Apocalipsis 13:16 - Jiñi Tsiji' bʌ Wen T'añ cha'añ Estudio

¹⁶ Che' ja'el tsi' yʌc'ʌ i t'añ cha'añ mi' ts'ijbubentel i marcajlel pejtelel wiñicob x'ixicob ti ñoj bʌ i c'ʌb o ti' pam, jiñi ñuco' bʌ yic'ot ch'och'oco' bʌ, jiñi wen chumulo' bʌ yic'ot jiñi mach bʌ añobic i chu'bʌañ, jiñi librejo' bʌ yic'ot año' bʌ ti' yum,

Chol de Tumbalá Bible

¹⁶ Tsi' yʌc'ʌ i t'an cha'an mi' ts'ijbubentel i marcajlel pejtelel winicob x'ixicob ti ñoj bʌ i c'ʌb o ti' pam. Jini ñuco' bʌ yic'ot ch'o'ch'oco' bʌ, jini wen chumulo' bʌ yic'ot jini mach bʌ añobic i chubʌ'an, jini librejo' bʌ yic'ot año' bʌ ti' yum, tsa' laj ts'ijbubentiyob.

Jiñi Tsiji' bʌ Wen T'añ cha'añ Estudio

¹⁶ Che' ja'el tsi' yʌc'ʌ i t'añ cha'añ mi' ts'ijbubentel i marcajlel pejtelel wiñicob x'ixicob ti ñoj bʌ i c'ʌb o ti' pam, jiñi ñuco' bʌ yic'ot ch'och'oco' bʌ, jiñi wen chumulo' bʌ yic'ot jiñi mach bʌ añobic i chu'bʌañ, jiñi librejo' bʌ yic'ot año' bʌ ti' yum,

Chol Tila

¹⁶ Jini cha'cojtlel bʌ animal mi yʌq'uen je'el cha'an ti pejtyelelob jini mu' bʌ i q'uejlel ti ñuc, mi mach'an mi q'uejlel ti ñuc, jini am bʌ cabʌl chʌ bʌ an i cha'an, mi mach sajlic chʌ bʌ an i cha'an, mi an ti' wenta i yum, mi mach'an ti' wenta i yum, cha'an ti pejtyelelob mi ts'ijbuntyelob i marcajlel ti' ñoj bʌ i c'ʌb o ti' pam cha'an tsiquil ti' ch'ujutisayob.

Chol: I T’an Dios

¹⁶ Tsi' yʌc'ʌ i t'an cha'an mi' ts'ijbubentel i marcajlel pejtelel winicob x'ixicob ti ñoj bʌ i c'ʌb o ti' pam. Jini ñuco' bʌ yic'ot ch'o'ch'oco' bʌ, jini wen chumulo' bʌ yic'ot jini mach bʌ añobic i chubʌ'an, jini librejo' bʌ yic'ot año' bʌ ti' yum, tsa' laj ts'ijbubentiyob.

Apocalipsis 13:16 Iomraidhean Croise

Hechos 26:22

Pero cha'añ ti' coltaya Dios, chʌn xuc'ulon c'ʌlʌl wʌle, mic chʌn su'beñob jiñi ch'och'oco' bʌ yic'ot jiñi ñuco' bʌ, jiñi jach bʌ t'añ tsa' bʌ i wʌn alʌyob x'alt'añob yic'ot Moisés, come tsa' ujti che' bajche' tsi' yʌlʌyob:

1 Corintios 12:13

come ti juntiquil jach bʌ Espíritu, che' bajche' ti ch'ʌmja' tsi' tem otsayonla ti jump'ejl jach i bʌc'tal Cristo, mi judío, mi griego, mi jiñi am bʌ ti' yum, mi jiñi mach bʌ añic ti' yum, tsa' aq'uentiyonla lac ch'ʌm jiñi jach bʌ Espíritu.

Gálatas 3:28

Come ma'añix judío bʌ, mi griegojic, mi am bʌ ti' yum, o mi librejix añ, ma'añic wiñic mi x'ixic, come ti la' pejtelel jump'ejl jach añetla ti Cristo Jesús.

Gálatas 6:17

Mach i chʌn tic'lañon majqui jach añ tij contra; come tsiquil i yejtal tac c lojwel cha'añ i wiñicon Jesús.

Efesios 6:8

la' wujil, chuqui tac jach wen mi lac mel ti jujuntiquilonla, mi añ lac yum o mi ma'añic lac yum, mi caj lac ch'ʌm lac chobejtʌbal ch'oyol bʌ ti lac Yum.

Colosenses 3:11

ti Cristo mach jelchojquic mi' q'uejlelob wiñicob x'ixicob mi griego, mi judío, mi tsepbil i pʌchʌlel, mi mach tsepbilic i pʌchʌlel, mi ñajt ch'oyolob, mi mach yujilic juñ, mi añ ti' yum, o mi ma'añic i yum, pero Cristo i Yumʌch pejtelel wiñicob yic'ot pejtelel chuqui tac añ.

