Apocalipsis 12:9 - Jiñi Tsiji' bʌ Wen T'añ cha'añ Estudio

⁹ Tsa' chojqui ju'bel jiñi colem ajin, jiñʌch jiñi oñiyix bʌ lucum, am bʌ cha'chajp i c'aba', xi'ba yic'ot Satanás, jiñʌch mu' bʌ i lotin pejtelel wiñicob x'ixicob ti pañimil, tsa' chojqui ju'bel ti lum yic'ot pejtelel i yángelob.

Chol de Tumbalá Bible

⁹ Tsa' chojqui jubel jini colem ajin. Jiñʌch jini oñiyix bʌ lucum, am bʌ cha'chajp i c'aba', xiba yic'ot Satanás. Jiñʌch mu' bʌ i lotin pejtel winicob ti pañimil. Tsa' chojqui jubel ti lum yic'ot pejtelel i yángelob.

Jiñi Tsiji' bʌ Wen T'añ cha'añ Estudio

⁹ Tsa' chojqui ju'bel jiñi colem ajin, jiñʌch jiñi oñiyix bʌ lucum, am bʌ cha'chajp i c'aba', xi'ba yic'ot Satanás, jiñʌch mu' bʌ i lotin pejtelel wiñicob x'ixicob ti pañimil, tsa' chojqui ju'bel ti lum yic'ot pejtelel i yángelob.

Chol Tila

⁹ Chʌ'ʌch ti chojqui loq'uel ti chan jini dragón bʌ animal. Jini dragón bʌ animal jiñʌch jini oniyix bʌ lucum mu' bʌ i pejcʌntyel ti cha'chajp bʌ i c'aba' jiñʌch xiba yic'ot Satanás. Jiñʌch jini mu' bʌ i lotin ti pejtyelel quixtyañu año' bʌ ti mulawil. Ti chojqui jubel c'ʌlʌ ti lum jini dragón bʌ animal yic'ot ti pejtyelel jini año' bʌ ti' wenta.

Chol: I T’an Dios

⁹ Tsa' chojqui jubel jini colem ajin. Jiñʌch jini oñiyix bʌ lucum, am bʌ cha'chajp i c'aba', xiba yic'ot Satanás. Jiñʌch mu' bʌ i lotin pejtel winicob ti pañimil. Tsa' chojqui jubel ti lum yic'ot pejtelel i yángelob.

Apocalipsis 12:9 Iomraidhean Croise

Mateo 13:39

jiñi xcontra tsa' bʌ i wejch'u mach bʌ weñic bʌ pac' jiñʌch xi'ba; i yorajlel c'ajbal che' mi' lojtel i wut jiñi jam jiñʌch i jilibal pañimil; jiñi xc'ajbalob jiñʌch ángelob.

Mateo 24:24

Come mi caj i tejchel xlot bʌ Cristo, yic'ot xlot bʌ x'alt'añob, mi caj i pʌsob ñuc tac bʌ i yejtal i p'ʌtʌlel, yic'ot bʌbʌq'uen tac bʌ, cha'añ mi' lotiñob jiñi yajcʌbilo' bʌ, mi tsa' mejli.

Mateo 25:41

Che' ja'el, mi caj i su'beñob jiñi año' bʌ ti' ts'ej: “Cucula, chojquemet bʌ la ti Dios, ochenla ti c'ajc mach bʌ añic i jilibal, chajpʌbil bʌ cha'añ xi'ba yic'ot i yÁngelob.

Mateo 4:1

Jiñi Espíritu tsi' pʌyʌ majlel Jesús ti jochol bʌ lum cha'añ mi' yilʌbentel i pusic'al ti xi'ba.

Mateo 4:10

Jesús tsi' su'be: —Cucux, Satanás, come ts'ijbubil: “Cojach a Yum Dios yom ma' ch'ujutesan, cojach jiñi yom ma' yuman”, —che'en.

