Apocalipsis 1:18 - Jiñi Tsiji' bʌ Wen T'añ cha'añ Estudio

¹⁸ Joñoñʌch jiñi cuxul bʌ, tsa' chʌmiyon, awilan, cha' cuxulon ti pejtelel ora, [amén.] Añ tic p'ʌtʌlel jiñi chʌmeño' bʌ yic'ot i yajñib chʌmeño' bʌ.

Chol de Tumbalá Bible

¹⁸ Joñoñʌch jini cuxul bʌ. Tsa' chʌmiyon. Awilan, cha' cuxulon ti pejtelel ora. Amén. An tic p'ʌtʌlel jini chʌmeño' bʌ yic'ot i yajñib chʌmeño' bʌ.

Jiñi Tsiji' bʌ Wen T'añ cha'añ Estudio

¹⁸ Joñoñʌch jiñi cuxul bʌ, tsa' chʌmiyon, awilan, cha' cuxulon ti pejtelel ora, [amén.] Añ tic p'ʌtʌlel jiñi chʌmeño' bʌ yic'ot i yajñib chʌmeño' bʌ.

Chol Tila

¹⁸ Joñon cuxulon. Ti sajtiyon pero q'uele a wilan cha' cuxulon cha'an ti pejtyelel ora. An tic wenta mic yajcan baqui bʌ ora mi quejel i sajtyel quixtyañu yic'ot an tic wenta mi cʌle' baqui mi majlel i ch'ujlel che' mi sajtyel.

Chol: I T’an Dios

¹⁸ Joñoñʌch jini cuxul bʌ. Tsa' chʌmiyon. Awilan, cha' cuxulon ti pejtelel ora. Amén. An tic p'ʌtʌlel jini chʌmeño' bʌ yic'ot i yajñib chʌmeño' bʌ.

Apocalipsis 1:18 Iomraidhean Croise

Mateo 11:23

Ixcu jatet Capernaúm, mu' bʌ a q'uel a bʌ ti ñuc che' bajche' i chañlel panchan mi caj a chojquel ju'bel ti c'ajc. Ya'ic ti Sodoma tsa' mejli jiñi ñuc tac bʌ i yejtal c p'ʌtʌlel che'ic jiñi c'ʌlʌl añ to jiñi tejclum wʌle.

Mateo 16:19

Jatet mi caj cʌq'ueñet i llavejlel i yumʌntel jiñi am bʌ ti panchan; pejtelel chuqui ma' cʌch wʌ' ti pañimil cʌchbil ja'el ya' ti panchan; pejtelel mu' bʌ a jit wʌ' ti pañimil, jitbil ja'el ya' ti panchan, —che'en Jesús.

Lucas 24:5

Jiñi x'ixicob tsi' ju'sayob i wut c'ʌlʌl ti lum cha'añ bʌq'uen. Jiñi wiñicob tsi' su'beyob: —¿Chucoch mi la' sajcan jiñi cuxul bʌ ba'añ chʌmeño' bʌ?

Juan 11:25

Jesús tsi' su'be: —Joñon xtech ch'ujlelʌlon, i cuxtʌlelon jiñi año' bʌ ti pañimil, jiñi mu' bʌ i ñopon anquese mi' chʌmel cuxul mi caj i yajñel.

Juan 14:19

Ila ti jumuc', ma'añic mi caj i chʌn q'ueloñob jiñi año' bʌ ti pañimil; pero jatetla mi caj la' q'uelon, come cuxulon. Che' ja'el jatetla cuxul mi caj la' wajñel.

Romanos 6:9

come la cujil tejchemix ch'ojyel Cristo ba'añ chʌmeño' bʌ, mach mejlix ti cha' chʌmel, come ma'añix i p'ʌtʌlel chʌmel ti' tojlel.

2 Corintios 13:4

Anquese añ i c'unlel Cristo che' bʌ tsa' ch'ijle ti cruz, cuxul wʌle cha'añ ti' p'ʌtʌlel Dios. Joñon lojon ja'el c'uñon lojon ti Cristo. Pero cuxulon lojon yic'ot Cristo, cha'añ i p'ʌtʌlel Dios ti la' tojlel.

Gálatas 2:20

Isujm tsa' ch'ijleyon ti cruz yic'ot Cristo, joñon mach chʌn cuxuloñix, pero cuxul Cristo tic pusic'al; wʌle che' cuxulonto tic bʌc'tal wʌ' ti pañimil, woli c taj j cuxtʌlel ti' ñopol i Yalobil Dios tsa' bʌ i c'uxbiyon, tsa' bʌ i yʌc'ʌ i bʌ ti chʌmel cha'añon.

Colosenses 3:3

Come tsa' chʌmiyetla yic'ot Cristo. Cʌntʌbil la' cuxtʌlel yic'ot Cristo ti Dios.

Hebreos 1:3

mi' wen ac' ti tsictiyel i ñuclel i Tat, mero Diosʌch ajñel, i tsictiyemlelʌch i Tat, ti' p'ʌtʌlel i t'añ mi' cʌntan pejtelel chuqui tac añ. Che' bʌ tsa' ujti i poc lac mul, tsa' buchle ti' ñoj jiñi C'ax Ñuc bʌ am bʌ ti panchan.

