1 Juan 4:1 - Jiñi Tsiji' bʌ Wen T'añ cha'añ Estudio

¹ C'uxbibilet bʌ la, mach yomic mi la' ñop pejtelel espíritujob, ña'tanla mi ch'oyolob ti Dios, come ca'bʌl lot bʌ x'alt'añob tsa'ix i pucuyob i bʌ ti pañimil.

Chol de Tumbalá Bible

¹ C'uxbibilet bʌ la, mach yomic mi la' ñop pejtelel espíritujob. Ña'tanla mi ch'oyolob ti Dios. Come tsa'ix i pucuyob i bʌ ti pañimil cabʌl xlot bʌ x'alt'añob.

Jiñi Tsiji' bʌ Wen T'añ cha'añ Estudio

¹ C'uxbibilet bʌ la, mach yomic mi la' ñop pejtelel espíritujob, ña'tanla mi ch'oyolob ti Dios, come ca'bʌl lot bʌ x'alt'añob tsa'ix i pucuyob i bʌ ti pañimil.

Chol Tila

¹ P'untyʌbilet bʌ la hermañujob, mach yom la' ch'ujbin majchical jach mu' bʌ i lolon yʌle' tyʌlem ti Ch'ujul bʌ i Ch'ujlel Dios i cʌntisa. Yom wen xuc'uletla cha'an mi la' ña'tyan mi yoque i cha'añʌch Ch'ujul bʌ i Ch'ujlel Dios mi mach i cha'anic Dios como wʌ' ti mulawil an cabʌl xlot bʌ ajcʌntisa mu' bʌ i lolon ale' tyʌlem i cʌntisa ti Dios.

Chol: I T’an Dios

¹ C'uxbibilet bʌ la, mach yomic mi la' ñop pejtelel espíritujob. Ña'tanla mi ch'oyolob ti Dios. Come tsa'ix i pucuyob i bʌ ti pañimil cabʌl xlot bʌ x'alt'añob.

1 Juan 4:1 Iomraidhean Croise

Marcos 13:21

Mi añ majqui mi' su'beñetla: “Q'uelela, wʌ'an jiñi Cristo”, o mi añ majqui mi' su'beñetla: “Ya'añ Cristo”, mach mi la' ñop.

Lucas 12:57

¿Chucoch ma'añic mi la' ña'tan ti la' bajñelil chuqui toj?

Lucas 21:8

Jiñi cha'añ Jesús tsi' yʌlʌ: —Chʌcʌ q'uele la' bʌ ame añic majqui mi' lotiñetla, come talob ca'bʌl tij c'aba' mi caj i yʌlob: “Joñon jiñi Cristo, wʌle lʌc'ʌlix i yorajlel”, pero mach mi la' tsajcañob majlel.

Hechos 17:11

Jiñi año' bʌ ti Berea ñumen weñob bajche' jiñi año' bʌ ti Tesalónica come ti jump'ejl jach i pusic'al tsi' jac'ʌyob jiñi t'añ. Ti jujump'ejl q'uiñ tsi' wen q'ueleyob i Ts'ijbujel Dios cha'añ mi' ña'tañob mi isujm chuqui tsa' su'bentiyob.

Hechos 20:29

Come cujil che' majlemoñix mi caj i yochelob ti la' tojlel jontol bʌ bʌte'el ts'i', mach bʌ añic mi caj i p'untan tʌñʌme'.

1 Corintios 12:10

Yam bʌ mi' yʌq'uentel i pʌs i yejtal i p'ʌtʌlel Dios; yam bʌ mi' yʌq'uentel i c'ʌjñibal ti subt'añ, yam bʌ mi' yʌq'uentel i cʌn mi wen o mi jontol jiñi espíritujob, yam bʌ mi' yʌq'uentel i cha'len t'añ ti yan tac bʌ t'añ, yam bʌ mi' yʌq'uentel i ñusan isujmlel yan tac bʌ t'añ.