Mateo 4:5

Jiñi xi'ba tsa' caji i pʌy majlel Jesús ti ch'ujul bʌ tejclum, ya'i tsi' pʌyʌ letsel ti' pam i jol jiñi Templo,

Mateo 4:8

Ti wi'il jiñi xi'ba tsi' pʌyʌ majlel ti wen chañ bʌ wits. Tsi' laj pʌsbe pejtelel i yumʌntel tac jiñi yumʌlob ti pañimil yic'ot i ñuclel,

Lucas 10:18

Jesús tsi' su'beyob: —Tsa' j q'uele Satanás woli yajlel ju'bel tilel ti panchan che' bajche' i xu'il chajc.

Lucas 13:16

Ixcu ili x'ixic i yalobil Abraham ¿mach ba yomic mi' yʌjq'uel ti colel ti' q'uiñilel c'aj-o, che' añix waxʌclujump'ejl ja'b chucbil i cha'añ Satanás? Che'en.

Lucas 22:3

Tsa' ochi Satanás ti Judas, am bʌ i cha'chajplel i c'aba' Iscariote, i pi'ʌlobʌch jiñi junlujuntiquil.

Lucas 22:31

Lac Yum tsi' yʌlʌ ja'el: —Simón, Simón, awilan, Satanás tsi' c'ajtiyetla cha'añ mi' chijcañetla che' bajche' mi' chijcañob loq'uel i sujl trigo.

Lucas 8:12

Jiñi am bʌ ti ti' bij jiñobʌch mu' bʌ i yu'biñob t'añ, pero mi' tilel xi'ba cha'añ mi' chil loq'uel jiñi t'añ ti' pusic'al cha'añ ma'añic mi' ñopob ame mi' coltʌntelob.

Juan 12:31

Wʌle i yorajlelix mi caj i mejlelob jiñi año' bʌ ti pañimil; wʌle mi caj i chojquel loq'uel i yum pañimil.

Juan 14:30

Mach ca'bʌlix mic caj chʌn c pejcañetla, come tal i yum pañimil, pero ma'añic i p'ʌtʌlel tic tojlel.

Juan 16:11

Mi caj i ña'tañob añ tojmulil, come otsʌbilix ti tojmulil i yum pañimil.

Juan 8:44

Jatetla, la' tatʌch xi'ba, la' wom la' mel chuqui yom la' tat. Jiñi xi'ba xtsʌnsajʌch c'ʌlʌl ti' cajibal, ma'añic mi' yajñel ti' isujmlel Dios, come ma'añic chuqui isujm ti' pusic'al xi'ba. Che' mi' cha'len lot i tilelʌch come xlotʌch, ya' ch'oyol ti xi'ba pejtelel lot.

Hechos 26:18

cha'añ ma' cambeñob i wut, cha'añ mi' sutq'uiñob i bʌ jiñi año' bʌ ti ic'yoch'an bʌ pañimil, cha'añ mi' yajñelob ti' sʌclel pañimil; mic choquet majlel cha'añ mi' loq'uelob ti' p'ʌtʌlel Satanás, cha'añ mi' yochelob ti' p'ʌtʌlel Dios; cha'añ mi' ñusʌbentelob i mul che' mi' ñopoñob, cha'añ i tem cha'añob jach jiñi mu' bʌ caj i yʌq'ueñtelob yic'ot jiñi sʌc-esʌbilo' bʌ”.

Hechos 5:3

Pedro tsi' su'be: —Ananías ¿chucoch tsa' bujt'i a pusic'al ti Satanás cha'añ ma' lotin jiñi Ch'ujul bʌ Espíritu che' bʌ tsa' lamital loto i tojol a lum?

Romanos 16:18

Come jiñi wiñicob x'ixicob mu' bʌ i cha'leñob bajche' jiñi ma'añic mi' jac'ob chuqui yom lac Yum Jesucristo, jiñi jach mi' jac'ob chuqui yomob i bajñel i pusic'al, yic'ot ti maña jax bʌ t'añ yic'ot ti wen bʌ t'añ mi' lotiñob jiñi mach bʌ añic mi' wen ch'ʌmbeñob isujm.

