1 Juan 5:11 - Jiñi Tsiji' bʌ Wen T'añ cha'añ Estudio

¹¹ Jiñi t'añ tsa' bʌ i yʌlʌ Dios jiñʌch iliyi: Dios tsi' yʌq'ueyonla laj cuxtʌlel mach bʌ añic mi' jilel, ili laj cuxtʌlel añ ti' Yalobil Dios.

Chol de Tumbalá Bible

¹¹ Jini t'an tsa' bʌ i yʌlʌ Dios jiñʌch iliyi: Dios tsi' yʌq'ueyonla laj cuxtʌlel mach bʌ anic mi' jilel. Ili laj cuxtʌlel an ti' Yalobil Dios.

Jiñi Tsiji' bʌ Wen T'añ cha'añ Estudio

¹¹ Jiñi t'añ tsa' bʌ i yʌlʌ Dios jiñʌch iliyi: Dios tsi' yʌq'ueyonla laj cuxtʌlel mach bʌ añic mi' jilel, ili laj cuxtʌlel añ ti' Yalobil Dios.

Chol Tila

¹¹ Jiñʌch tsa' bʌ ajli jiñʌch iliyi: Tsa'ix i yʌq'ueyonla Dios laj cuxtyʌlel mach'ʌ yujil jilel. Ya' tyʌlem ti' Yalobil Dios ili laj cuxtyʌlel.

Chol: I T’an Dios

¹¹ Jini t'an tsa' bʌ i yʌlʌ Dios jiñʌch iliyi: Dios tsi' yʌq'ueyonla laj cuxtʌlel mach bʌ anic mi' jilel. Ili laj cuxtʌlel an ti' Yalobil Dios.

1 Juan 5:11 Iomraidhean Croise

Mateo 25:46

Jiñi cha'añ ili jontolo' bʌ mi caj i majlelob ti tojmulil mach bʌ añic mi' jilel, jiñi tojo' bʌ mi caj i tajob i cuxtʌlel mach bʌ añic mi' jilel, che'en Jesús.

Juan 1:19

Jiñʌch i t'añ Juan tsa' bʌ i su'bu ti' tojlel motomajob yic'ot levijob chocbilo' bʌ tilel i cha'añ Judíojob ya' ti Jerusalén cha'añ mi c'ajtibeñob majqui jiñi Juan, tsi' yʌlʌyob: —¿Majquiyet?

Juan 1:4

Ti' tojlel añʌch laj cuxtʌlel, jiñi laj cuxtʌlel mi' yʌc'ob ti' ajñel wiñicob x'ixicob ti' sʌclel pañimil.

Juan 10:28

Mi cʌq'ueñob i cuxtʌlel mach bʌ añic mi' jilel, ma'añic mi caj i jilelob ti pejtelel ora, ma'añic majqui mi caj i chilbeñon tij c'ʌb.

Juan 12:50

Cujil cha'añ i mandar c Tat, jiñʌch cha'añ mi' tajob i cuxtʌlel mach bʌ añic mi' jilel jiñi wiñicob x'ixicob. Jiñi cha'añ jiñi mu' bʌ c su'b che'ʌch mic su'b che' bajche' tsi' su'beyon c Tat, che'en Jesús.

Juan 14:6

Jesús tsi' su'be: —Joñon i bijlelon, isujmlelon, i cuxtʌlelon, ma'añic majqui mi' c'otel ba'añ c Tat, jiñi jach am bʌ tic wenta.

Juan 19:35

Jiñi tsa' bʌ i q'uele woli' cha' su'b, isujmʌch i t'añ; yujil cha'añ isujm chuqui mi yʌl cha'añ mi la' ñop ja'el.

Juan 3:36

Jiñi mu' bʌ i ñop i Yalobil Dios, añ i cha'añ i cuxtʌlel mach bʌ añic mi' jilel; jiñi mach bʌ añic mi' ñop i Yalobil Dios mach mejlic i yʌq'uentel i cuxtʌlel, mi' yajñel ti' mich'ajel Dios.

Juan 4:36

Jiñi mu' bʌ i cha'len c'ajbal mi' taj i tojol yic'ot mi' tempan i chobejtʌbal cha'añ i cuxtʌlel mach bʌ añic mi' jilel. Cha'añ junlajal tijicña mi' yu'bin jiñi mu' bʌ i cha'len pac' yic'ot jiñi mu' bʌ i cha'len c'ajbal.

Juan 4:4

Ya' tsa' ñumi majlel ti Samaria.

Juan 5:21

Come che' bajche' c Tat mi' tech ch'ojyel jiñi chʌmeño' bʌ, mi' yʌq'ueñob i cuxtʌlel; che' ja'el i Yalobil mi' yʌq'ueñ i cuxtʌlel majqui jach yom i yʌq'ueñ.

