Apocalipsis 1:4 - Jiñi Tsiji' bʌ Wen T'añ cha'añ Estudio

⁴ Juañon, mic ts'ijbubeñetla ili juñ wucmojt xñopt'añet bʌ la mu' bʌ la' tempan la' bʌ ya' ti Asia: La' i yʌq'ueñetla i yutslel yic'ot i ñʌch'tʌlel i pusic'al Dios jiñi am bʌ wʌle, jiñi am bʌ ti wajali, jiñi tal to bʌ, yic'ot jiñi wuctiquil espíritu año' bʌ ti' tojel i buchlib Dios,

Chol de Tumbalá Bible

⁴ Juañon. Mic ts'ijbubeñetla ili jun wucmojt xñopt'añet bʌ la mu' bʌ la' tempan la' bʌ ya' ti Asia. La' i yʌq'ueñetla i yutslel yic'ot i ñʌch'tilel i pusic'al Dios jini am bʌ wʌle, jini am bʌ ti wajali, jini tal to bʌ, yic'ot jini wuctiquil espíritu año' bʌ ti' tojel i buchlib Dios,

Jiñi Tsiji' bʌ Wen T'añ cha'añ Estudio

⁴ Juañon, mic ts'ijbubeñetla ili juñ wucmojt xñopt'añet bʌ la mu' bʌ la' tempan la' bʌ ya' ti Asia: La' i yʌq'ueñetla i yutslel yic'ot i ñʌch'tʌlel i pusic'al Dios jiñi am bʌ wʌle, jiñi am bʌ ti wajali, jiñi tal to bʌ, yic'ot jiñi wuctiquil espíritu año' bʌ ti' tojel i buchlib Dios,

Chol Tila

⁴ Joñon Juañon. Mic ts'ijbubeñetla ili jun ti la' siete mujch'lel ochemet bʌ la ti' t'an Dios ya' ti colem pañimil Asia bʌ i c'aba'. La' ajniquetla ti i yutslel i pusic'al yic'ot i ñʌch'tyʌlel Dios, jini am bʌ wale iliyi, am bʌ c'ʌlʌ ti ñoj oniyix, am bʌ c'ʌlʌ ti tyal tyo bʌ ora. Jini i yutslel i pusic'al Dios yic'ot i ñʌch'tyʌlel tyʌlem bʌ ti Ch'ujul bʌ i Ch'ujlel, ya' an ti' tyojlel ba' mi' cha'len yumʌl Dios. Jini Ch'ujul bʌ i Ch'ujlel Dios mi' cha'len troñel ti la' pusic'al jatyetla ya' bʌ añetla ti siete mujch' ochemet bʌ la ti' t'an Dios.

Chol: I T’an Dios

⁴ Juañon. Mic ts'ijbubeñetla ili jun wucmojt xñopt'añet bʌ la mu' bʌ la' tempan la' bʌ ya' ti Asia. La' i yʌq'ueñetla i yutslel yic'ot i ñʌch'tilel i pusic'al Dios jini am bʌ wʌle, jini am bʌ ti wajali, jini tal to bʌ, yic'ot jini wuctiquil espíritu año' bʌ ti' tojel i buchlib Dios,

Apocalipsis 1:4 Iomraidhean Croise

Juan 1:1

Ti' cajibal pañimil añʌch jiñi T'añ, jiñi T'añ añʌch yic'ot Dios, jiñi t'añ Diosʌch.

Hechos 19:10

Che'ʌch tsi' mele Pablo, tsi' cha'le cʌntesa cha'p'ejl ja'b, jiñi cha'añ pejtelel jiñi chumulo' bʌ ti Asia, judíojob yic'ot griegojob, tsi' yu'bibeyob i t'añ lac Yum Jesús.

Hechos 2:9

Ch'oyolon la ti Partia, ti Media, ti Elam, ti Mesopotamia, ti Judea, ti Capadocia, ti Ponto, ti Asia,

Romanos 1:7

Ti la' pejtelel añet bʌ la ti Roma, c'uxbibiletla i cha'añ Dios tsa' bʌ i pʌyʌyetla cha'añ mi la' wochel ti ch'ujul: La' i yʌq'ueñetla Dios lac Tat yic'ot lac Yum Jesucristo i yutslel yic'ot i ñʌch'tʌlel la' pusic'al.

1 Corintios 1:3

La' aq'uentiquetla i yutslel i pusic'al Dios yic'ot i ñʌch'tʌlel la' pusic'al ch'oyol bʌ ti Dios lac Tat yic'ot ti lac Yum Jesucristo.

