Apocalipsis 12:4 - Jiñi Tsiji' bʌ Wen T'añ cha'añ Estudio

⁴ I ñej tsi' tujc'a ca'bʌl ec' ti panchan, tsi' choco ju'bel ti lum jujump'ejl ec' loq'uem bʌ ti u'uxp'ejl, jiñi colem ajin tsa' wa'le ti' tojel x'ixic che' woli ti bajq'uel cha'añ mi' c'uxben i yalobil che' mi' yilan pañimil.

Chol de Tumbalá Bible

⁴ I ñej tsi' tujc'a cabʌl ec' ti panchan. Tsi' choco jubel ti lum jujump'ejl ec' loq'uem bʌ ti u'uxp'ejl. Jini ajin tsa' wa'le ti' tojel x'ixic che' woli ti bajq'uel cha'an mi' c'uxben i yalobil che' mi' yilan pañimil.

Jiñi Tsiji' bʌ Wen T'añ cha'añ Estudio

⁴ I ñej tsi' tujc'a ca'bʌl ec' ti panchan, tsi' choco ju'bel ti lum jujump'ejl ec' loq'uem bʌ ti u'uxp'ejl, jiñi ajin tsa' wa'le ti' tojel x'ixic che' woli ti bajq'uel cha'añ mi' c'uxben i yalobil che' mi' yilan pañimil.

Chol Tila

⁴ C'am ti' nijcʌ i ñej cha'an mi' jats'e' junchajp loq'uem bʌ ti uxchajp ec' am bʌ ti chan. Ti yajli tyac jini ec' ti lum. Jini dragón bʌ animal ti wa'le ya' ti' tyojel jini x'ixic mu' bʌ quejel i ch'oc an i yalobil cha'an mi' wa' c'uxben i yalobil che' mi' ch'oc an.

Chol: I T’an Dios

⁴ I ñej tsi' tujc'a cabʌl ec' ti panchan. Tsi' choco jubel ti lum jujump'ejl ec' loq'uem bʌ ti u'uxp'ejl. Jini ajin tsa' wa'le ti' tojel x'ixic che' woli ti bajq'uel cha'an mi' c'uxben i yalobil che' mi' yilan pañimil.

Apocalipsis 12:4 Iomraidhean Croise

Juan 8:44

Jatetla, la' tatʌch xi'ba, la' wom la' mel chuqui yom la' tat. Jiñi xi'ba xtsʌnsajʌch c'ʌlʌl ti' cajibal, ma'añic mi' yajñel ti' isujmlel Dios, come ma'añic chuqui isujm ti' pusic'al xi'ba. Che' mi' cha'len lot i tilelʌch come xlotʌch, ya' ch'oyol ti xi'ba pejtelel lot.

1 Pedro 5:8

Ña'tanla pañimil, chʌcʌ q'uele la' bʌ, come jiñi xi'ba, jiñi la' contra, woli ti' pam ñumel che' bajche' colem bajlum woli bʌ ti jujuj t'añ, woli' chijtan i colojm cha'añ mi' c'ux.

Apocalipsis 12:7

Ti wi'il tsa' caji guerra ti panchan. Miguel yic'ot i yángelob tsi' cha'leyob guerra ti' contra jiñi colem ajin yic'ot i yángelob jiñi ajin.

Apocalipsis 12:9

Tsa' chojqui ju'bel jiñi colem ajin, jiñʌch jiñi oñiyix bʌ lucum, am bʌ cha'chajp i c'aba', xi'ba yic'ot Satanás, jiñʌch mu' bʌ i lotin pejtelel wiñicob x'ixicob ti pañimil, tsa' chojqui ju'bel ti lum yic'ot pejtelel i yángelob.

Apocalipsis 13:2

Tsa' j q'uele lajalʌch jiñi jontol bʌ bʌte'el bajche' c'ʌnbo'lay, che' yilal i yoc bajche' i yoc oso. Lajal i yej bajche' i yej colem bajlum. Jiñi colem ajin tsi' yʌq'ue i p'ʌtʌlel yic'ot i buchlib yic'ot ñuc bʌ i ye'tel.