Romanos 16:20

Jiñi Dios mu' bʌ i yʌq'ueñonla i ñʌch'tʌlel lac pusic'al mach jalix mi caj i yʌq'ueñetla la' t'uchtan Satanás. La' ajñic la' wic'ot i yutslel i pusic'al lac Yum Jesucristo.

2 Corintios 11:14

I tilel che'ʌch mi' melob, come Satanás ja'el mi' cuy i bʌ ti ángel mu' bʌ i pʌs i c'ʌc'al.

2 Corintios 11:3

Pero mic cha'len bʌq'uen ame sojquic la' ña'tʌbal cha'añ lot che' bajche' tsa' lotinti jiñi Eva ti lucum, che'ʌch ja'el mi' mejlel la' taj la' lotintel cha'añ mi' jilel i xuc'tʌlel la' pusic'al ti Cristo,

2 Corintios 12:7

Cha'añ i ñuclel jiñi tsa' bʌ pʌsbentiyon ti lac Yum, ma'añic mi cu'bin c ñuclel. Tsa' aq'uentiyon wocol tic bʌc'tal ch'oyol bʌ ti Satanás cha'añ mi' tic'lañon ame ñumen ñuquic mij q'uel c bʌ bajche' yom;

2 Corintios 2:11

ame p'ʌt-ac Satanás ti laj contra, come la cujil maña jax bajche' mi' mel i ye'tel xi'ba.

2 Corintios 4:4

Satanás, jiñʌch i dios jiñi jontolo' bʌ ti pañimil, tsa'ix i mʌcbeyob i ña'tʌbal jiñi mach bʌ añic mi' ñopob Cristo, ame i q'uelob i sʌclel jiñi wen t'añ ba' tsiquil i ñuclel Cristo i yejtal bʌ Dios.

Efesios 4:14

Che' jiñi mach chʌn aloboñixla, mach yomix mi lac chʌn ñijcʌyel cha'añ i cʌntesa wiñicob che' bajche' i yopol te' mu' bʌ i wejlan majlel ic', mayajax mi' melob i bajñel sojquemal cha'añ mi' lotiñonla,

2 Tesalonicenses 2:3

Mach la' wʌc' la' bʌ ti lotintel mi ts'ita'ic, come maxto talic i q'uiñilel, jinto mi' cha' cʌyob jiñi wen t'añ, jinto mi' tsictiyel jiñi wiñic but'ul bʌ ti jontolil, jiñi wiñic mu' bʌ i majlel ti toj mulil,

1 Timoteo 2:14

Adán mach ñaxañic tsa' lotinti, pero jiñi x'ixic ñaxan tsa' lotinti, che'ʌch tsi' ñusʌbe i t'añ Dios.

2 Timoteo 3:13

pero jiñi jontolo' bʌ yic'ot xlotiyajob, utsi utsijax mi' chʌn melob i jontolil, mi caj i lotiñob yaño' bʌ, mi caj i lotintelob ja'el.

Hebreos 2:14

Che' bajche' i yalobil wiñicob x'ixicob añob i bʌc'tal yic'ot i ch'ich'el, che'ʌch ja'el Jesús tsi' ch'ʌmʌ i bʌc'tal yic'ot i ch'ich'el cha'añ mi' yʌc' i bʌ ti chʌmel, che' bʌ tsa' chʌmi tsi' jisʌbe i p'ʌtʌlel jiñi mu' bʌ i yʌc' ti chʌmel wiñicob x'ixicob, jiñʌch xi'ba,

1 Pedro 5:8

Ña'tanla pañimil, chʌcʌ q'uele la' bʌ, come jiñi xi'ba, jiñi la' contra, woli ti' pam ñumel che' bajche' colem bajlum woli bʌ ti jujuj t'añ, woli' chijtan i colojm cha'añ mi' c'ux.

