1 Juan 1:6 - Jiñi Tsiji' bʌ Wen T'añ cha'añ Estudio

⁶ Mi woli lac lon al tem ochemonla ti' ñopol Dios, lac lotʌch mi woliyonla ti xʌmbal ti ic'yoch'an bʌ pañimil, come che' jiñi ma'añic woli lac jac'ben isujmlel.

Chol de Tumbalá Bible

⁶ Mi woli lac lon al tem ochemonla ti' ñopol Dios, lac lotʌch mi woliyonla ti xʌmbal ti ic'yoch'an bʌ pañimil, come che' jini ma'anic woli lac jac'ben i sujmlel.

Jiñi Tsiji' bʌ Wen T'añ cha'añ Estudio

⁶ Mi woli lac lon al tem ochemonla ti' ñopol Dios, lac lotʌch mi woliyonla ti xʌmbal ti ic'yoch'an bʌ pañimil, come che' jiñi ma'añic woli lac jac'ben isujmlel.

Chol Tila

⁶ Mi ti la cʌlʌ chʌncox lac ch'ujbin pero mi chʌncol tyo la cajñel ti ic't'ojñal chʌncolonla ti lot che' jini yic'ot ti jini mu' bʌ lac lolon mel tyac.

Chol: I T’an Dios

⁶ Mi woli lac lon al tem ochemonla ti' ñopol Dios, lac lotʌch mi woliyonla ti xʌmbal ti ic'yoch'an bʌ pañimil, come che' jini ma'anic woli lac jac'ben i sujmlel.

1 Juan 1:6 Iomraidhean Croise

Mateo 7:22

Ti jiñi q'uiñ ca'bʌl mi caj i su'beñoñob: “C Yum, c Yum, ¿mach ba tsa'ic cha'le lojon subt'añ yic'ot tsa' c choco lojon loq'uel xi'bajob ti a c'aba', ti a c'aba' tsa' c pʌsʌ lojon ca'bʌl ñuc tac bʌ i yejtal a p'ʌtʌlel?”

Juan 11:10

Pero jiñi mu' bʌ i cha'len xʌmbal ti ac'ʌlel mi' yajlel, come ma'añic i sʌclel pañimil yic'ot, che'en Jesús.

Juan 12:35

Jiñi cha'añ Jesús tsi' su'beyob: —Mach jalix wʌ'an i sʌclel pañimil la' wic'ot; cha'lenla xʌmbal che' añ to i sʌclel pañimil la' wic'ot ame mi' tajetla ic'ch'ipan bʌ pañimil, come jiñi mu' bʌ i cha'len xʌmbal ti ic'ch'ipan bʌ pañimil mach yujilic baqui mi' majlel.

Juan 12:46

Joñon i sʌclelon pañimil, tsa' tiliyon ti pañimil cha'añ ma'añic mi' cʌytʌl ti ic'ch'ipan bʌ pañimil jiñi mu' bʌ i ñopon.

Juan 8:12

Jesús tsi' cha' su'beyob, tsi' yʌlʌ: —Joñon i sʌclelon pañimil, jiñi mu' bʌ i tsajcañon ma'añic mi' cajel ti xʌmbal ti ic'ch'ipan bʌ pañimil. Añ i cha'añ i sʌclel pañimil cha'añ i cuxtʌlel, —che'en.

Juan 8:55

Pero jatetla mach cʌmbilic la' cha'añ; joñon mij cʌn, mi tsa' c su'beyetla mach cʌñʌyic Dios, che'ic jiñi xloton che' bajche'etla, pero joñon cʌmbil c cha'añ, yic'ot mic jac'ben i t'añ.

1 Timoteo 4:2

Mi' caj i jac'beñob wiñicob cha'chajpob jax bʌ i pusic'al yic'ot xlotob, come chʌmeñob i pusic'al ti mulil.

Santiago 2:14

Quermañujob, ¿chuqui i c'ʌjñibal mi añ majqui mi' lon al woli' ñop Dios che' ma'añic mi' pʌs wen bʌ i melbal? ¿Mu' ba i taj i coltʌntel ti ñopbal?

Santiago 2:16

mi añ juntiquil tsa' bʌ i su'be: Cucu ti' ñʌch'tʌlel a pusic'al, q'uixñesan a bʌ, la' ñaj-aquet, pero ma'añic tsa' la' wʌq'ue chuqui yom cha'añ i bʌc'tal ¿chuqui mi caj la' taj che' jiñi?

Santiago 2:18

Añ majqui mi caj i su'beñet: Jatet wola' ñop Dios cha'añ ma' taj a coltʌntel, pero joñon woli c pʌs wen bʌ c melbal. ¿Bajche' mi caj a pʌsbeñon ti isujm mi wola' ñop che' ma'añic wen bʌ a melbal? Pero wen tsiquil woli c ñop Dios che' mic pʌsbeñet wen bʌ c melbal, che'en.

1 Juan 1:10

Mi woli la cʌl ma'añic tsa' lac cha'le mulil, woli laj cuy Dios ti xlot, che' jiñi mach ochemic i t'añ ti lac pusic'al.

1 Juan 1:3

jiñi q'uelel bʌ c cha'añ lojon, yic'ot jiñi ñʌch'tʌbil bʌ c cha'añ lojon, jiñʌch mu' bʌ c su'b lojon cha'añ mi lac tem ochel ti' ñopol lac Tat yic'ot Jesucristo i Yalobil Dios.

1 Juan 1:8

Mi woli la cʌl ma'añic lac mul, woli lac bajñel lotin lac bʌ ti lac pusic'al, che' jiñi ma'añic isujmlel ti lac pusic'al.

1 Juan 2:4

Jiñi mu' bʌ i yʌl: J cʌñʌyʌch Jesús, pero mi ma'añic mi' jac' i mandar Dios, woli ti lot jiñi wiñic, ma'añic isujmlel ti' pusic'al.

1 Juan 4:20

Mi añ mu' bʌ i yʌl: Wolij c'uxbin Dios, pero mi woli' ts'a'len i yermañu, xlotʌch, come mi mach c'uxic mi yu'bin i yermañu woli bʌ i q'uele, ¿bajche' mi mejlel i c'uxbin Dios mach bʌ añic tsi' q'uele?