Apocalipsis 11:15 - Jiñi Tsiji' bʌ Wen T'añ cha'añ Estudio

¹⁵ Jiñi wucticlel ángel tsi' wusu i trompeta, tsa' cajiyob ti c'am bʌ t'añ ti panchan, tsi' yʌlʌyob: “I yumʌntel tac pañimil tsa'ix ochi ti' wenta lac Yum yic'ot ti' wenta Cristo. Mi caj i cha'len yumʌl ti pejtelel ora”.

Chol de Tumbalá Bible

¹⁵ I wucticlel ángel tsi' wusu i trompeta. Tsa' cajiyob ti c'am bʌ t'an ti panchan. Tsi' yʌlʌyob: I yumʌntel tac pañimil tsa'ix ochi ti' wenta lac Yum yic'ot ti' wenta Cristo. Mi caj i cha'len yumʌl ti pejtelel ora, che'ob.

Jiñi Tsiji' bʌ Wen T'añ cha'añ Estudio

¹⁵ Jiñi wucticlel ángel tsi' wusu i trompeta, tsa' cajiyob ti c'am bʌ t'añ ti panchan, tsi' yʌlʌyob: “I yumʌntel tac pañimil tsa'ix ochi ti' wenta lac Yum yic'ot ti' wenta Cristo. Mi caj i cha'len yumʌl ti pejtelel ora.”

Chol Tila

¹⁵ Jini sietejlel bʌ ajtroñel i cha'an Dios ch'oyol bʌ ti panchan ti' yu'tisʌ i trompeta. Ti loq'ui c'am bʌ ajt'an tyac ya' ti panchan tsa' bʌ yʌlʌyob: Wale an ti' wenta lac Yum Dios yic'ot i Cristo cha'an mi' cha'len yumʌl. Mi quejel i cha'len yumʌl ti pejtyel ora.

Chol: I T’an Dios

¹⁵ I wucticlel ángel tsi' wusu i trompeta. Tsa' cajiyob ti c'am bʌ t'an ti panchan. Tsi' yʌlʌyob: I yumʌntel tac pañimil tsa'ix ochi ti' wenta lac Yum yic'ot ti' wenta Cristo. Mi caj i cha'len yumʌl ti pejtelel ora, che'ob.

Apocalipsis 11:15 Iomraidhean Croise

Mateo 24:31

Mi caj i choc tilel i yángelob yic'ot c'am bʌ i t'añ trompeta, mi caj i tempan jiñi yajcʌbilo' bʌ i cha'añ ti chʌnwejlel pañimil, ti junwejl panchan c'ʌlʌl ti yam bʌ junwejl.

Mateo 6:13

Mach ma' wʌc'on lojon ba' mic pʌjyel lojon ti mulil. Cʌntañon lojon ame yajlicon lojon ti jontolil. [Come a cha'añʌch a yumʌntel yic'ot a p'ʌtʌlel yic'ot a ñuclel, ti pejtelel ora. Amén.]

Lucas 1:33

Mi caj i mel i ye'tel ti Rey ti' tojlel i p'olbal Jacob ti pejtelel ora, ma'añic mi caj i jilel i yumʌntel, che'en jiñi ángel.

Lucas 15:10

Che' ja'el mic su'beñetla, tijicñayob i yángelob Dios cha'añ juntiquil xmulil mu' bʌ i cʌy i mul.

Lucas 15:6

Che' mi' c'otel ti' yotot, mi' pʌy tilel i cʌñʌyo' bʌ yic'ot i pi'ʌlob ti chumtʌl, mi' su'beñob: “Yom tijicñayetla quic'ot come tsa' c taja c tʌñʌme' tsa' bʌ cʌn sajti”, che'en.

Hechos 4:26

Jiñi reyob ti pañimil tsi' tempayob i bʌ, yic'ot jiñi yumʌlob tsi' much'chocoyob i bʌ cha'añ mi' contrajiñob lac Yum yic'ot i Cristo”. Che'en.

Hebreos 1:8

Pero che' bʌ tsi' pejca i Yalobil, tsi' yʌlʌ: “A yumʌntel Dios, ti pejtelel ora mi' yajñel, ma'añic i jilibal, ti' p'ʌtʌlel a yumʌntel mi caj a mel chuqui toj.

Apocalipsis 10:7

Che' mi' cha'len t'añ i wucticlel ángel, che' mi' cajel i wus trompeta, mi' caj ti ts'ʌctiyel isujmlel Dios maxto bʌ tsictiyemic ti yam bʌ ora che' bajche' Dios tsi' su'be i wiñicob, jiñi x'alt'añob, che'en.