1 Juan 5:19

La cujil i cha'añonla Dios, pejtelel i cha'año' bʌ pañimil añob ti' c'ʌb jiñi xi'ba.

Judas 1:9

Pero ma'añic tsi' chañ-esa i bʌ Miguel, jiñi c'ax ñuc bʌ ángel ti' tojlel jiñi xi'ba che' bʌ tsi' contrajiyob i bʌ che' bʌ tsi' cʌlʌx pejcayob i bʌ cha'añ i bʌc'tal Moisés; ma'añic tsi' yʌc'ʌ i bʌ cha'añ mi' su'b i mul jiñi xi'ba, tsa' jach i yʌlʌ: La' i tiq'uet lac Yum, che'en.

Apocalipsis 12:12

Yom tijicña panchan yic'ot chumulo' bʌ ti panchan, che'en. O'bol la' bʌ añet bʌ la ti pañimil yic'ot ti mar, come jiñi xi'ba tsa'ix ju'bi tilel ba'añetla. Añ ca'bʌl i mich'ajel come yujil lʌc'ʌlix i yorajlel”.

Apocalipsis 12:3

Tsa' tsictiyi yam bʌ i yejtal i p'ʌtʌlel ti panchan. Awilan, añ colem ajin chʌchʌc bʌ, añ wucp'ejl i jol yic'ot lujunts'ijt i xulub, añ wucxojt i corona.

Apocalipsis 12:7

Ti wi'il tsa' caji guerra ti panchan. Miguel yic'ot i yángelob tsi' cha'leyob guerra ti' contra jiñi colem ajin yic'ot i yángelob jiñi ajin.

Apocalipsis 12:8

Tsa' mʌjli i cha'añ Miguel, ma'añix i yajñib jiñi ajin ya' ti panchan yic'ot i yángelob.

Apocalipsis 13:14

Tsi' loti pejtelel chumulo' bʌ ti pañimil yic'ot i yejtal i p'ʌtʌlel tsa' bʌ aq'uenti i pʌs ti' tojlel jiñi jontol bʌ bʌte'el, tsi' yʌq'ueyob mandar jiñi chumulo' bʌ ti pañimil cha'añ mi' melob i yejtal jiñi jontol bʌ bʌte'el tsa' bʌ lojwi ti espada, tsa' bʌ cha' lajmi i lojwel.

Apocalipsis 16:14

Jiñi espíritujob jiñʌch xi'bajob mu' bʌ i pʌsob i yejtal tac i p'ʌtʌlel, mi' majlelob ba'añ reyob ti pejtelel pañimil cha'añ mi' tempañob tilel ti guerra mu' bʌ caj i yujtel ti jiñi ñuc bʌ i q'uiñilel Dios Mach bʌ Añic i P'isol i P'ʌtʌlel.

Apocalipsis 18:2

Tsi' cha'le oñel ti c'am bʌ t'añ, tsi' yʌlʌ: ¡Jejmeñix, jejmeñix jiñi ñuc bʌ Babilonia! Ya'ix chumulob xi'bajob yic'ot pejtelel jontol bʌ espíritu. I yajñibix pejtelel bi'bi' bʌ te'lemut mu' bʌ i ts'a'lentel.

Apocalipsis 18:23

Ya'i ma'añix mi caj i tsictiyel i c'ʌc'al lámpara. Ma'añix mi caj i yu'bintel i t'añ xñujpuñelob. Come jiñi xchoñoñelob a cha'añ jiñobʌch ñuco' bʌ ti pañimil. Tsa' loti pejtelel tejclum tac ti' caj a lot.

