1 Juan 1:3 - Jiñi Tsiji' bʌ Wen T'añ cha'añ Estudio

³ jiñi q'uelel bʌ c cha'añ lojon, yic'ot jiñi ñʌch'tʌbil bʌ c cha'añ lojon, jiñʌch mu' bʌ c su'b lojon cha'añ mi lac tem ochel ti' ñopol lac Tat yic'ot Jesucristo i Yalobil Dios.

Chol de Tumbalá Bible

³ Jini q'uelel bʌ c cha'an lojon, jini ñich'tʌbil bʌ c cha'an lojon, jiñʌch mu' bʌ c subeñet lojon cha'an mi la' tem ochel quic'ot lojon ti' ñopol lac Tat yic'ot Jesucristo i Yalobil Dios.

Jiñi Tsiji' bʌ Wen T'añ cha'añ Estudio

³ jiñi q'uelel bʌ c cha'añ lojon, yic'ot jiñi ñʌch'tʌbil bʌ c cha'añ lojon, jiñʌch mu' bʌ c su'b lojon cha'añ mi lac tem ochel ti' ñopol lac Tat yic'ot Jesucristo i Yalobil Dios.

Chol Tila

³ Mi lojon c subeñetla jini tsa' bʌ lojon quilʌ, tsa' bʌ lojon cubi cha'an mi lac tyem ajñel quic'otyetla. Como isujmʌch mi lac tyem ajñel la quic'ot Dios lac Tyat yic'ot i Yalobil. Jiñʌch Jesucristo.

Chol: I T’an Dios

³ Jini q'uelel bʌ c cha'an lojon, jini ñich'tʌbil bʌ c cha'an lojon, jiñʌch mu' bʌ c subeñet lojon cha'an mi la' tem ochel quic'ot lojon ti' ñopol lac Tat yic'ot Jesucristo i Yalobil Dios.

1 Juan 1:3 Iomraidhean Croise

Juan 17:11

Mach chʌn añoñix ti pañimil, pero iliyob añob to ti pañimil, joñon cha' talon ba'añet. C Ch'ujutat, cʌntañob ti a c'aba' jiñi xñopt'añob tsa' bʌ a wʌq'ueyon cha'añ mi' yajñelob ti jump'ejl jach i pusic'al che' bajche' joñonla.

Juan 17:21

cha'añ mi' yajñelob ti jump'ejl jach i pusic'al, che' bajche' añet ti joñon c Tat, che' ja'el añon ti jatet, la' ajñicob ja'el ti joñonla ti' junmojt cha'añ mi' ñopob jiñi año' bʌ ti pañimil cha'añ jatet tsa' chocoyon tilel.

Juan 17:25

Toj bʌ c Tat, jiñi año' bʌ ti pañimil ma'añic tsi' cʌñʌyetob, joñon tsa' j cʌñʌyet, che' ja'el ili wiñicob x'ixicob yujilob cha'añ jatet tsa' chocoyon tilel.

Juan 17:3

Jiñʌch i cuxtʌlel mach bʌ añic mi' jilel che' mi' cʌñetob, jiñi cojach bʌ isujm bʌ Dios, yic'ot Jesucristo tsa' bʌ a choco tilel.

Juan 19:35

Jiñi tsa' bʌ i q'uele woli' cha' su'b, isujmʌch i t'añ; yujil cha'añ isujm chuqui mi yʌl cha'añ mi la' ñop ja'el.

Hechos 13:32

Joñon lojon ja'el mic su'b lojon jiñi wen t'añ tsa' bʌ wʌn su'bentiyob lac ñojte'el che' bʌ tsi' yʌc'ʌ xuc'ul bʌ i t'añ Dios.

Hechos 13:41

“Q'uelela xts'a'leyajet bʌ la, la' toj sajtic la' pusic'al, la' jiliquetla, come joñon woli c mel junchajp e'tel ti la' wut mach bʌ añic mi caj la' ñop anquese añ majqui mi' su'beñetla”, che'en Pablo.

