1 Juan 2:19 - Jiñi Tsiji' bʌ Wen T'añ cha'añ Estudio

¹⁹ Tsa' loq'uiyob majlel ti lac tojlel come mach lac cha'añobic, come lac cha'añobic wʌ' to añob la quic'ot c'ʌlʌl wʌle; pero tsa' loq'uiyob cha'añ mi' tsictiyel mach ti' pejtelelobic lac cha'añob.

Chol de Tumbalá Bible

¹⁹ Tsa' loq'uiyob majlel ti lac tojlel, come mach lac cha'añobic. Lac cha'añobic, wʌ'to añob la quic'ot c'ʌlʌl wʌle. Pero tsa' loq'uiyob cha'an mi' tsictiyel mach lac cha'añobic.

Jiñi Tsiji' bʌ Wen T'añ cha'añ Estudio

¹⁹ Tsa' loq'uiyob majlel ti lac tojlel come mach lac cha'añobic, come lac cha'añobic wʌ' to añob la quic'ot c'ʌlʌl wʌle; pero tsa' loq'uiyob cha'añ mi' tsictiyel mach ti' pejtelelobic lac cha'añob.

Chol Tila

¹⁹ Wʌ'ʌch ti loq'uiyob wʌ' ba' añonla jini ajcontrajob. Pero mach yoque lac pi'ʌlobic. Tsa'ic yoque ch'ujbiyob bajche' mi lac ch'ujbin, che' jini tsa'ix cʌyleyob wʌ' ba' añonla. Pero che' ñac ti loq'uiyob majlel ti tsictiyi che' jini mach'an yoque chʌncox i ch'ujbiñob bajche' mi lac ch'ujbin.

Chol: I T’an Dios

¹⁹ Tsa' loq'uiyob majlel ti lac tojlel, come mach lac cha'añobic. Lac cha'añobic, wʌ'to añob la quic'ot c'ʌlʌl wʌle. Pero tsa' loq'uiyob cha'an mi' tsictiyel mach lac cha'añobic.

1 Juan 2:19 Iomraidhean Croise

Mateo 24:24

Come mi caj i tejchel xlot bʌ Cristo, yic'ot xlot bʌ x'alt'añob, mi caj i pʌsob ñuc tac bʌ i yejtal i p'ʌtʌlel, yic'ot bʌbʌq'uen tac bʌ, cha'añ mi' lotiñob jiñi yajcʌbilo' bʌ, mi tsa' mejli.

Marcos 13:22

Come mi caj i tejchelob jiñi mu' bʌ i cuyob i bʌ ti Cristo yic'ot lot bʌ x'alt'añob. Mi caj i pʌsob ca'bʌl i yejtal i p'ʌtʌlel yic'ot bʌbʌq'uen tac bʌ cha'añ mi' lotiñob jiñi yajcʌbilo' bʌ mi tsa' mejli.

Lucas 8:13

Jiñi tsa' bʌ coli ti' pam xajlel jiñobʌch mu' bʌ i yu'biñob jiñi t'añ. Ti' tijicñʌyel i pusic'al mi' bʌc' jac'ob, pero ma'añic i wi' ti' pusic'alob. Mi' ñopob jumuc', pero che' mi' yilʌbentelob i pusic'al mi' cha' cʌyob.

Juan 15:2

Pejtelel i c'ʌb ac' mach bʌ añic mi' yʌc' i wut ti' joñon, mi caj i tsep loq'uel; pejtelel mu' bʌ i yʌc' i wut, mi caj i porajin cha'añ ñumen ca'bʌl mi' yʌc' i wut.

Juan 4:14

pero majqui jach mi' jap ja' mu' bʌ cʌq'uen, ma'añix mi caj i chʌn tiquin i ti', come jiñi ja' mu' bʌ cʌq'uen mi' caj ti ajñel ti' pusic'al che' bajche' bulux ja' cha'añ mi' yʌq'ueñ i cuxtʌlel mach bʌ añic mi' jilel.

Hechos 15:24

Tsa'ix cu'bi lojon añ wiñicob tsa' bʌ loq'uiyob tic tojlel lojon tsa' bʌ i tic'layetla ti' t'añ, tsi' socbeyetla la' pusic'al, [come tsi' yʌlʌyob wersa mi la' ch'ʌm tsep pʌchʌlel, wersa mi la' jac' jiñi mandar,]

Hechos 20:30

Mi caj i wa'tʌlob wiñicob ti la' tojlel mu' bʌ i yʌlob sojquem bʌ t'añ cha'añ mi' pʌyob xñopt'añob cha'añ mi' tsajcañob.

Romanos 9:6

Mach yomic mi la cʌl cha'añ ma'añic mi' ts'ʌctiyel i t'añ Dios, come mach i cha'añobic Dios ti pejtelel i p'olbal Israel.

1 Corintios 11:19

¿Yom ba mi la' t'ox la' bʌ ti a'leya cha'añ mi' tsictiyel majqui wen ti la' tojlel?

2 Timoteo 2:10

Jiñi cha'añ woli c lʌt' pejtelel jiñi wocol, come c'ux mi cu'bin jiñi yajcʌbilo' bʌ, cha'añ com mi' tajob i coltʌntel ti Cristo Jesús yic'ot i ñuclel mach bʌ añic mi' jilel.

2 Timoteo 2:19

Pero tsʌts wa'chocobilonla ti Dios. Tsi' yʌq'ueyonla lac sellojlel ba' ts'ijbubil: “Lac Yum mi' cʌn i cha'año' bʌ”. Jiñi cha'añ la' i cʌy i jontolil jujuntiquil mu' bʌ i pejcʌben i c'aba' Cristo.

2 Timoteo 3:9

Pero mach ti pejtelelic ora mi caj i melob, come mi' caj i cʌjñel i tontojlel ti' tojlel yaño' bʌ, che' bajche' tsa' cʌjñi i tontojlel jiñi yam bʌ cha'tiquil.

Hebreos 10:39

Pero mach lajaloñicla bajche' jiñi mu' bʌ i cha' cʌy i ñopob, mu' bʌ i majlelob ti c'ajc, joñonla mi lac ñop Dios mu' bʌ i coltañ lac ch'ujlel.

2 Juan 1:7

Come añ ca'bʌl xlotiya ti pañimil mu' bʌ i yʌlob ma'añic tsi' ch'ʌmʌ i bʌc'tal Jesucristo. Majqui mi' su'b bajche' jiñi, xlotiyajʌch, xcontra Cristojʌch.

Judas 1:1

Joñon Judas, x'e'telon i cha'añ Jesucristo, i yijts'iñon Jacobo, woli c ts'ijbubeñetla ili juñ pʌybilet bʌ la, c'uxbibilet bʌ la i cha'añ Dios lac Tat, cʌntʌbiletla i cha'añ Jesucristo.

Judas 1:19

Mi' t'oxob hermañujob, mi' melob chuqui yom i tsucul pusic'al, ma'añic jiñi Espíritu ti' tojlelob.