Apocalipsis 13:4

Tsi' ch'ujutesayob jiñi colem ajin, come jiñi ajin tsi' yʌq'ue i ye'tel jiñi jontol bʌ bʌte'el, jiñi cha'añ tsi' ch'ujutesayob jiñi jontol bʌ bʌte'el, tsi' yʌlʌyob: ¿Baqui añ yam bʌ lajal bajche' jiñi jontol bʌ bʌte'el? ¿Majqui mi mejlel i cha'len guerra ti' contra?

Apocalipsis 16:13

Tsa' j q'uele: Tsa' loq'ui bi'bi' bʌ espíritu ti' yej colem ajin yic'ot ti' yej jontol bʌ bʌte'el yic'ot ti' yej jiñi lot bʌ x'alt'añ, che' yilal bajche' xpequejc jiñi uxtiquil bi'bi' bʌ espíritujob.

Apocalipsis 17:18

Jiñi x'ixic tsa' bʌ a q'uele jiñʌch jiñi colem tejclum mu' bʌ i yumʌntel ti' tojlel jiñi reyob ti pañimil”.

Apocalipsis 20:2

Tsi' chucu jiñi colem ajin, jiñi oñiyi bʌ lucum, jiñi xi'ba, Satanás, tsi' cʌchʌ cʌytʌl lujunc'al i yuxbajc' (1,000) ja'b.

Apocalipsis 8:10

I yuxticlel ángel tsi' wusu i trompeta, tsa' yajli colem ec' ti lum. Woli ti lejmel che' bajche' taj. Ti u'uxp'ejl colem ja' yic'ot i loq'uib ja' tsa' yajli jiñi colem ec' ti' pam jujump'ejl colem ja' yic'ot jujump'ejl i loq'uib ja'.

Apocalipsis 8:11

I c'aba' jiñi ec' jiñʌch Ch'aj. Ti u'uxp'ejl ja' tsa' ch'aj-a jujump'ejl ya' ba' tsa' yajli jiñi ec', tsa' chʌmiyob ca'bʌl wiñicob cha'añ jiñi ja' come ch'aj-esʌbil.

Apocalipsis 8:12

I chʌnticlel ángel tsi' wusu i trompeta, tsa' ic'a ojlil (1/3) jiñi q'uiñ, yic'ot ojlil (1/3) jiñi uw, yic'ot ojlil jiñi ec'. Che' jiñi, ma'añic tsi' yʌc'ʌ i sʌclel pañimil ba' i'ic', mi ti q'uiñil mi ti ac'ʌlel.

Apocalipsis 8:7

Jiñi ñaxan bʌ ángel tsi' wusu i trompeta, tsa' tili tuñija' yic'ot c'ajc xʌ'bʌl yic'ot ch'ich' tsa' chojqui ju'bel ti pañimil. Tsa' puli uxpejt lum yic'ot te'el, tsa' laj puli pejtelel yʌxto bʌ pimel.

Apocalipsis 8:8

I cha'ticlel ángel tsi' wusu i trompeta. Añ chuqui tsa' chojqui ochel ti mar, che' yilal bajche' colem wits woli bʌ ti pulel ti c'ajc. Tsa' t'oxle yilal jiñi mar ti uxpejt, jumpejt tsa' pʌntʌyi ti ch'ich'.

Apocalipsis 8:9

Ti u'uxcojt cuxul bʌ i chʌñil mar tsa' chʌmi jujuncojt. Ti u'uxp'ejl colem barco tsa' jili jujump'ejl.

Apocalipsis 9:10

C'ux i ñej che' bajche' i ñej siñan, añ i p'ʌtʌlel ti' ñej cha'añ mi' tic'lan wiñicob jo'p'ejl uw.

Apocalipsis 9:19

Come añ i p'ʌtʌlel ti' yej yic'ot ti' ñej jiñi caballo. Che' yilal i ñej bajche' lucum, añ tac i jol ti' ñej, tsi' c'ʌñʌ i low wiñicob.