1 Juan 1:9 - Jiñi Tsiji' bʌ Wen T'añ cha'añ Estudio

⁹ Mi woli lac su'ben lac mul Dios mu' bʌ i melonla ti toj, añ i xuc'tʌlel i pusic'al cha'añ mi' ñusʌbeñonla. Mi' pocbeñonla loq'uel pejtelel lac jontolil.

Chol de Tumbalá Bible

⁹ Mi woli lac suben lac mul Dios mu' bʌ i melonla ti toj, an i xuc'tʌlel i pusic'al che' mi' ñusʌbeñonla lac mul. Mi' pocbeñonla loq'uel pejtelel lac jontolil.

Jiñi Tsiji' bʌ Wen T'añ cha'añ Estudio

⁹ Mi woli lac su'ben lac mul Dios mu' bʌ i melonla ti toj, añ i xuc'tʌlel i pusic'al cha'añ mi' ñusʌbeñonla. Mi' pocbeñonla loq'uel pejtelel lac jontolil.

Chol Tila

⁹ Pero mi ti lac subu an lac mul, mi' ñusʌbeñon lac mul Dios como ch'ujbi lac ch'ujbin cha'an junyajlel tyoj bajche' mi' cha'len Dios. Mi' lu' choc loq'uel pejtyel mach'ʌ wen ti lac pusic'al.

Chol: I T’an Dios

⁹ Mi woli lac suben lac mul Dios mu' bʌ i melonla ti toj, an i xuc'tʌlel i pusic'al che' mi' ñusʌbeñonla lac mul. Mi' pocbeñonla loq'uel pejtelel lac jontolil.

1 Juan 1:9 Iomraidhean Croise

Mateo 3:6

Juan tsi' yʌq'ueyob ch'ʌmja' ya' ti Jordán ja'. Jiñi wiñicob x'ixicob tsi' su'buyob i mul.

Marcos 1:5

Tsa' loq'uiyob tilel ba'añ Juan jiñi ch'oyolo' bʌ ti' lumal Judea, yic'ot ti Jerusalén, tsi' ch'ʌmʌyob ja' ti' c'ʌb Juan ya' ti Jordán ja', tsi' su'buyob i mul.

Lucas 22:57

Pedro tsi' yʌlʌ: —Mach isujmic, x'ixic, mach j cʌñʌyic jiñi wiñic, —che'en.

Juan 17:25

Toj bʌ c Tat, jiñi año' bʌ ti pañimil ma'añic tsi' cʌñʌyetob, joñon tsa' j cʌñʌyet, che' ja'el ili wiñicob x'ixicob yujilob cha'añ jatet tsa' chocoyon tilel.

Hechos 19:18

Ca'bʌl tsa' bʌ i ñopoyob tsa' tili i su'bob i mul. Tsi' bajñel su'buyob i bʌ cha'añ chuqui tac tsi' meleyob ti ñaxan.

Romanos 3:26

jiñi cha'añ Dios tsi' pijta ti ili q'uiñ cha'añ mi' pʌs tojʌch i pusic'al, che' bʌ tsi' yʌc'ʌ Jesucristo, jiñi cha'añ tojʌch Dios, yic'ot mi' q'uelob ti toj pejtelel mu' bʌ i ñopob Jesús.

1 Corintios 1:9

Xuc'ul Dios tsa' bʌ i pʌyʌyetla cha'añ mi la' tem ajñel yic'ot i Yalobil Jesucristo, jiñi lac Yum.

1 Corintios 6:11

Lamitaletla che'ʌch tsa' la' mele, pero wʌle pocbiletixla ti' c'aba' lac Yum Jesucristo, che' ja'el wolix la' q'uejlel ti toj cha'añ ti' c'aba' lac Yum Jesucristo yic'ot cha'añ ti yEspíritu lac Dios.

Efesios 5:26

cha'añ mi' yotsañob ti ch'ujul, che' bʌ tsa'ix i sʌc-esa ti ja' yic'ot ti' t'añ,

1 Timoteo 1:15

Xuc'ul ili t'añ, uts'atʌch cha'añ mi lac jac' ti lac pejtelel: Cristo Jesús tsa' tili wʌ' ti pañimil cha'añ mi' coltañ xmulilob, joñon ñumen xmulilon bajche' yaño' bʌ.

Tito 2:14

Tsi' yʌc'ʌ i bʌ ti chʌmel cha'añonla cha'añ mi' mʌñonla loq'uel ti pejtelel lac jontolil, yic'ot mi' sʌc-esañonla, cha'añ mi' yotsañonla ti' jump'ejl i tejclum, cha'añ mi lac bʌx-añ ti' melol pejtelel chuqui wen.

Hebreos 10:23

La' lac chʌn ac' ti lac pusic'al chuqui ñopol lac cha'añ woli bʌ lac pijtan, come xuc'ul jiñi tsa' bʌ i yʌc'ʌ i t'añ.

Hebreos 11:11

Che' ja'el Sara tsi' ñopo Dios, anquese to'ol wa'al jach bʌ x'ixic, pero tsa' aq'uenti i p'ʌtʌlel cha'añ mi cʌntan yic'ot cha'añ mi yilan pañimil i yalobil, anquese ca'bʌlix i ja'bilel, come tsi' ñopo cha'añ mi caj i ts'ʌctiyel i t'añ Dios che' bajche' tsi' su'be.

Hebreos 6:10

come Dios mach jontolic, mach ñajʌyic i cha'añ jiñi wen bʌ la' melbal yic'ot la' c'uxbiya, come ti' c'aba' Dios tsa' la' colta i cha'año' bʌ, c'ʌlʌl wʌle woli to la' coltañob.

1 Juan 1:7

Pero mi woliyonla ti xʌmbal ti' sʌclel pañimil, che' bajche' mi' yajñel Dios ti' sʌclel pañimil, che' jiñi mi lac wen cʌn lac bʌ, i ch'ich'el Jesucristo i Yalobil Dios woli' sʌc-esañonla ti pejtelel mulil.

Apocalipsis 15:3

Tsi' c'ʌyiyob i c'ay Moisés, i wiñic Dios, yic'ot i c'ay jiñi Tʌñʌme', tsi' yʌlʌyob: “Wen ñuc, wen uts'at pejtelel a melbal c Yum Dios, jatet Mach bʌ Añic i P'isol a P'ʌtʌlel. Toj a bijlel, isujm ja'el. Jatet i Reyet pejtelel i cha'año' bʌ Dios.