Apocalipsis 11:3 - Jiñi Tsiji' bʌ Wen T'añ cha'añ Estudio

³ Mi caj cʌq'uen i p'ʌtʌlel cha'tiquil testigo mu' bʌ caj i yʌc'oñob ti cʌjñel. Uxc'al i chʌmbajc' (1,260) q'uiñ mi caj i cha'leñob subt'añ, lʌpʌl i cha'añob i pislel melbil bʌ ti' tsutsel chivo.

Chol de Tumbalá Bible

³ Mi caj cʌq'uen i p'ʌtʌlel cha'tiquil testigo mu' bʌ caj i yʌc'oñob ti cʌjñel. Uxc'al i chʌmbajc' (1,260) q'uin mi caj i cha'leñob subt'an, lʌpʌl i cha'añob i pislel melbil bʌ ti' tsutsel chivo.

Jiñi Tsiji' bʌ Wen T'añ cha'añ Estudio

³ Mi caj cʌq'uen i p'ʌtʌlel cha'tiquil testigo mu' bʌ caj i yʌc'oñob ti cʌjñel. Uxc'al i chʌmbajc' (1,260) q'uiñ mi caj i cha'leñob subt'añ, lʌpʌl i cha'añob i pislel melbil bʌ ti' tsutsel chivo.

Chol Tila

³ Mi quejel c choque' majlel cha'tiquilob cha'an mi' subeñob quixtyañu jini com bʌ i ña'tyañob. Jini cha'tiquilob lʌpʌlob i cha'an i'ic' bʌ i pislel cha'an i señʌjlel i ch'ʌjyemlel. Chʌ'ʌch mi quejel i cha'leñob c'ʌlʌ mil doscientos sesenta q'uin. Che' ti yʌlʌ jini ajt'an.

Chol: I T’an Dios

³ Mi caj cʌq'uen i p'ʌtʌlel cha'tiquil testigo mu' bʌ caj i yʌc'oñob ti cʌjñel. Uxc'al i chʌmbajc' (1,260) q'uin mi caj i cha'leñob subt'an, lʌpʌl i cha'añob i pislel melbil bʌ ti' tsutsel chivo.

Apocalipsis 11:3 Iomraidhean Croise

Mateo 11:21

Mi caj la' taj wocol añet bʌ la ti Corazín, yic'ot añet bʌ la ti Betsaida, come ya'ic ti Tiro yic'ot ti Sidón tsa' mejli jiñi ñuc tac bʌ i yejtal c p'ʌtʌlel tsa' bʌ mejli ba'añetla, che' jiñi wajalix tsi' cʌyʌyob i mul. Tic'ʌl tsi' xojoyob mach bʌ weñic i pislel, tsi' boñoyob i bʌ ja'el ti' tʌñʌl c'ajc.

Mateo 18:16

Pero mi ma'añic tsi' jac'beyet, pʌyʌ majlel juntiquil cha'tiquil a wic'ot cha'añ mi' tsictiyel ti' tojlel cha'tiquil uxtiquil testigo jujump'ejl t'añ tsa' bʌ ajli.

Lucas 10:13

Mi caj la' taj wocol añet bʌ la ti Corazín, mi caj la' taj wocol añet bʌ la ti Betsaida, come tsa'ic mejli ñuc tac bʌ e'tel ti Tiro yic'ot ti Sidón che' bajche' tsa' mejli ba'añetla, tsi' cʌyʌyob i mul, tsa' buchleyob ti tʌñʌl c'ajc, tsi' xojoyob tsucul bʌ i pislelob.

Lucas 24:48

Jatetla mi caj la' su'b chuqui tac tsa' la' q'uele.

Juan 15:27

Jatetla ja'el mi caj la' wʌc'on ti cʌjñel, come añetla quic'ot c'ʌlʌl ti' cajibal j cʌntesa.

Juan 3:27

Juan tsi' jac'ʌ: —Ma'añic chuqui mi' tajob wiñicob, mi mach aq'uebilic ti Dios am bʌ panchan.

Hechos 1:8

pero mi caj la' wʌq'uentel la' p'ʌtʌlel, che' mi' yochel ti la' pusic'al jiñi Ch'ujul bʌ Espíritu. Ya' ti Jerusalén yic'ot ti pejtelel judea yic'ot ti Samaria c'ʌlʌl ti ñajt bʌ pañimil mi cajel la' su'b chuqui tac tsa' la' q'uele, —che'en Jesús.

Hechos 13:31

Ca'bʌl q'uiñ tsi' q'ueleyob Jesús jiñi tsa' bʌ letsiyob majlel yic'ot ti' bijlel Galilea c'ʌlʌl ti Jerusalén, testigojob jiñi tsa' bʌ i q'ueleyob.