Apocalipsis 19:20

Pero jiñi jontol bʌ bʌte'el tsa' chujqui temel yic'ot jiñi lot bʌ x'alt'añ, tsa' bʌ i pʌsʌ i yejtal tac i p'ʌtʌlel ti' wut jontol bʌ bʌte'el cha'añ mi' lotin wiñicob tsa' bʌ i ch'ʌmbeyob i marcajlel jiñi bʌte'el, che' bʌ tsi' ch'ujutesʌbeyob i yejtal. Ili cha'tiquil tsa' chojquiyob ochel ti' yajñib colem c'ajc che' cuxulob to ba' woli ti lejmel yic'ot azufre.

Apocalipsis 2:13

Cʌmbil c cha'añ la' melbal ya' ba' chumuletla ba' woli' cha'len yumʌl Satanás. Pero woli la' chʌn ña'tan j c'aba', ma'añic tsa' la' cʌyʌ la' ñopon, xuc'uletla ja'el che' bʌ tsa' tsʌnsʌnti Antipas, xuc'ul bʌ testigo c cha'añ tsa' bʌ i yʌc'ʌyon ti cʌjñel ya' ba'añetla ba' chumul Satanás.

Apocalipsis 2:24

Mic su'beñetla pejtelel añet bʌ la ti Tiatira, mach bʌ ñopolic la' cha'añ i cʌntesʌbal Jezabel yic'ot jiñi mucul tac bʌ i cʌntesʌbal Satanás mu' bʌ i lon q'uelob ti ñuc la' pi'ʌlob: Ma'añic mi cʌq'ueñetla yam bʌ la cuch.

Apocalipsis 2:9

Cʌmbil c cha'añ la' melbal yic'ot la' wocol. Ma'añic la' chu'bʌañ, pero ca'bʌlʌch la' wenlel, cʌmbil c cha'añ ja'el bajche' mi' ts'a'leñetla jiñi mu' bʌ i lon cuyob i bʌ ti israelob, mach israelobic, pero i cha'añob Satanás.

Apocalipsis 20:10

Jiñi xi'ba tsa' bʌ i lotiyob tsa' chojqui ochel ya' ti colem c'ajc woli bʌ ti lejmel yic'ot azufre, ya' ba'añob jiñi jontol bʌ bʌte'el yic'ot jiñi lot bʌ x'alt'añ, mi caj i tic'lʌntelob ti q'uiñil yic'ot ti ac'ʌlel ti pejtelel ora.

Apocalipsis 20:8

Mi caj i loq'uel tilel i lotin jiñi tejclumob año' bʌ ti chʌnwejlel pañimil yic'ot Gog yic'ot Magog cha'añ mi' tempañob tilel ti guerra. Che'ʌch i tsicol bajche' i ji'il mar.

Apocalipsis 3:9

Awilan, mi caj c pʌy tilel ti la' tojlel i cha'año' bʌ Satanás, wiñicob mu' bʌ i cha'leñob lot, mi' cuyob i bʌ ti israelob anquese mach israelobic, mux caj c pʌyob tilel cha'añ mi' ñocchocoñob i bʌ ti' tojel la' woc, mi caj i ña'tañob c'ux mi cubiñetla.

Apocalipsis 9:1

Jiñi i jo'ticlel ángel tsi' wusu i trompeta, tsa' j q'uele jump'ejl ec' tsa' bʌ yajli ti panchan c'ʌlʌl ti pañimil. Tsa' aq'uenti i llavejlel jiñi ch'eñ mach bʌ añix mi' tajbentel i ye'bal.

Apocalipsis 9:20

Yam bʌ wiñicob mach bʌ añic tsa' chʌmiyob ti jiñi wocol, ma'añic tsi' cʌyʌyob i mel jontol bʌ i melbal, ma'añic tsi' cʌyʌyob i ch'ujutesan xi'bajob, yic'ot dios oro, yic'ot dios plata, yic'ot dios c'ʌnc'ʌn taq'uiñ, yic'ot dios xajlel, yic'ot dios te', mach bʌ añic mi' c'otel i wut, mach bʌ añic mi' yu'bin t'añ, mach bʌ yujilic xʌmbal.