Apocalipsis 19:12 - Jiñi Tsiji' bʌ Wen T'añ cha'añ Estudio

¹² Lajal i wut bajche' c'ajc woli bʌ ti lejmel, añ ca'bʌl corona ti' jol, ts'ijbubil i c'aba' pero ma'añic majqui mi' cʌn, i bajñel jach mi' cʌn.

Chol de Tumbalá Bible

¹² Lajal i wut bajche' ts'iplaw bʌ c'ajc. An cabʌl corona ti' jol. Ts'ijbubil i c'aba' pero ma'anic majqui mi' cʌn. I bajñel jach mi' cʌn.

Jiñi Tsiji' bʌ Wen T'añ cha'añ Estudio

¹² Lajal i wut bajche' c'ajc woli bʌ ti lejmel, añ ca'bʌl corona ti' jol, ts'ijbubil i c'aba' pero ma'añic majqui mi' cʌn, i bajñel jach mi' cʌn.

Chol Tila

¹² I wut jini c'ʌchʌl bʌ ti caballo ti lejmi che' bajche' lemlemña bʌ c'ajc yilal. Xojol ti' jol cabʌl corona tyac. Ts'ijbubil i c'aba' mach'ʌ ba'an majch ti' ña'tyʌ i sujmlel. Jini jach jini c'ʌchʌl bʌ ti' bajñel cʌñʌ.

Chol: I T’an Dios

¹² Lajal i wut bajche' ts'iplaw bʌ c'ajc. An cabʌl corona ti' jol. Ts'ijbubil i c'aba' pero ma'anic majqui mi' cʌn. I bajñel jach mi' cʌn.

Apocalipsis 19:12 Iomraidhean Croise

Mateo 11:27

Pejtelel chuqui tac añ, aq'uebilon i cha'añ c Tat. Ma'añic majqui mi' cʌñon, cojach c Tat, che' ja'el ma'añic majqui mi' cʌn c Tat, cojach joñon yic'ot majqui jach mi cʌq'uen i cʌn, come i Yalobilon.

Mateo 21:5

“Su'benla i yalobilob jiñi año' bʌ ti Sión: La' Rey woli' tilel ba'añetla, jiñi uts bʌ, c'ʌchʌl ti burro woli' tilel, c'ʌchʌl ti' yal burro yujil bʌ cuchijel”, che'en.

Mateo 28:18

Jesús tsi' lʌc'tesa i bʌ ti' tojlel jiñi xcʌnt'añob tsa' caji i su'beñob: “Aq'uebilon c p'ʌtʌlel cha'añ mic mel pejtelel chuqui com ti panchan yic'ot ti pañimil.

Lucas 10:22

Pejtelel chuqui tac añ, aq'uebilon i cha'añ c Tat, ma'añic majqui mi' cʌñon cojach c Tat, che' ja'el, ma'añic majqui mi' cʌn c Tat cojach joñon come i Yalobilon, mi' cʌñob c Tat ja'el majqui jach mi cʌq'uen i cʌn”.

Juan 17:11

Mach chʌn añoñix ti pañimil, pero iliyob añob to ti pañimil, joñon cha' talon ba'añet. C Ch'ujutat, cʌntañob ti a c'aba' jiñi xñopt'añob tsa' bʌ a wʌq'ueyon cha'añ mi' yajñelob ti jump'ejl jach i pusic'al che' bajche' joñonla.

Juan 17:12

Che' wʌ' to añon quic'otob ti pañimil, tsa' j cʌntayob ti a c'aba'; jiñi tsa' bʌ a wʌq'ueyon, tsa' cʌntayob, ma'añic tsa' sajti mi juntiquilic, cojach jiñi mu' bʌ i majlel ti tojmulil cha'añ mi' ts'ʌctiyel i Ts'ijbujel Dios.

Efesios 1:21

Ñumen ñuc Cristo bajche' pejtelel i yumʌntel tac pañimil yic'ot jiñi ñuco' bʌ i ye'tel año' bʌ i p'ʌtʌlel yic'ot i yumʌntel, ñumen ñuc i ye'tel bajche' pejtelel wa'chocobilo' bʌ, mach cojic jach ti ili ora pero che'ʌch ja'el ti jiñi tal to bʌ ora.

Hebreos 2:9

Pero mi laj q'uel cha'añ Jesús, tsa' bʌ poj peq'uesʌnti ba' mach i tajayic i ñuclel ángelob, tsa'ix cha' aq'uenti i ñuclel yic'ot i c'uxbintel, cha'añ tsi' yʌc'ʌ i bʌ ti chʌmel, come ti' yutslel i pusic'al Dios tsa' chʌmi cha'añ pejtelonla.

Apocalipsis 1:14

Sʌsʌc i tsutsel i jol bajche' sʌsʌc bʌ i tsutsel tʌñʌme', sʌsʌc bajche' i ña'al tsʌñal. Woli ti lejmel i wut che' bajche' c'ajc.

Apocalipsis 12:3

Tsa' tsictiyi yam bʌ i yejtal i p'ʌtʌlel ti panchan. Awilan, añ colem ajin chʌchʌc bʌ, añ wucp'ejl i jol yic'ot lujunts'ijt i xulub, añ wucxojt i corona.

Apocalipsis 13:1

Tsa' wa'leyon ti' ji'il mar, tsa' j q'uele jontol bʌ bʌte'el woli bʌ i loq'uel ti mar, añ wucp'ejl i jol yic'ot lujunts'ijt i xulub yic'ot lujunxojt corona ti' xulub. Ya' ti' jol tac ts'ijbubil t'añ mu' bʌ i p'aj Dios.

Apocalipsis 19:16

Ts'ijbubil i c'aba' ti' pislel yic'ot ti' ya': I Rey jiñi reyob, i Yum jiñi yumʌlob.

Apocalipsis 3:12

Jiñi mu' bʌ i mʌjlel i cha'añ mi caj i yajñel che' bajche' oy ti' templo c Dios, ma'añix mi caj i chʌn loq'uel ya'i. Mi caj c ts'ijbuben i c'aba' c Dios ti jiñi wiñic yic'ot tsiji' bʌ j c'aba' yic'ot i c'aba' i tejclum c Dios, jiñi tsiji' bʌ Jerusalén mu' bʌ i loq'uel tilel ti panchan ch'oyol bʌ tic Dios.

Apocalipsis 6:2

Tsa' j q'uele, awilan añ juncojt sʌsʌc caballo. Jiñi c'ʌchʌl bʌ ti' pat añ i cha'añ jalʌjb, tsa' aq'uenti corona, tsa' loq'ui majlel, tsa' mʌjli i cha'añ, tsi' mʌlʌ majlel.