2 Corintios 1:2

La' aq'uentiquetla i yutslel i pusic'al Dios yic'ot i ñʌch'tʌlel la' pusic'al ch'oyol bʌ ti Dios lac Tat yic'ot ti lac Yum Jesucristo.

Hebreos 13:8

Jesucristo ma'añic mi' q'uextʌyel, junlajalʌch ac'bi yic'ot wʌle yic'ot ti pejtelel ora.

Santiago 1:17

Pejtelel wen bʌ lac majtañ yic'ot pejtelel uts'at bʌ lac majtañ mi' tilel ti Dios, mi' ju'bel tilel ti lac Tat, tsa' bʌ i mele ec' ti pejtelel, ma'añic mi' q'uextʌyel i pusic'al, yic'ot mach yujilic yʌjñel mi ts'ita'ic.

Apocalipsis 1:1

Jiñʌch i tsictesʌbal Jesucristo. Dios tsi' yʌq'ue Cristo cha'añ mi' pʌsben i wiñicob chuqui tac mach jalic mi' caj ti ujtel. Cristo tsi' choco tilel i yángel ba'añ Juan, i wiñic Cristo cha'añ mi' tsictesan.

Apocalipsis 1:11

tsi' yʌlʌ: Joñon tsa' c teche pejtelel chuqui tac añ, mi cʌq'uen i jilibal, añon ti ñaxan, añon ti' yujtibal. Ts'ijban ti juñ chuqui tac ma' q'uel, chocbeñob majlel jiñi wucmojt xñopt'añob mu' bʌ i tempañob i bʌ ya' ti Asia, jiñi año' bʌ ti Éfeso, ti Esmirna, ti Pérgamo, ti Tiatira, ti Sardis, ti Filadelfia, yic'ot ti Laodicea, che'en.

Apocalipsis 1:17

Che' bʌ tsa' j q'uele, tsa' yajliyon ti yoc che' bajche' chʌmeñ bʌ, tsi' yʌc'ʌ ñoj bʌ i c'ʌb tic jol, tsi' su'beyon: Mach a cha'len bʌq'uen, añon ti ñaxan, añon ti' yujtibal.

Apocalipsis 1:20

Mi caj c su'beñet isujmlel jiñi wucp'ejl ec' tsa' bʌ a q'uele ti ñoj bʌ j c'ʌb, yic'ot jiñi wucts'ijt lámpara melbil bʌ ti oro: Jiñi wucp'ejl ec' jiñʌch ángelob mu' bʌ i yajñel yic'ot jiñi wucmojt xñopt'añob; jiñi wucts'ijt lámpara tsa' bʌ a q'uele, jiñʌch wucmojt xñopt'añob mu' bʌ i tempañob i bʌ.

Apocalipsis 1:8

Joñon tsa' c teche pejtelel chuqui tac añ, mi cʌq'uen i jilibal, añon ti' tejchibal, añon ti' jilibal, che'en lac Yum. Joñoñʌch jiñi am bʌ wʌle, jiñi am bʌ ti wajali, jiñi tal to bʌ, jiñi Mach bʌ Añic i P'isol i P'ʌtʌlel.

Apocalipsis 1:9

Joñon, Juan, a wermañujon mu' bʌ c tem u'bin wocol quic'otetla cha'añ Jesús, temel añonla ti' yumʌntel, temel woli laj cuch wocol che' mi lac pijtan Jesús, añon ti lum joyol bʌ ti ja' i c'aba' Patmos cha'añ ti' caj i su'bol i t'añ Dios yic'ot isujmlel Jesús.

Apocalipsis 16:5

Tsa' cu'bibe i t'añ jiñi ángel am bʌ ti' wenta ca'bʌl ja' tac, tsi' yʌlʌ: Tojet, c Yum, añet bʌ wʌle yic'ot ti wajali, ch'ujulet come tsa'ix a cha'le meloñel ti' tojlelob.

Apocalipsis 2:12

Ts'ijbuben juñ xcʌntaya i cha'añ xñopt'añob mu' bʌ i tempañob i bʌ ya' ti Pérgamo: “Jiñi am bʌ i yespada jay bʌ i yej ti' cha'wejlel, mi' yʌl ili t'añ:

Apocalipsis 2:18

Ts'ijbuben xcʌntaya i cha'añ xñopt'añob mu' bʌ i tempañob i bʌ ya' ti Tiatira: “I Yalobil Dios, jiñi woli bʌ ti lejmel i wut bajche' c'ajc, jiñi am bʌ i yoc che' bajche' c'ʌnc'ʌn taq'uiñ c'ʌn tsʌñan bʌ ti c'ajc. Jiñʌch mu' bʌ i yʌl ili t'añ:

Apocalipsis 2:8

Ts'ijbuben juñ jiñi xcʌntaya i cha'añ xñopt'añob mu' bʌ i tempañob i bʌ ya' ti Esmirna: “Joñon añon ti ñaxan. Añon ti' yujtibal, tsa' chʌmiyon, tsa' cha' cuxtʌyiyon, woliyon ti t'añ.

