Apocalipsis 1:1 - Jiñi Tsiji' bʌ Wen T'añ cha'añ Estudio

¹ Jiñʌch i tsictesʌbal Jesucristo. Dios tsi' yʌq'ue Cristo cha'añ mi' pʌsben i wiñicob chuqui tac mach jalic mi' caj ti ujtel. Cristo tsi' choco tilel i yángel ba'añ Juan, i wiñic Cristo cha'añ mi' tsictesan.

Chol de Tumbalá Bible

¹ Jiñʌch i tsictesʌbal Jesucristo. Dios tsi' yʌq'ue Cristo cha'an mi' pʌsben i winicob chuqui tac mach jalic mi' caj ti ujtel. Cristo tsi' choco tilel i yángel ba'an Juan, i winic Cristo cha'an mi' tsictesan.

Jiñi Tsiji' bʌ Wen T'añ cha'añ Estudio

¹ Jiñʌch i tsictesʌbal Jesucristo. Dios tsi' yʌq'ue Cristo cha'añ mi' pʌsben i wiñicob chuqui tac mach jalic mi' caj ti ujtel. Cristo tsi' choco tilel i yángel ba'añ Juan, i wiñic Cristo cha'añ mi' tsictesan.

Chol Tila

¹ Jiñʌch jini t'an tsa' bʌ i tsictisʌbe Jesucristo jini Dios cha'an Jesucristo mi yʌq'ue' ti cʌjñel jini ajtroñelob i cha'an jini mach'ʌ jal mu' bʌ quejel i yujtyel. Jesucristo ti' choco tyʌlel ajtroñel i cha'an Dios ch'oyol bʌ ti panchan cha'an jini mi' tsictisʌben jini Juan. Ajtroñelʌch i cha'an jini Juan.

Chol: I T’an Dios

¹ Jiñʌch i tsictesʌbal Jesucristo. Dios tsi' yʌq'ue Cristo cha'an mi' pʌsben i winicob chuqui tac mach jalic mi' caj ti ujtel. Cristo tsi' choco tilel i yángel ba'an Juan, i winic Cristo cha'an mi' tsictesan.

Apocalipsis 1:1 Iomraidhean Croise

Juan 12:49

Come mach tilemic c t'añ tic bajñel pusic'al; C Tat tsa' bʌ i chocoyon tilel tsi' yʌq'ueyon mandar cha'añ chuqui yom mic su'b yic'ot bajche' yom mi cʌl.

Juan 15:15

Ma'añic mic chʌn pejcañetla tic wiñic, come jiñi wiñic am bʌ ti' yum mach yujilic chuqui mi' mel i yum; pero joñon mic pejcañetla tic pi'ʌl, come pejtelel chuqui tsa' cu'bi tic Tat, tsa'ix cʌq'ueyetla la' cʌn.

Juan 17:8

Come jiñi t'añ tsa' bʌ a wʌq'ueyon, tsa'ix cʌq'ueyob, tsi' ñopoyob, yujilobix ti' isujm tsa' loq'uiyon tilel ba'añet, tsi' ñopoyob chocbilon tilel a cha'añ.

Juan 3:32

Mi' su'b chuqui tsi' q'uele yic'ot chuqui tac tsi' yu'bi, ma'añic majqui mi' ñopben i t'añ.

Juan 8:26

Añ ca'bʌl chuqui com c su'beñetla cha'añ mic tsictesan la' melbal, pero jiñi tsa' bʌ i chocoyon tilel isujm Diosʌch, joñon tsa' cu'bi ti' tojlel c Tat jiñʌch mu' bʌ su'beñob wiñicob x'ixicob, —che'en Jesús.

Romanos 16:25

Jiñi Dios mu' bʌ i p'ʌt-esañetla che' bajche' mi yʌl jiñi wen t'añ mu' bʌ c su'b, mu' bʌ i yʌc' ti cʌjñel Jesucristo, come tsi' tsictesa jiñi mucul tac bʌ mach bʌ tsiquilic ti yam bʌ ora c'ʌlʌl ti' cajibal pañimil,

Gálatas 1:12

Ma'añic tsa' aq'uentiyon yic'ot ma'añic tsa' j ñopo ti' tojlel wiñicob, pero Jesucristo tsi' pʌsbeyon isujmlel i wen t'añ.

Efesios 3:3

Dios tsi' pʌsbeyon isujmlel mach bʌ tsictiyemic ti yam bʌ ora, tsa'ix c ts'ita' ts'ijbubeyetla che' bajche' ti ñaxan.

Tito 1:1

Pablojon, i wiñicon Dios, apóstolon i cha'añ Jesucristo cha'añ mi' ñopob jiñi yajcʌbilo' bʌ i cha'añ Dios, cha'añ mi' cʌñob isujmlel mu' bʌ i yʌc'onla ti ajñel ti ch'ujul,

Apocalipsis 1:19

Ts'ijban chuqui, yic'ot chuqui añ wʌle yic'ot chuqui mi caj i yujtel.