2 Timoteo 3:8

Che' bajche' tsi' contrajiyob Moisés jiñi Janes yic'ot Jambres, che' ja'el jiñi wiñicob mi' contrajiñob isujmlel, jontol chuqui mi' ña'tañob ti' pusic'al, tsi' junyajlel cʌyʌyob jiñi woli bʌ lac ñop.

Apocalipsis 11:18

Tsa' mich'ayob jiñi año' bʌ ti pañimil, jiñi cha'añ wolix a pʌs a mich'ajel. I yorajlelix ma' mel jiñi chʌmeño' bʌ. I yorajlelix ma' wʌq'ueñob i chobejtʌbal a wiñicob yic'ot x'alt'añob a cha'añ, yic'ot pejtelel a cha'año' bʌ mu' bʌ i bʌc'ñañob a c'aba', jiñi ch'och'oco' bʌ yic'ot jiñi ñuco' bʌ. I yorajlelix ma' jisan jiñi mu' bʌ i jisañob pañimil”.

Apocalipsis 15:2

Che' ja'el tsa' j q'uele mar melbil bʌ ti espejo yilal, xʌ'bʌl ti c'ajc, ya'añob wiñicob tsa'ix bʌ i mʌlbeyob jontol bʌ bʌte'el yic'ot i yejtal, yic'ot i númerojlel i c'aba'. Wa'alobix ti' pam jiñi mar melbil bʌ ti espejo, añ i cha'añob arpa tac aq'uebilo' bʌ i cha'añ Dios.

Apocalipsis 19:18

C'uxbenla i bʌc'tal reyob yic'ot i bʌc'tal i yaj capitañob yic'ot i bʌc'tal p'ʌtʌlo' bʌ yic'ot i bʌc'tal caballo yic'ot jiñi c'ʌchʌlo' bʌ yic'ot i bʌc'tal pejtelel wiñicob libre bʌ añob yic'ot año' bʌ ti' yum, jiñi ch'och'oco' bʌ yic'ot ñuco' bʌ, che'en jiñi ángel.

Apocalipsis 19:20

Pero jiñi jontol bʌ bʌte'el tsa' chujqui temel yic'ot jiñi lot bʌ x'alt'añ, tsa' bʌ i pʌsʌ i yejtal tac i p'ʌtʌlel ti' wut jontol bʌ bʌte'el cha'añ mi' lotin wiñicob tsa' bʌ i ch'ʌmbeyob i marcajlel jiñi bʌte'el, che' bʌ tsi' ch'ujutesʌbeyob i yejtal. Ili cha'tiquil tsa' chojquiyob ochel ti' yajñib colem c'ajc che' cuxulob to ba' woli ti lejmel yic'ot azufre.

Apocalipsis 19:5

Tsa' loq'ui t'añ ti' buchlib Dios, tsi' yʌlʌ: “Su'benla i ñuclel lac Dios pejteletla i wiñiquet bʌ la mu' bʌ la' bʌc'ñan, ch'och'oquet bʌ la yic'ot ñuquet bʌ la”, che'en.

Apocalipsis 20:12

Tsa' j q'uele jiñi chʌmeño' bʌ, jiñi ñuco' bʌ yic'ot ch'och'oco' bʌ wa'alo' bʌ ti' tojel Dios. Tsa' jajmi jiñi juñ tac, tsa' jajmi yam bʌ juñ ba' ts'ijbubil i c'aba'ob año' bʌ i cuxtʌlel. Lac Yum tsi' c'ʌñʌ jiñi juñ cha'añ mi' mel jiñi chʌmeño' bʌ che' bajche' añ i melbalob, come ya' ts'ijbubil i melbalob ti jiñi juñ tac.

Apocalipsis 20:4

Tsa' j q'uele ca'bʌl buchlibʌl, jiñi tsa' bʌ buchleyob ya'i, tsa' aq'uentiyob i ye'tel ti meloñel. Yic'ot tsa' j q'uele i ch'ujlel wiñicob x'ixicob tsa' bʌ set' t'ojbentiyob loq'uel i bic' cha'añ isujmlel Jesús yic'ot cha'añ i t'añ Dios, ma'añic tsi' ch'ujutesayob jiñi jontol bʌ bʌte'el yic'ot i yejtal, ma'añic tsi' ch'ʌmbeyob i ts'ijbal ti' pam mi ti' c'ʌb, tsa' cha' cuxtʌyiyob, tsi' cha'leyob yumʌntel yic'ot Cristo lujunc'al i yuxbajc' ja'b.

Apocalipsis 6:15

Jiñi reyob ti pañimil, yic'ot año' bʌ i ye'tel, yic'ot wen chumulo' bʌ, yic'ot i yaj capitañob soldadojob, yic'ot jiñi p'ʌtʌlo' bʌ, yic'ot pejtelel año' bʌ ti' yum, yic'ot pejtelel mach bʌ añobic ti' yum tsi' mujcuyob i bʌ ti ch'eñ tac yic'ot ti xajlel tac am bʌ ti colem wits.

Apocalipsis 7:3

tsi' yʌlʌ: Mach mi la' tic'lan jiñi lum, jiñi mar, mi jiñic te'el, jinto mi la cʌc' i sellojlel Dios ti' pam i wiñicob Dios, che'en.