Apocalipsis 12:10

Che' jiñi tsa' cu'bi c'am bʌ t'añ ti panchan, tsi' yʌlʌ: “Wʌle tsa'ix tili i coltʌntel wiñicob x'ixicob yic'ot i p'ʌtʌlel yic'ot i yumʌntel lac Dios yic'ot i p'ʌtʌlel Cristo. Come tsa'ix chojqui ju'bel jiñi mu' bʌ i su'b i mul la quermañujob, jiñi mu' bʌ i su'b lac mul ti' tojlel Dios ti q'uiñil ti ac'ʌlel.

Apocalipsis 15:4

C Yum, ¿am ba wiñic mach bʌ añic mi caj i bʌc'ñʌbeñet a c'aba', mach bʌ añic mi caj i ñuq'uesʌbeñet a c'aba'? Come jatet jach ch'ujulet. Jiñi cha'añ pejtelel año' bʌ ti pañimil mi caj i tilelob i ch'ujutesañet, come tsa' tsictiyi toj bʌ a meloñel”.

Apocalipsis 16:17

I wucticlel ángel tsi' beq'ue i bʌl taza ti ic'. Tsa' loq'ui c'am bʌ t'añ ti' buchlib Dios ya' ti templo am bʌ ti panchan, tsi' yʌlʌ: ¡Tsa'ix ujti! Che'en.

Apocalipsis 17:14

Mi caj i contrajiñob jiñi Tʌñʌme' ti guerra. Jiñi Tʌñʌme' mi caj i mʌl come i Yumʌch yumʌlob, i Reyʌch reyob. Pejtelel mu' bʌ i yajñelob yic'ot jiñi Tʌñʌme' jiñobʌch pʌybilo' bʌ, yajcʌbilo' bʌ, xuc'ulo' bʌ i pusic'al”, che'en.

Apocalipsis 19:1

Che' bʌ tsa' ujti ti t'añ tsa' cu'bibe i t'añ bajc'ʌl wiñicob x'ixicob ti panchan, c'am tsi' yʌlʌyob: ¡Aleluya! Tilem ti lac Yum Dios laj coltʌntel. La' sujbic i ñuclel yic'ot i c'uxbintel yic'ot i p'ʌtʌlel.

Apocalipsis 19:6

Tsa' cu'bi t'añ che' bajche' i t'añ bajc'ʌl wiñicob, che' bajche' i t'añ cholocña bʌ ja', che' bajche' i t'añ p'ʌtʌl bʌ chajc, tsi' yʌlʌ: ¡Aleluya! come woli ti yumʌntel lac Yum Dios, Mach bʌ Añic i P'isol i P'ʌtʌlel.

Apocalipsis 20:4

Tsa' j q'uele ca'bʌl buchlibʌl, jiñi tsa' bʌ buchleyob ya'i, tsa' aq'uentiyob i ye'tel ti meloñel. Yic'ot tsa' j q'uele i ch'ujlel wiñicob x'ixicob tsa' bʌ set' t'ojbentiyob loq'uel i bic' cha'añ isujmlel Jesús yic'ot cha'añ i t'añ Dios, ma'añic tsi' ch'ujutesayob jiñi jontol bʌ bʌte'el yic'ot i yejtal, ma'añic tsi' ch'ʌmbeyob i ts'ijbal ti' pam mi ti' c'ʌb, tsa' cha' cuxtʌyiyob, tsi' cha'leyob yumʌntel yic'ot Cristo lujunc'al i yuxbajc' ja'b.

Apocalipsis 8:12

I chʌnticlel ángel tsi' wusu i trompeta, tsa' ic'a ojlil (1/3) jiñi q'uiñ, yic'ot ojlil (1/3) jiñi uw, yic'ot ojlil jiñi ec'. Che' jiñi, ma'añic tsi' yʌc'ʌ i sʌclel pañimil ba' i'ic', mi ti q'uiñil mi ti ac'ʌlel.

Apocalipsis 9:1

Jiñi i jo'ticlel ángel tsi' wusu i trompeta, tsa' j q'uele jump'ejl ec' tsa' bʌ yajli ti panchan c'ʌlʌl ti pañimil. Tsa' aq'uenti i llavejlel jiñi ch'eñ mach bʌ añix mi' tajbentel i ye'bal.

Apocalipsis 9:13

I wʌcticlel ángel tsi' wusu i trompeta. Tsa' cu'bibe i t'añ loq'uem bʌ ti chʌnts'ijt xulub am bʌ ti jiñi pulʌntib melbil bʌ ti oro ya' ti' tojel Dios.