1 Juan 2:1 - Jiñi Tsiji' bʌ Wen T'añ cha'añ Estudio

¹ C'uxbibil bʌ calobilob, woli c ts'ijbubeñetla ili juñ cha'añ mach mi la' cha'len mulil. Mi añ majqui tsi' cha'le mulil, añ la caj pejcaya ti' tojlel lac Tat, jiñʌch Jesucristo, jiñi Toj Bʌ.

Chol de Tumbalá Bible

¹ Calobilob, wolic ts'ijbubeñetla ili jun cha'an mach mi la' cha'len mulil. Mi an majqui tsi' cha'le mulil, an la caj pejcaya ti' tojlel lac Tat, jiñʌch Jesucristo, jini Toj Bʌ.

Jiñi Tsiji' bʌ Wen T'añ cha'añ Estudio

¹ C'uxbibil bʌ calobilob, wolic ts'ijbubeñetla ili juñ cha'añ mach mi la' cha'len mulil. Mi añ majqui tsi' cha'le mulil, añ la caj pejcaya ti' tojlel lac Tat, jiñʌch Jesucristo, jiñi Toj Bʌ.

Chol Tila

¹ Calobiletla, mic ts'ijbubeñetla ili t'an cha'an mach a wotsan la' mul. Pero mi ti cotsʌ lac mul anix la cajcotyaya ya' ti' tyojlel Dios lac Tyat. Jiñʌch Jesucristo jini ñoj wen bʌ.

Chol: I T’an Dios

¹ Calobilob, wolic ts'ijbubeñetla ili jun cha'an mach mi la' cha'len mulil. Mi an majqui tsi' cha'le mulil, an la caj pejcaya ti' tojlel lac Tat, jiñʌch Jesucristo, jini Toj Bʌ.

1 Juan 2:1 Iomraidhean Croise

Lucas 10:22

Pejtelel chuqui tac añ, aq'uebilon i cha'añ c Tat, ma'añic majqui mi' cʌñon cojach c Tat, che' ja'el, ma'añic majqui mi' cʌn c Tat cojach joñon come i Yalobilon, mi' cʌñob c Tat ja'el majqui jach mi cʌq'uen i cʌn”.

Juan 10:15

Che' bajche' c Tat mi' cʌñon, joñon ja'el mij cʌn c Tat, mi cʌc' c bʌ ti chʌmel cha'añ jiñi tʌñʌme'.

Juan 13:33

Calobilob, jumuc' jax wʌ'añon la' wic'ot. Mi caj la' sajcañon; che' bajche' tsa' c su'be judíojob, che' ja'el mic su'beñetla: Ya' ba' mic majlel, mach mejlic la' majlel.

Juan 14:16

Joñon mi caj j c'ajtiben c Tat, mi caj i yʌq'ueñetla yam bʌ la' waj Pi'leya, cha'añ mi' yajñel la' wic'ot ti pejtelel ora.

Juan 14:6

Jesús tsi' su'be: —Joñon i bijlelon, isujmlelon, i cuxtʌlelon, ma'añic majqui mi' c'otel ba'añ c Tat, jiñi jach am bʌ tic wenta.

Juan 21:5

Jesús tsi' su'beyob: —Calobilob, ¿am ba chuqui mi laj c'ux? Tsi' jac'beyob: —Ma'añic.

Juan 5:14

Ti wi'il Jesús tsi' taja jiñi wiñic ti Templo, tsi' su'be: —Awilan, c'oq'uetix, mach a chʌn cha'len mulil ame mi' cha' tajet ñumen wocol bʌ, —che'en.

Juan 5:36

Pero añ c cha'añ ñumen ñuc bʌ mu' bʌ i yʌc'on ti cʌjñel che' bajche' Juan; jiñʌch que'tel tsa' bʌ i yʌq'ueyon c Tat cha'añ mic mel ti ts'ʌcʌl. Jiñi c melbal, mi' yʌc'on ti cʌjñel cha'añ mi la' ña'tan tsi' chocoyon tilel c Tat.

Juan 6:27

Cha'lenla e'tel, mach cha'añic jiñi we'elʌl mu' bʌ i jilel, cha'lenla e'tel cha'añ jiñi we'elʌl mu' bʌ i jalijel cha'añ mi la' taj la' cuxtʌlel mach bʌ añic mi' jilel, i Yalobil Wiñic mi caj i yʌq'ueñetla jiñi we'elʌl, come Dios lac Tat tsa'ix i yʌq'ueyon c p'ʌtʌlel cha'añ ili e'tel.

Juan 8:11

Jiñi x'ixic tsi' jac'ʌ: —C Yum, ma'añic mi juntiquilic, —che'en. Jiñi cha'añ Jesús tsi' su'be: —Joñon ja'el ma'añic mic julet cha'añ a mul, cucux; mach ma' chʌn cha'len mulil.

Hechos 7:52

Ma'añic mi juntiquilic x'alt'añ mach bʌ añic tsa' tic'lʌnti ti' tojlel la' ñojte'el. Tsi' tsʌnsayob jiñi tsa' bʌ i wʌn su'buyob tal jiñi Toj bʌ. Wʌle jatetla tsa'ix la' wʌc'ʌ jiñi Toj bʌ ti' c'ʌb i contra, tsa'ix la' tsʌnsa.

Romanos 5:10

Che' i contrajonla Dios, tsa' chʌmi i Yalobil cha'añ mi yuts-esan lac pusic'al yic'ot Dios. Wʌle che' uts-esʌbilix lac pusic'al yic'ot Dios, mi caj laj coltʌntel cha'añ tsiji' bʌ i cuxtʌlel Cristo.

