1 Juan 3:21 - Jiñi Tsiji' bʌ Wen T'añ cha'añ Estudio

²¹ C'uxbibilo' bʌ, mi ma'añic woli' tic'onla lac pusic'al, xuc'ulonla ti Dios.

Chol de Tumbalá Bible

²¹ C'uxbibilo' bʌ, mi ma'anic woli' tic'onla, ch'ejlonla ti Dios.

Jiñi Tsiji' bʌ Wen T'añ cha'añ Estudio

²¹ C'uxbibilo' bʌ, mi ma'añic woli' tic'onla lac pusic'al, xuc'ulonla ti Dios.

Chol Tila

²¹ P'untyʌbilet bʌ la hermañujob, mi la cujilʌch isujm mi mach'an mi bajñel al lac pusic'al mi an lac mul mach'anic mi lac bʌc'ñan Dios che' añonla ti' tyojlel.

Chol: I T’an Dios

²¹ C'uxbibilo' bʌ, mi ma'anic woli' tic'onla, ch'ejlonla ti Dios.

1 Juan 3:21 Iomraidhean Croise

Romanos 14:22

Mi añ chuqui wola' ñop, ñopo ti' xuc'tʌlel a pusic'al ti' wut Dios. Tijicña jiñi mach bʌ añic mi' tejchel tilebixel bʌ i pusic'al cha'añ i melbal mu' bʌ i q'uel ti uts'at.

1 Corintios 4:4

Anquese ma'añic woli ti t'añ c pusic'al, ma'añic mic su'b c bʌ ti uts'at, jiñi mu' bʌ i q'uelon, mu' bʌ caj i melon jiñʌch lac Yum.

2 Corintios 1:12

Ñʌch'ʌl lojon c pusic'al come ti' p'ʌtʌlel Dios tsa' c mele lojon chuqui isujm yic'ot chuqui toj. Jiñʌch c ñuclel lojon, tsa' ajñiyon lojon ti jump'ejl lojon c pusic'al aq'uebilon bʌ lojon ti Dios, che'ʌch tsa' c pʌsʌ lojon c bʌ wʌ' ti pañimil, ñumen tsa' c mele lojon chuqui uts'at ti la' tojlel, mach che'ic bajche' mi' ña'tañob ti pañimil, pero yic'ot i yutslel i pusic'al Dios.

Efesios 3:12

ti lac Yum ch'ejl lac pusic'al mi mejlel la cochel ti' tojlel Dios cha'añ tsa' lac ñopo Cristo;

1 Timoteo 2:8

Jiñi cha'añ, com mi' melob oración wiñicob baqui jach añob, la' i letsañob i c'ʌb ti' sʌclel i pusic'al, mach yomic mich'ajel mi leto.

Hebreos 10:22

Jiñi cha'añ la' lac lʌc'tesan lac bʌ ba'añ Dios ti jump'ejl lac pusic'al, mach yomic tilebixel lac pusic'al che' mi lac ñop, yom sʌc-esʌbil lac pusic'al ti leco tac bʌ lac ña'tʌbal yic'ot yom pocbil lac bʌc'tal ti yʌx bʌ ja'.

Hebreos 4:16

Jiñi cha'añ yom ch'ejl lac pusic'al mi lac lʌc'tesan lac bʌ ba'añ i buchlib Dios cha'añ mi lac taj lac p'untʌntel yic'ot mi laj coltʌntel ti' yutslel i pusic'al ba' ora añ lac wocol.

1 Juan 2:28

Wʌle, alobob, chʌn ajñenla ti Cristo, cha'añ che' mi tsictiyel xuc'ul mi la cajñel, cha'añ che' mi' tilel ti' cha'yajlel ma'añic mi caj la cu'bin quisin ti' tojlel.

1 Juan 2:7

Hermañujob, mach tsijibic ili mandar woli bʌ c ts'ijbubeñetla, pero jiñʌch oñiyix bʌ mandar tsa' bʌ su'bentiyetla ti' cajibal. Jiñi oñiyix bʌ mandar jiñʌch jiñi t'añ tsa'ix bʌ la' wu'bi c'ʌlʌl ti' cajibal.

1 Juan 3:2

C'uxbibilo' bʌ, i yalobiloñixla Dios, maxto tsictiyemic bajche' mi caj la cujtel; pero la cujil che' mi' tsictiyel Cristo mi caj la cajñel lajal bajche' Cristo, come mi caj laj q'uel che' bajche' yilal.

1 Juan 3:20

pero mi woli' tic'onla lac pusic'al, ñumen ñuc Dios bajche' lac pusic'al, yujil pejtelel chuqui añ.

1 Juan 4:17

Wen la cujilix c'uxbiya che' ma'añic mi lac bʌc'ñʌben i q'uiñilel tojmulil, come wʌ' ti pañimil lajalonla bajche' Jesús.

1 Juan 5:14

Ch'ejl lac pusic'al ti' tojlel Dios, come la cujil mi' yu'bibeñonla chuqui jach mi laj c'ajtiben che' bajche' yom i pusic'al.