Juan 5:26

Come che' bajche' c Tat añ i p'ʌtʌlel cha'añ mi' yʌq'ueñob i cuxtʌlel, che' ja'el tsi' yʌq'ue i p'ʌtʌlel i Yalobil cha'añ mi' yʌq'ueñob i cuxtʌlel,

Juan 6:40

Come jiñi yom bʌ c Tat tsa' bʌ i chocoyon tilel jiñʌch cha'añ pejtelel mu' bʌ i q'uel i Yalobil Dios, yic'ot mu' bʌ i ñopob mi' tajob i cuxtʌlel mach bʌ añic mi' jilel; joñon mi caj c techob ch'ojyel ti jiñi cojix bʌ q'uiñ, —che'en Jesús.

Juan 6:47

Isujm, isujm mic su'beñetla, jiñi mu' bʌ i ñopon, añix i cuxtʌlel mach bʌ añic mi' jilel.

Juan 6:68

Simón Pedro tsi' jac'ʌ: —C Yum, ¿am ba yam bʌ mu' bʌ mejlel tsajcan lojon majlel? Come jatet jach ma' su'b jiñi t'añ cha'añ mic taj lojon j cuxtʌlel mach bʌ añic mi' jilel.

Romanos 5:21

Come che' bajche' jiñi mulil tsi' cha'le i yumʌntel ti chʌmel, che'ʌch ja'el mi' mel i yumʌntel i yutslel i pusic'al Dios cha'añ tsa' aq'uentiyonla toj bʌ lac pusic'al, cha'añ cuxul mi lac cajñel ti pejtelel ora ti lac Yum Jesucristo.

Romanos 6:23

Come i tojol jiñi mulil, jiñʌch chʌmel, pero lac majtañ mu' bʌ i yʌq'ueñonla Dios jiñʌch laj cuxtʌlel mach bʌ añic mi' jilel ti lac Yum Cristo Jesús.

1 Timoteo 1:16

Jiñi cha'añ Jesucristo tsi' p'untayon anquese ñumen xmulilon, cha'añ mi' pʌs i p'untaya ti' tojlel jiñi mu' bʌ caj i ñopob Jesús cha'añ mi' tajob i cuxtʌlel mach bʌ añic mi' jilel.

Tito 1:2

yic'ot cha'añ mi' tajob i cuxtʌlel mach bʌ añic mi' jilel, woli bʌ lac pijtan. Come Dios mach yujilic lot, tsi' wʌn ac'ʌ i t'añ che' maxto añic pañimil,

1 Juan 2:25

Dios mi' yʌq'ueñonla laj cuxtʌlel mach bʌ añic mi' jilel che' bajche' wʌn albil i cha'añ.

1 Juan 4:10

Jiñʌch mero c'uxbiya. Mach joñoñicla tsa' laj c'uxbi Dios pero jiñi tsi' c'uxbiyonla, tsi' choco tilel i Yalobil cha'añ mi' toj lac mul, cha'añ mi' lajmel i mich'ajel ti lac tojlel.

1 Juan 4:9

Tsi' pʌsbeyonla i c'uxbiya Dios che' bʌ tsi' choco tilel ti pañimil cojach bʌ i Yalobil cha'añ mi lac taj laj cuxtʌlel ti Jesús.

1 Juan 5:10

Majqui jach mi' ñop i Yalobil Dios yujil ti' pusic'al isujmʌch ili t'añ; jiñi mach bʌ añic mi' ñop Dios tsa'ix i cuyu ti xlot, come ma'añic tsi' ñopo jiñi t'añ tsa' bʌ i yʌlʌ Dios cha'añ mi laj cʌmben i Yalobil.

1 Juan 5:20

La cujil tsa'ix tili i Yalobil Dios, tsa'ix i yʌq'ueyonla lac ña'tʌbal cha'añ mi laj cʌn jiñi mero isujm bʌ. Añonla ti jiñi mero isujm bʌ jiñʌch Jesucristo, i Yalobil Dios. Jiñʌch mero Dios yic'ot laj cuxtʌlel mach bʌ añic mi' jilel.

1 Juan 5:7

Añ uxtiquilob año' bʌ ti panchan mu' bʌ i su'beñob isujmlel: Lac Tat, Yalobil yic'ot jiñi Ch'ujul bʌ i Ch'ujlel, ili uxtiquilob juntiquilob jach.

3 Juan 1:12

Uts'at bajche' woli' mel jiñi Demetrio, ti' pejtelel wiñicob x'ixicob mi' yʌlob uts'at mi' mel che' bajche' cʌntesʌbil cha'añ isujmlel Dios. Che'ʌch mic su'b lojon ja'el. La' wujil isujmʌch chuqui mic c su'b lojon.

Judas 1:21

Chʌn ajñenla ti' c'uxbiya Dios, chʌn pijtan la' p'untʌntel ti lac Yum Jesucristo cha'añ mi la' taj la' cuxtʌlel mach bʌ añic mi' jilel.

Apocalipsis 1:2

Juan tsi' su'bu isujmlel i t'añ Dios yic'ot isujmlel Jesucristo yic'ot pejtelel chuqui tac tsi' q'uele.

Apocalipsis 22:1

Ti wi'il tsi' pʌsbeyon sʌc bʌ colem ja', i yejtal bʌ laj cuxtʌlel, wen sʌsʌc bajche' espejo, woli' loq'uel ja' ti' buchlib Dios yic'ot ti' buchlib Tʌñʌme'.