Apocalipsis 2:11 - Jiñi Tsiji' bʌ Wen T'añ cha'añ Estudio

¹¹ Jiñi am bʌ i chiquin la' i yu'biben i t'añ jiñi Espíritu mu' bʌ i su'ben xñopt'añob. Jiñi mu' bʌ i mʌjlel i cha'añ ma'añic mi caj i chʌmel ti' cha'yajlel”.

Chol de Tumbalá Bible

¹¹ Jini am bʌ i chiquin la' i yubiben i t'an jini Espíritu mu' bʌ i suben xñopt'añob. Jini mu' bʌ i mʌjlel i cha'an ma'anic mi caj i chʌmel ti' cha'yajlel”.

Jiñi Tsiji' bʌ Wen T'añ cha'añ Estudio

¹¹ Jiñi am bʌ i chiquin la' i yu'biben i t'añ jiñi Espíritu mu' bʌ i su'ben xñopt'añob. Jiñi mu' bʌ i mʌjlel i cha'añ ma'añic mi caj i chʌmel ti' cha'yajlel.”

Chol Tila

¹¹ Jini yom bʌ i yoque ch'ʌmben isujm la' i wen ñʌch'tyan i t'an jini Ch'ujul bʌ c Ch'ujlel mu' bʌ i subeñob jini ochemo' bʌ tic t'an: Jini mu' bʌ i ganariñob cha'an ma'an mi' sʌt i bʌ, mu' bʌ i bej ajñel ti yoque xuc'ul, che' mi sajtyel ma'ix mi quejel i yochel ti xot'mulil, che'en. Chʌ'ʌch ti xijq'ui Juan i ts'ijbubeñob jini año' bʌ ti Esmirna.

Chol: I T’an Dios

¹¹ Jini am bʌ i chiquin la' i yubiben i t'an jini Espíritu mu' bʌ i suben xñopt'añob. Jini mu' bʌ i mʌjlel i cha'an ma'anic mi caj i chʌmel ti' cha'yajlel”.

Apocalipsis 2:11 Iomraidhean Croise

Mateo 11:15

Jiñi am bʌ i chiquin cha'añ mi' yu'bin, la' i yu'bin.

Mateo 13:9

Jiñi am bʌ i chiquin cha'añ mi' yu'bin, la' i yu'bin, che'en Jesús.

Marcos 4:9

Jiñi cha'añ Jesús tsi' su'beyob: —Jiñi am bʌ i chiquin cha'añ mi' yu'bin, la' i yu'bin, —che'en.

Marcos 7:16

[Majqui jach añ i chiquin cha'añ mi yu'bin, la' i ñʌch'tan,] —che'en.

Lucas 8:8

Yam bʌ tsa' yajli ti wen bʌ lum, che' bʌ tsa' coli, tsi' yʌc'ʌ i wut ti jo'jo'c'al ti jujump'ejl”, che'en. Che' bʌ tsa' ujti i su'b ili t'añ, tsi' yʌlʌ ti c'am bʌ t'añ: “Jiñi am bʌ i chiquin cha'añ mi' yu'bin, la' i yu'bin”.

Apocalipsis 13:9

Jiñi am bʌ i chiquin la' i yu'bin:

Apocalipsis 2:17

Jiñi am bʌ i chiquin la' i yu'biben i t'añ jiñi Espíritu mu' bʌ i su'ben xñopt'añob. Jiñi mu' bʌ i mʌjlel i cha'añ mi caj cʌq'uen i c'ux mucul bʌ maná, mi caj cʌq'uen jump'ejl sʌsʌc bʌ alʌ xajlel, ba' otsʌbil tsiji' bʌ i c'aba', ma'añic majqui yujil chuqui otsʌbil, cojach jiñi mu' bʌ i ch'ʌm”.

Apocalipsis 2:7

Jiñi am bʌ i chiquin la' i yu'biben i t'añ i yEspíritu Dios mu' bʌ i su'ben xñopt'añob mu' bʌ i tempañob i bʌ. Jiñi mu' bʌ i mʌjlel i cha'añ mi caj cʌq'uen i c'uxben i wut jiñi te' i yejtal bʌ laj cuxtʌlel am bʌ ti' yojlil i paraíso Dios”.

Apocalipsis 20:14

Jiñi i p'ʌtʌlel chʌmel yic'ot i yajñib chʌmeño' bʌ tsa' chojquiyob ochel ti' yajñib colem c'ajc. Jiñʌch i cha'yajlel mi' chʌmelob, che' mi' yochelob ti colem c'ajc.

Apocalipsis 20:6

Tijicñayob mu' bʌ i tejchelob ch'ojyel ti ñaxan, ch'ujulob; ma'añic mi caj i chʌmelob ti' cha'yajlel, mi caj i yochelob ti motomaj ti' tojlel Dios yic'ot ti' tojlel Cristo, mi caj i tem cha'leñob yumʌntel yic'ot Cristo lujunc'al i yuxbajc' ja'b.

Apocalipsis 21:7

Jiñi mu' bʌ i mʌjlel i cha'añ mi caj i ch'ʌm pejtelel chuqui tac añ. Joñon i Dioson, jiñi mi caj i yochel ti calobil.

Apocalipsis 21:8

Pero jiñi muc'o' bʌ ti bʌq'uen, yic'ot jiñi mach bʌ añic mi' ñopob, yic'ot jiñi bi'bi'o' bʌ, yic'ot xtsʌnsajob, yic'ot mu' bʌ i cha'leñob ts'i'lel, yic'ot xwujtob, yic'ot xch'ujutesa dioste'ob, yic'ot pejtelel xlotob mi caj i tajob i yajñib ya' ti c'ajc woli bʌ ti pulel yic'ot azufre, jiñʌch i cha'yajlel mi' chʌmelob”, che'en.

Apocalipsis 3:12

Jiñi mu' bʌ i mʌjlel i cha'añ mi caj i yajñel che' bajche' oy ti' templo c Dios, ma'añix mi caj i chʌn loq'uel ya'i. Mi caj c ts'ijbuben i c'aba' c Dios ti jiñi wiñic yic'ot tsiji' bʌ j c'aba' yic'ot i c'aba' i tejclum c Dios, jiñi tsiji' bʌ Jerusalén mu' bʌ i loq'uel tilel ti panchan ch'oyol bʌ tic Dios.

Apocalipsis 3:13

Jiñi am bʌ i chiquin la' i yu'biben i t'añ jiñi Espíritu mu' bʌ i su'ben xñopt'añob”.

Apocalipsis 3:5

Jiñi mu' bʌ i mʌjlel i cha'añ mi caj i yʌq'uentel i lʌp sʌsʌc bʌ i pislel. Ma'añic mi caj c yʌpben i c'aba' ti juñ ba' otsʌbilob i c'aba' año' bʌ i cuxtʌlel. Mi caj c su'b ti' tojel c Tat yic'ot ti' tojel i yángelob.

Apocalipsis 3:6

Jiñi am bʌ i chiquin la' i yu'biben i t'añ jiñi Espíritu mu' bʌ i su'ben xñopt'añob”.