Apocalipsis 12:12 - Jiñi Tsiji' bʌ Wen T'añ cha'añ Estudio

¹² Yom tijicña panchan yic'ot chumulo' bʌ ti panchan, che'en. O'bol la' bʌ añet bʌ la ti pañimil yic'ot ti mar, come jiñi xi'ba tsa'ix ju'bi tilel ba'añetla. Añ ca'bʌl i mich'ajel come yujil lʌc'ʌlix i yorajlel”.

Chol de Tumbalá Bible

¹² Yom tijicña panchan yic'ot chumulo' bʌ ti panchan. Obol la' bʌ añet bʌ la ti pañimil yic'ot ti colem ñajb, come jini xiba tsa'ix jubi tilel ba' añetla. An cabʌl i mich'ajel come yujil lʌc'ʌlix i yorajlel, che'en.

Jiñi Tsiji' bʌ Wen T'añ cha'añ Estudio

¹² Yom tijicña panchan yic'ot chumulo' bʌ ti panchan. O'bol la' bʌ añet bʌ la ti pañimil yic'ot ti mar, come jiñi xi'ba tsa'ix ju'bi tilel ba'añetla. Añ ca'bʌl i mich'ajel come yujil lʌc'ʌlix i yorajlel.”

Chol Tila

¹² Tijicnisan la' pusic'al ti la' pejtyelel añet bʌ la ti panchan. Pero yoque p'ump'uñetla añet bʌ la ti mulawil. Como ñoj cabʌl i mich'lel xiba tsa' bʌ chojqui jubel ya' ba' añetla. Como yujil isujm xiba ma'ix jal mi quejel i cha'len i troñel ya' ba' añetla.

Chol: I T’an Dios

¹² Yom tijicña panchan yic'ot chumulo' bʌ ti panchan. Obol la' bʌ añet bʌ la ti pañimil yic'ot ti colem ñajb, come jini xiba tsa'ix jubi tilel ba' añetla. An cabʌl i mich'ajel come yujil lʌc'ʌlix i yorajlel, che'en.

Apocalipsis 12:12 Iomraidhean Croise

Lucas 15:10

Che' ja'el mic su'beñetla, tijicñayob i yángelob Dios cha'añ juntiquil xmulil mu' bʌ i cʌy i mul.

Lucas 2:14

¡La' sujbic i ñuclel Dios ya' ti panchan. Wʌ' ti pañimil woli' yʌq'ueñtelob i ñʌch'tʌlel i pusic'al wiñicob x'ixicob mu' bʌ i q'uejlelob ti uts'at ti Dios!

Hebreos 10:37

Come jumuc' to mi caj i tilel jiñi tal bʌ, mach jalix mi caj i tilel.

2 Pedro 3:8

C'uxbibilet bʌ la, ña'tanla junlajal mi' q'uel jump'ejl q'uiñ lac Yum bajche' ojlil i yuxbajc' (1,000) ja'b. Che' ja'el, junlajal mi' q'uel ojlil i yuxbajc' ja'b bajche' jump'ejl q'uiñ.

Apocalipsis 10:6

Tsi' su'bu t'añ ti' c'aba' jiñi cuxul bʌ ti pejtelel ora, tsa' bʌ i mele panchan yic'ot i bʌl, yic'ot pañimil yic'ot i bʌl, yic'ot colem mar yic'ot i bʌl, tsi' yʌlʌ mach chʌn jalix mi caj i jilel pañimil.

Apocalipsis 11:10

Tijicñayob i pusic'al jiñi chumulo' bʌ ti pañimil ti' tojlelob, mi' yʌq'ueñob i bʌ i majtañ tac, come ñucob i pusic'al cha'añ tsa' jiliyob jiñi cha'tiquil, come tsi' tic'layob jiñi chumulo' bʌ ti pañimil.

Apocalipsis 11:14

Tsa' ujti ti ñumel i cha'yajlel wocol. Awilan, mi caj i tilel ti ora i yuxyajlel wocol.

Apocalipsis 12:9

Tsa' chojqui ju'bel jiñi colem ajin, jiñʌch jiñi oñiyix bʌ lucum, am bʌ cha'chajp i c'aba', xi'ba yic'ot Satanás, jiñʌch mu' bʌ i lotin pejtelel wiñicob x'ixicob ti pañimil, tsa' chojqui ju'bel ti lum yic'ot pejtelel i yángelob.

Apocalipsis 13:6

Tsi' c'ʌñʌ i yej i contrajin Dios, tsi' p'aja Dios yic'ot i c'aba', yic'ot i chumlib, yic'ot jiñi chumulo' bʌ ti panchan.

Apocalipsis 18:20

La' ñuc-ac la' pusic'al, añet bʌ la ti panchan, yic'ot i cha'añet bʌ la Dios, apóstolob, yic'ot x'alt'añob, come Dios tsa'ix i cha'le meloñel ti' tojlel Babilonia, che'en.

Apocalipsis 8:13

Che' bʌ tsa' j q'uele, tsa' cu'bi juntiquil ángel woli bʌ ti wejlel ti ojlil panchan. Tsa' cu'bibe i t'añ che' c'am tsi' yʌlʌ: ¡O'bol i bʌ, o'bol i bʌ, ñumen ca'bʌl wocol mi caj i tajob jiñi chumulo' bʌ ti pañimil che' mi' yu'biñob i t'añ yam bʌ uxp'ejl trompeta mu' bʌ caj i wusob jiñi yam bʌ uxtiquil ángelob! Che'en.

Apocalipsis 9:12

Tsa'ix ñumi jiñi ñaxan bʌ wocol, awilan, tal to yam bʌ cha'yajl wocol.