añ ti' caj añ ca'bʌl mu' bʌ i tajob i yixic, jiñi cha'añ la' i pʌy i yijñam jujuntiquil wiñic, la' i taj i ñoxi'al jujuntiquil x'ixic.

Hebreos 13:4

Ña'tanla uts'atʌch ñujpuñel, uts'at mi' pʌy i yijñam wiñic, yom xuc'ul mi' pi'leñob i bʌ; come majqui jach mi' taj i yixic, mi añ i yijñam, o mi ma'añic i yijñam mi cha'len ts'i'lel, mi caj i mel i bʌ ti' tojlel Dios.

1 Pedro 2:8

Ts'ijbubil ja'el: “Jiñʌch Xajlel ba' mi' jats'ob i yoc wiñicob x'ixicob. Jiñʌch Ñuc bʌ Xajlel ba' mi' jats'ob i yoc come ma'añic tsi' jac'ʌyob jiñi wen t'añ”. Che'ʌch tsi' meleyob bajche' tsi' wʌn ña'ta Dios.

2 Pedro 2:15

Tsa'ix i cʌyʌyob jiñi toj bʌ bij, sajtemob, tsi' tsajcʌbeyob i bijlel Balaam, i yalobil Beor tsa' bʌ i mulʌbe i chobejtʌbal jontolil,

Judas 1:11

¡Mi caj i tajob wocol! Come tsi' cha'leyob tsʌnsa che' bajche' Caín, tsi' junyajlel ac'ʌyob i bʌ ti' sajtemal Balaam cha'añ yomob ganar, tsa' jiliyob che' bajche' Coré cha'añ tsi' contrajiyob Dios.

Apocalipsis 2:20

Mic su'beñetla ja'el chuqui mach weñic ti la' tojlel, mi la' cuchben i jontolil jiñi x'ixic Jezabel, mu' bʌ i cuy i bʌ ti x'alt'añ, mi' cʌntesan c wiñicob, mi' socbeñob i pusic'al cha'añ mi' cha'leñob ts'i'lel, cha'añ mi' c'uxob we'elʌl aq'uebil bʌ dios tac.

Apocalipsis 2:4

Pero añ chuqui mach weñic ti la' tojlel, ma'añix mi la' wen c'uxbiñon che' bajche' ti ñaxan.

Apocalipsis 21:8

Pero jiñi muc'o' bʌ ti bʌq'uen, yic'ot jiñi mach bʌ añic mi' ñopob, yic'ot jiñi bi'bi'o' bʌ, yic'ot xtsʌnsajob, yic'ot mu' bʌ i cha'leñob ts'i'lel, yic'ot xwujtob, yic'ot xch'ujutesa dioste'ob, yic'ot pejtelel xlotob mi caj i tajob i yajñib ya' ti c'ajc woli bʌ ti pulel yic'ot azufre, jiñʌch i cha'yajlel mi' chʌmelob”, che'en.

Apocalipsis 22:15

Pero jiñi ts'i'ob mi cʌytʌlob ti jumpat yic'ot xwujt yic'ot jiñi mu' bʌ i cha'leñob ts'i'lel yic'ot xtsʌnsajob yic'ot jiñi mu' bʌ i ñopob dios te' yic'ot jiñi mu' bʌ i mulañob lot yic'ot jiñi mu' bʌ i cha'leñob lot”.