Apocalipsis 1:9

Joñon, Juan, a wermañujon mu' bʌ c tem u'bin wocol quic'otetla cha'añ Jesús, temel añonla ti' yumʌntel, temel woli laj cuch wocol che' mi lac pijtan Jesús, añon ti lum joyol bʌ ti ja' i c'aba' Patmos cha'añ ti' caj i su'bol i t'añ Dios yic'ot isujmlel Jesús.

Apocalipsis 17:1

Tsa' tili juntiquil ángel i pi'ʌl jiñi wʌctiquil chucul bʌ i cha'añob wucp'ejl taza, tsi' pejcayon, tsi' yʌlʌ: La' ilayi, mi caj c pʌsbeñet bajche' mi caj i yʌjq'uel ti tojmulil jiñi ñuc bʌ xts'i'lel x'ixic buchul bʌ ti' yumʌntel ba'añ i xʌc' colem ja' tac.

Apocalipsis 19:10

Tsa' c pʌcchoco c bʌ ti' tojel i yoc cha'añ mic ch'ujutesan jiñi ángel, pero tsi' su'beyon: “Q'uele, mach che'ic yom ma' cha'len. I wiñicon Dios lajal bajche'et yic'ot a wermañujob mu' bʌ i jac'beñob i t'añ Jesús. ¡Ch'ujutesan Dios!” (Come jiñi Espíritu tsa' bʌ i pejcayonla ti Jesús mi' ñijcañonla ti subt'añ).

Apocalipsis 19:9

Jiñi ángel tsi' su'beyon: Ts'ijban ti juñ: “Tijicñayob jiñi mu' bʌ i pʌjyelob ti c'ux waj che' mi' cha'len ñujpuñijel jiñi Tʌñʌme'”. Jiñi ángel tsi' su'beyon: Iliyi jiñʌch isujm bʌ i t'añ Dios, che'en.

Apocalipsis 21:2

Joñon, Juan, tsa' j q'uele jiñi Ch'ujul bʌ Tejclum, jiñi tsiji' bʌ Jerusalén, woli' ju'bel tilel ti panchan ch'oyol bʌ ti Dios, ch'ʌlbil bajche' xch'oc mu' bʌ i taj i ñoxi'al.

Apocalipsis 21:9

Che' jiñi tsa' tili juntiquil ángel ba'añon, i pi'ʌl jiñi wʌctiquil ángelob, año' bʌ i cha'añ jiñi wucp'ejl taza but'ul bʌ ti jiñi wucyajl cojix bʌ wocol tac, tsi' su'beyon: “La' ilayi, mi caj c pʌsbeñet jiñi xch'oc mu' bʌ cajel ti ñujpuñijel, jiñʌch i yijñam jiñi Tʌñʌme'”, che'en.

Apocalipsis 22:1

Ti wi'il tsi' pʌsbeyon sʌc bʌ colem ja', i yejtal bʌ laj cuxtʌlel, wen sʌsʌc bajche' espejo, woli' loq'uel ja' ti' buchlib Dios yic'ot ti' buchlib Tʌñʌme'.

Apocalipsis 22:16

Joñon Jesús, tsa'ix c choco tilel c ángel cha'añ mi' su'beñet ti toj chuqui tac yom ma' cha' su'beñob xñopt'añob baqui jach mi' tempañob i bʌ. Loq'uemon ti David, i p'olbalon David. Joñon jiñi ec'on wen tsiquil bʌ che' yomix sʌc'an pañimil, che'en.

Apocalipsis 22:6

Jiñi ángel tsi' su'beyon: Xuc'ul jiñi t'añ, isujm ja'el. Lac Yum Dios, jiñi Dios tsa' bʌ i yʌq'ueyob x'alt'añob i ña'tʌbal, tsi' choco tilel i yángel cha'añ mi' pʌsbeñob i wiñicob chuqui mach jalix mi caj ti yujtel.

Apocalipsis 22:8

Joñon, Juan, tsa' cu'bi ili t'añ yic'ot tsa' j q'uele ili tac. Che' bʌ tsa' cu'bi, che' bʌ tsa' j q'uele, tsa' c pʌcchoco c bʌ ti' tojel i yoc jiñi ángel cha'añ mic ch'ujutesan jiñi tsa' bʌ i pʌsbeyon.

Apocalipsis 22:9

Pero tsi' su'beyon: ¡Q'uele mach che'ic yom ma' mel, come i wiñicon Dios lajal bajche'et yic'ot a wermañujob jiñi x'alt'añob, yic'ot jiñi mu' bʌ i jac'beñob i t'añ jiñi juñ. Ch'ujutesan Dios! Che'en.

Apocalipsis 4:1

Ti wi'il tsa' j q'uele: Awilan, jambil jump'ejl i ti' panchan. Jiñi ñaxan bʌ t'añ tsa' bʌ cu'bi lajalʌch bajche' i t'añ trompeta, tsi' su'beyon: “La' ti letsel ilayi, mi caj c pʌsbeñet chuqui tac wersa mi' caj ti ujtel”, che'en.

Apocalipsis 5:7

Tsa' tili jiñi Tʌñʌme', tsi' ch'ʌmʌ jiñi juñ am bʌ ti ñoj bʌ i c'ʌb Dios ya' ba' buchul ti' yumʌntel.