Hechos 2:32

Dios tsi' teche ch'ojyel Jesús, tic pejtelel lojon testigojon lojon.

Hechos 3:15

Jatetla tsa' la' tsʌnsa jiñi mu' bʌ i yʌq'ueñonla laj cuxtʌlel, pero Dios tsi' teche loq'uel ba'añ chʌmeño' bʌ, joñon tsa' j q'uele lojon.

1 Corintios 12:28

Dios tsi' wa'choco ti' tojlel xñopt'añob, ñaxan jiñi apóstolob, wi'il subt'añob, wi'il xcʌntesajob, wi'il jiñi mu' bʌ i pʌsob i yejtal i p'ʌtʌlel Dios, yic'ot jiñi am bʌ i c'ʌjñibal ti ts'ʌcaya, yic'ot jiñi am bʌ i c'ʌjñibal ti coltaya, yic'ot jiñi am bʌ i ye'tel ti yumʌl, yic'ot jiñi mu' bʌ i cha'leñob t'añ ti yan tac bʌ t'añ.

2 Corintios 13:1

I yuxyajlelix talon ba'añetla. Cha'añ ti' t'añ cha'tiquil uxtiquil testigojob mi caj i tsictiyel mi añ i mul wiñic x'ixic.

Efesios 4:11

Jiñʌch jiñi tsa' bʌ i yʌq'ueyob i ye'tel wiñicob: Ti apóstolob, ti x'alt'añob, ti subt'añob, ti xcʌntayajob, yic'ot ti xcʌntesajob,

Apocalipsis 1:5

yic'ot ja'el Jesucristo, jiñi xuc'ul bʌ Testigo mu' bʌ i yʌc' ti cʌjñel isujmlel, jiñʌch tsa' bʌ ñaxan tejchi loq'uel ba'añ chʌmeño' bʌ; i yumʌch jiñi reyob ti pañimil. Cristo mi' c'uxbiñonla. Tsi' pocbeyonla loq'uel lac mul ti' ch'ich'el.

Apocalipsis 11:2

Mach a p'is i pam Templo am bʌ ti' mal corral, la' to ajñic come aq'uebilobix gentilob. Cha'p'ejl i yuxc'al (42) uw mi caj i t'uchtañob jiñi ch'ujul bʌ tejclum.

Apocalipsis 11:6

Añob i p'ʌtʌlel jiñi cha'tiquil cha'añ mi' ñup'ob panchan cha'añ ma'añic mi' yajlel ja'al ba' ora woliyob ti subt'añ, añob i p'ʌtʌlel cha'añ mi' pʌntesan ti ch'ich' i loq'uib ja'. Añob i p'ʌtʌlel cha'añ mi' tic'lañob pañimil ti ca'bʌl wocol che' bajche' jayajl yomob.

Apocalipsis 12:6

Tsa' puts'i majlel jiñi x'ixic ti jochol bʌ lum ba' chajpʌbil i yajñib ti Dios cha'añ ya'i mi' we'sʌntel jiñi x'ixic uxc'al i chʌmbajc' (1,260) q'uiñ.

Apocalipsis 13:5

Che' ja'el tsa' aq'uenti i p'ʌtʌlel ti t'añ cha'añ mi' chañ-esan i bʌ cha'añ mi' p'aj Dios yic'ot tsa' aq'uenti i p'ʌtʌlel cha'añ mi' cha'len ye'tel cha'p'ejl i yuxc'al (42) uw.

Apocalipsis 19:10

Tsa' c pʌcchoco c bʌ ti' tojel i yoc cha'añ mic ch'ujutesan jiñi ángel, pero tsi' su'beyon: “Q'uele, mach che'ic yom ma' cha'len. I wiñicon Dios lajal bajche'et yic'ot a wermañujob mu' bʌ i jac'beñob i t'añ Jesús. ¡Ch'ujutesan Dios!” (Come jiñi Espíritu tsa' bʌ i pejcayonla ti Jesús mi' ñijcañonla ti subt'añ).

Apocalipsis 20:4

Tsa' j q'uele ca'bʌl buchlibʌl, jiñi tsa' bʌ buchleyob ya'i, tsa' aq'uentiyob i ye'tel ti meloñel. Yic'ot tsa' j q'uele i ch'ujlel wiñicob x'ixicob tsa' bʌ set' t'ojbentiyob loq'uel i bic' cha'añ isujmlel Jesús yic'ot cha'añ i t'añ Dios, ma'añic tsi' ch'ujutesayob jiñi jontol bʌ bʌte'el yic'ot i yejtal, ma'añic tsi' ch'ʌmbeyob i ts'ijbal ti' pam mi ti' c'ʌb, tsa' cha' cuxtʌyiyob, tsi' cha'leyob yumʌntel yic'ot Cristo lujunc'al i yuxbajc' ja'b.