Romanos 6:15

¿Chuqui yom che' jiñi? ¿Yom ba mi lac chʌn cha'len mulil che' ma'añoñixla ti' wenta jiñi mandar, come añoñixla ti' yutslel i pusic'al Dios? Mach yomic mi ts'ita'ic.

Romanos 8:34

¿Majqui mi' mejlel i yʌc'onla ti tojmulil? Come Cristo tsa' chʌmi cha'añonla; tsa' tejchi ch'ojyel ja'el ba'añ chʌmeño' bʌ; che' ja'el añ ti' ñoj Dios ba' woli' c'ajtiben Dios laj coltʌntel.

1 Corintios 15:34

Yom yʌxʌl la' woj bajche' yom, mach la' cha'len mulil, come añ wiñicob x'ixicob mach bʌ añic mi' cʌñob Dios, mic su'b bajche' iliyi cha'añ mi la' wu'bin quisin.

2 Corintios 5:21

Come Cristo ma'añic tsi' wis ñopo mulil, pero Dios tsi' yʌq'ue i cuch pejtelel lac mul ti' bʌc'tal ya' ti cruz cha'añ mi' yʌq'ueñonla toj bʌ lac pusic'al ti Cristo.

Gálatas 4:19

C'uxbibil bʌ calobilob, che' bajche' x'ixic woli bʌ ti bajq'uel, che'ʌch woli c cha' u'bin wocol cha'añetla jinto mi' yochel Cristo ti la' pusic'al,

Efesios 2:18

come cha'añ ti ye'tel Jesucristo, jiñi judíojob yic'ot jiñi mach bʌ judíojobic mi mejlel lac lʌc'tesan lac bʌ ba'añ lac Tat ti juntiquil jach bʌ Espíritu.

Efesios 4:26

Mi tsa' mich'ayetla, mach la' cha'len mulil; mach yomic c'ʌlʌl mich'etla che' mi' bʌjlel q'uiñ,

1 Timoteo 2:5

Come juntiquil jach Dios yic'ot juntiquil jach la caj ñusa t'añ ti' tojlel Dios, jiñʌch jiñi wiñic Cristo Jesús,

1 Timoteo 3:14

Woli c ts'ijbubeñet ili t'añ, anquese añ c pijtaya cha'añ mij c'otel ti ora ba'añet,

Hebreos 9:24

Come Cristo ma'añic tsa' ochi ti Ch'ujul bʌ Ajñibʌl melbil bʌ ti c'ʌbʌl, i yejtal jach bʌ panchan, tsa' ochi ti panchan, jiñʌch jiñi mero Ch'ujul bʌ Ajñibʌl ba' woli' pʌs i bʌ ti' tojlel Dios cha'añ mi' c'ajtin laj coltʌntel.

Santiago 1:27

Jiñi mu' bʌ i ch'ujutesan Dios ti isujm, mach bʌ añic i bi'bi'lel ti' tojlel Dios lac Tat, jiñʌch iliyi: Mu' bʌ i coltañ me'ba' alobob yic'ot me'ba' x'ixicob che' ti yorajlel wocol, mi' chʌcʌ q'uel i bʌ cha'añ ma'añic mi mel che' bajche' jiñi año' bʌ ti pañimil.

Santiago 3:9

Ti la cac' mi lac ch'ujutesan Dios lac Tat, ti la cac' mi lac p'aj wiñicob x'ixicob melbilo' bʌ ti' yejtal Dios.

1 Pedro 2:22

Ma'añic tsi' cha'le mulil, ma'añic tsi' cha'le lot.

1 Pedro 3:18

Come Cristo junyajl jach tsi' yu'bi wocol cha'añ mulil. Jiñi toj bʌ tsi' yʌc'ʌ i bʌ ti chʌmel cha'añ jiñi mach bʌ tojobic, cha'añ mi' pʌyonla ti' tojlel Dios. Isujmʌch tsa' tsʌnsʌnti ti' bʌc'tal, pero tsa' cha' cuxtʌyi ti jiñi espíritu;

1 Juan 3:18

Calobilob, mach yomic mi lac cha'len c'uxbiya ti lac t'añ jach mi ti lac su'bal jach, la' lac cha'len c'uxbiya ti isujm ti lac melbal.

1 Juan 3:5

La' wujil tsa' tsictiyi Cristo cha'añ mi' ch'ʌm majlel lac mul, pero Cristo ma'añic i mul.

1 Juan 3:7

Alobob, mach mi la' jac'beñob i lot wiñicob mi juntiquilic, jiñi mu' bʌ i mel chuqui toj, tojʌch che' bajche' toj Cristo.

1 Juan 4:4

Calobilob, i cha'añetla Dios, tsa'ix la' t'uchta jiñi xlotob come ñumen ñuc jiñi am bʌ ti la' pusic'al bajche' jiñi am bʌ ti pañimil.

1 Juan 5:17

Pejtelel lac melbal mach bʌ tojic, jiñʌch mulil, añ mulil mach bʌ añic mi' yʌc'onla ti chʌmel.

1 Juan 5:21

Alobob, cʌntan la' bʌ. Mach mi la' ch'ujutesan yam bʌ dios tac. [Amén.]

3 Juan 1:4

Che' mi cu'bin woliyob ti xʌmbal ti isujmlel jiñi calobilob, wen tijicñayon, ma'añic chuqui mi' ñumen tijicñesañon cojach che' mi cu'bin añob ti isujmlel Dios.