1 Corintios 14:29

Che' ja'el la' i cha'leñob subt'añ cha'tiquil uxtiquil jach, jiñi yaño' bʌ la' i yu'biñob mi toj.

1 Tesalonicenses 5:20

Mach mi la' q'uel ti lolom chuqui tac mi' su'bob jiñi x'alt'añob.

1 Tesalonicenses 5:21

Yom mi la' wen ña'tan mi jiñʌch mero isujm bʌ woli bʌ ti sujbel; ts'ijbanla cʌytʌl ti la' pusic'al jiñi uts'at tac bʌ.

2 Tesalonicenses 2:2

mach yomic mi' bʌc' tejchel tilebixel bʌ la' pusic'al, mach la' cha'len bʌq'uen, mach la' jac'ben espíritu, mi t'añ, mi juñ mu' bʌ i yʌl tsa'ix tili i q'uiñilel lac Yum, mi' lon alob che'ʌch tsa' c ts'ijba lojon.

1 Timoteo 4:1

Jiñi Espíritu mi' cʌntesañonla, cha'añ añ lamital mu' bʌ caj i cha' cʌy i ñopob jiñi wen t'añ ti wi'il bʌ q'uiñ, mi caj i jac'beñob espíritujob mu' bʌ i cha'leñob lot yic'ot i cʌntesa xi'bajob.

2 Timoteo 3:13

pero jiñi jontolo' bʌ yic'ot xlotiyajob, utsi utsijax mi' chʌn melob i jontolil, mi caj i lotiñob yaño' bʌ, mi caj i lotintelob ja'el.

2 Pedro 2:1

Añ ja'el lot bʌ x'alt'añob ti' tojlel israelob; che' ja'el mi caj i tejchel lot bʌ xcʌntesajob mu' bʌ caj i mucul otsañob jiñi sojquem bʌ i cʌntesa mu' bʌ i yʌq'uetla ti sajtel, woli' ñusañob lac Yum tsa' bʌ i mʌñʌyob; woli' bʌc' pʌyob tilel i wocol mu' bʌ caj i jisañob.

1 Juan 2:18

Calobilob, añoñixla ti jiñi cojix bʌ q'uiñ tac. Tsa' la' wu'bi tal jiñi xcontra Cristo, wʌle añobix ca'bʌl mu' bʌ i contrajiñob Cristo, jiñi cha'añ la cujil añoñixla ti jiñi cojix bʌ q'uiñ tac.

1 Juan 2:7

Hermañujob, mach tsijibic ili mandar woli bʌ c ts'ijbubeñetla, pero jiñʌch oñiyix bʌ mandar tsa' bʌ su'bentiyetla ti' cajibal. Jiñi oñiyix bʌ mandar jiñʌch jiñi t'añ tsa'ix bʌ la' wu'bi c'ʌlʌl ti' cajibal.

2 Juan 1:7

Come añ ca'bʌl xlotiya ti pañimil mu' bʌ i yʌlob ma'añic tsi' ch'ʌmʌ i bʌc'tal Jesucristo. Majqui mi' su'b bajche' jiñi, xlotiyajʌch, xcontra Cristojʌch.

3 Juan 1:11

C'uxbibilet bʌ, mach a tsajcan jontolil, tsajcan chuqui uts'at. Jiñi mu' bʌ i mel chuqui uts'at i cha'añʌch Dios, pero jiñi mu' bʌ i cha'len jontolil, mach i cʌñʌyic Dios.

Apocalipsis 2:2

Cʌmbil c cha'añ la' melbal yic'ot wocol bʌ la' we'tel yic'ot i p'ʌtʌlel la' pusic'al ti' cuchol wocol, cujil mi la' ts'a'len jontol bʌ wiñicob, tsa'ix la' wen q'uelbe i ye'tel jiñi mu' bʌ i lon cuyob i bʌ ti apóstolob, tsa'ix la' ña'ta xlotiyajobʌch.