Apocalipsis 22:16

Joñon Jesús, tsa'ix c choco tilel c ángel cha'añ mi' su'beñet ti toj chuqui tac yom ma' cha' su'beñob xñopt'añob baqui jach mi' tempañob i bʌ. Loq'uemon ti David, i p'olbalon David. Joñon jiñi ec'on wen tsiquil bʌ che' yomix sʌc'an pañimil, che'en.

Apocalipsis 22:8

Joñon, Juan, tsa' cu'bi ili t'añ yic'ot tsa' j q'uele ili tac. Che' bʌ tsa' cu'bi, che' bʌ tsa' j q'uele, tsa' c pʌcchoco c bʌ ti' tojel i yoc jiñi ángel cha'añ mic ch'ujutesan jiñi tsa' bʌ i pʌsbeyon.

Apocalipsis 3:1

Ts'ijbuben xcʌntaya i cha'añ xñopt'añob mu' bʌ i tempañob i bʌ ya' ti Sardis: Jiñi am bʌ i cha'añ wuctiquil espíritu i cha'añ Dios yic'ot wucp'ejl ec', jiñʌch mu' bʌ i yʌl ili t'añ: “Cʌmbil c cha'añ la' melbal, cujil chʌmeñetla yilal anquese lon cuxuletla ti alol.

Apocalipsis 3:14

Ts'ijbuben jiñi xcʌntaya i cha'añ xñopt'añob mu' bʌ i tempañob i bʌ ya' ti Laodicea: “Awilan; jiñi lac Yum, jiñi xuc'ul bʌ Testigo, jiñi ñaxan bʌ mu' bʌ i cha'len yumʌl ti' tojlel pejtelel i melbal Dios, jiñʌch mu' bʌ i yʌl ili t'añ:

Apocalipsis 3:7

Ts'ijbuben xcʌntaya i cha'añ xñopt'añob mu' bʌ i tempañob i bʌ ya' ti Filadelfia: “Jiñi Ch'ujul Bʌ, jiñʌch Isujm Bʌ, am bʌ i cha'añ i llave David, che' añ chuqui mi' jam, ma'añic majqui mi' ñup', che' añ chuqui mi' ñup', ma'añic majqui mi' jam. Jiñʌch mu' bʌ i yʌl ili t'añ:

Apocalipsis 4:5

Ti' buchlib Dios, tsa' loq'ui i xu'il chajc yic'ot ca'bʌl t'añ yic'ot i t'añ chajc, ya' ti' tojel i buchlib woli ti lejmel wucp'ejl lámpara, jiñʌch i yejtal jiñi wuctiquil espíritu i cha'añ Dios.

Apocalipsis 4:8

Ti jujuntiquil añ wʌcwʌcq'uejl i wich', añ ca'bʌl i wut tac ti' joytʌlel i cuctal yic'ot ti' mal, ti q'uiñil yic'ot ti ac'ʌlel ma'añic mi' cʌy i yʌlob: “Ch'ujul, ch'ujul, ch'ujul lac Yum Dios jiñi Mach bʌ Añic i P'isol i P'ʌtʌlel, jiñi am bʌ ti wajali, jiñi am bʌ wʌle, jiñi tal to bʌ”.

Apocalipsis 5:6

Tsa' j q'uele ya'añ jiñi Tʌñʌme' ti' tojel i buchlib Dios, joyol ti chʌntiquil querubiñob yic'ot ancianojob, tsiquil tsa' tsʌnsʌnti jiñi Tʌñʌme' pero cha' cuxul, añ wucts'ijt i xulub i yejtal i p'ʌtʌlel yic'ot wucp'ejl i wut, jiñʌch wuctiquil espíritu i cha'añ Dios chocbilo' bʌ tilel ti pejtelel pañimil.

Apocalipsis 8:2

Che' jiñi tsa' j q'uele jiñi wuctiquil ángelob wa'alo' bʌ ti' tojel Dios, tsa' aq'uentiyob wucts'ijt trompeta.