Hebreos 12:2

Toj jach yom mi lac tsajcan majlel Jesús jiñi mu' bʌ i yʌq'ueñonla lac ñop, come ya'ʌch ch'oyol lac xuc'tʌlel, jiñʌch mu' bʌ i ts'ʌctesʌbeñonla chuqui mi lac ñop. Jesús ma'añic tsi' xoyo i bijlel ti' tojlel wocol, come tsi' q'uele jiñi tijicña bʌ woli bʌ i pijtan. Jiñi cha'añ tsi' yʌc'ʌ i bʌ ti quisin che' bʌ tsa' chʌmi ti cruz. Jiñi cha'añ wʌle buchul ti' ñoj Dios ya' ti' yumʌntel.

Hebreos 7:16

che' bʌ tsa' ochi ti motomaj, mach wa'chocobilic i cha'añ wiñicob che' bajche' ts'ijbubil ti mandar, pero wa'chocobil ti Motomaj yic'ot i p'ʌtʌlel i cuxtʌlel mach bʌ yujilic jilel.

Hebreos 7:25

Jiñi cha'añ mi mejlel i junyajlel coltañ pejtelel jiñi mu' bʌ i lʌc'tesañob i bʌ ba'añ Dios ti' tojlel Jesús, come chʌn cuxul ti pejtelel ora, woli' chʌn tajob ti oración ti' tojlel Dios.

Apocalipsis 10:6

Tsi' su'bu t'añ ti' c'aba' jiñi cuxul bʌ ti pejtelel ora, tsa' bʌ i mele panchan yic'ot i bʌl, yic'ot pañimil yic'ot i bʌl, yic'ot colem mar yic'ot i bʌl, tsi' yʌlʌ mach chʌn jalix mi caj i jilel pañimil.

Apocalipsis 15:7

Juntiquil querubín am bʌ i ye'tel yic'ot jiñi uxtiquil tsi' yʌq'ueyob jiñi wuctiquil ángelob wucp'ejl taza melbil bʌ ti oro, but'ul bʌ ti' mich'ajel Dios, jiñi cuxul bʌ ti pejtelel ora.

Apocalipsis 2:8

Ts'ijbuben juñ jiñi xcʌntaya i cha'añ xñopt'añob mu' bʌ i tempañob i bʌ ya' ti Esmirna: “Joñon añon ti ñaxan. Añon ti' yujtibal, tsa' chʌmiyon, tsa' cha' cuxtʌyiyon, woliyon ti t'añ.

Apocalipsis 20:13

Jiñi mar tsi' cha' colo jiñi chʌmeño' bʌ año' bʌ ti ja', yic'ot jiñi i yajñib chʌmeño' bʌ tsi' colo jiñi ya' bʌ añob ti mucoñibʌl. Lac Yum tsi' meleyob ti jujuntiquil che' bajche' añ i melbalob.

Apocalipsis 20:14

Jiñi i p'ʌtʌlel chʌmel yic'ot i yajñib chʌmeño' bʌ tsa' chojquiyob ochel ti' yajñib colem c'ajc. Jiñʌch i cha'yajlel mi' chʌmelob, che' mi' yochelob ti colem c'ajc.

Apocalipsis 3:7

Ts'ijbuben xcʌntaya i cha'añ xñopt'añob mu' bʌ i tempañob i bʌ ya' ti Filadelfia: “Jiñi Ch'ujul Bʌ, jiñʌch Isujm Bʌ, am bʌ i cha'añ i llave David, che' añ chuqui mi' jam, ma'añic majqui mi' ñup', che' añ chuqui mi' ñup', ma'añic majqui mi' jam. Jiñʌch mu' bʌ i yʌl ili t'añ:

Apocalipsis 4:9

Ti jujunyajl jiñi chʌntiquil querubín che' mi' c'ʌyibeñob i ñuclel, che' mi' su'beñob wocolix i yʌlʌ jiñi buchul bʌ ti' yumʌntel jiñi cuxul bʌ ti pejtelel ora,

Apocalipsis 5:14

Jiñi chʌntiquil querubiñob tsi' yʌlʌyob: “Amén”. Jiñi chʌntiquil i cha'c'al ancianojob tsi' pʌc chocoyob i bʌ, tsi' ch'ujutesayob jiñi cuxul bʌ ti pejtelel ora.

Apocalipsis 6:8

Tsa' j q'uele, awilan, añ juncojt c'ʌnc'ʌn caballo. Jiñi c'ʌchʌl bʌ ti' pat, i c'aba' xtsʌnsa yic'ot i yajñib chʌmeño' bʌ tsi' tsajca majlel. Tsa' aq'uenti i p'ʌtʌlel cha'añ mi' tsʌnsan bajc'ʌl wiñicob ti espada, yic'ot ti wi'ñal, yic'ot ti chʌmel, yic'ot ti jontol bʌ bʌte'el, ti chʌnchʌntiquil tsa' chʌmi jujuntiquil.

Apocalipsis 9:1

Jiñi i jo'ticlel ángel tsi' wusu i trompeta, tsa' j q'uele jump'ejl ec' tsa' bʌ yajli ti panchan c'ʌlʌl ti pañimil. Tsa' aq'uenti i llavejlel jiñi ch'eñ mach bʌ añix mi' tajbentel i ye'bal.