Hechos 2:42

Tsi' chʌn u'bibeyob i cʌntesʌbal jiñi chocbilo' bʌ majlel ti subt'añ, tsi' wen c'uxbiyob i bʌ, tsi' chʌn xet'eyob waj yic'ot tsi' chʌn pejcayob Dios.

Hechos 20:27

ma'añic tsa' c cha'le bʌq'uen, pero ts'ʌcʌl tsa' c su'beyetla i t'añ Dios.

Hechos 4:20

come mach mejlic j cʌy c su'b lojon chuqui tsa' bʌ j q'uele lojon yic'ot tsa' bʌ cu'bi lojon.

Romanos 15:27

Tsi' ña'tayob cha'añ uts'at mi' melob ili coltaya, come añob i bet ti' tojlel israelob, come jiñi gentilob tsa' tem aq'uentiyob i wenlel ti Dios yic'otob, jiñi cha'añ yom mi' coltañob ja'el ti' chu'bʌañ jiñi hermañujob año' bʌ ti Jerusalén.

1 Corintios 1:30

Come Dios tsi' yʌq'ueyetla la' wajñel ti Cristo Jesús, Dios tsi' yʌq'ueyonla Cristo jiñʌch lac ña'tʌbal tilem bʌ ti Dios, tsa' bʌ i q'ueleyonla ti toj, tsa' bʌ i sʌc-esayonla, yic'ot tsa' bʌ i yʌc'ʌyonla ti libre,

1 Corintios 1:9

Xuc'ul Dios tsa' bʌ i pʌyʌyetla cha'añ mi la' tem ajñel yic'ot i Yalobil Jesucristo, jiñi lac Yum.

1 Corintios 15:1

Mic su'beñetla ja'el quermañujob, jiñi wen t'añ tsa' bʌ c su'beyetla, tsa' bʌ la' ch'ʌmʌ ti la' wenta, woli bʌ la' chʌn ñop;

2 Corintios 13:14

La' ajñic ti la' tojlel ti la' pejtelel i yutslel i pusic'al lac Yum Jesucristo yic'ot i c'uxbiya Dios yic'ot jiñi Ch'ujul bʌ Espíritu, la caj Pi'leya. [Amén.]

Efesios 3:6

Jiñʌch isujmlel cha'añ lajal mi caj i yʌq'ueñtelob i wenlel gentilob yic'ot israelob, come jump'ejlobix i bʌc'tal yic'ot Cristo Jesús, mi caj i tem aq'uentelob ti Cristo chuqui albil ti jiñi wen t'añ,

Filipenses 1:7

Che'ʌch yom mic chʌn ña'tañetla ti la' pejtelel ti pejtelel ora, come añetla tic pusic'al; jiñi cha'añ woli la' tajben i yutslel i pusic'al Dios quic'ot, come chʌn xuc'ulon ti jiñi wen t'añ wʌ' ba' ñup'ulon, woli c chʌn tsictesan isujmlel.

Filipenses 2:1

Jiñi cha'añ mi añ i ñuq'uesʌntel lac pusic'al ti Cristo yic'ot c'uxbiya, mi mux lac wen cʌn lac bʌ ti jiñi Espíritu, mi mux laj c'uxbin lac bʌ, mi mux lac p'untan lac bʌ,

Filipenses 3:10

Com jach j cʌn Cristo, yic'ot i p'ʌtʌlel Dios tsa' bʌ i teche ch'ojyel, com cu'bin i wocol jinto mic chʌmel lajal bajche' tsa' chʌmi,

Colosenses 1:13

Dios tsi' loc'sayonla ti' yumʌntel ic'ch'ipan bʌ pañimil, tsi' yotsayonla ti' yumʌntel jiñi c'uxbibil bʌ i Yalobil,

1 Tesalonicenses 1:10

yic'ot cha'añ mi la' pijtan i Yalobil Dios mu' bʌ caj i tilel ti panchan, jiñʌch Jesús tsa' bʌ tejchi ch'ojyel ba'añ chʌmeño' bʌ, mu' bʌ i coltañonla cha'añ ma'añic mi' tajonla i mich'ajel Dios mu' bʌ caj i tilel.

1 Timoteo 6:2

Che' ja'el jiñi x'e'telob año' bʌ i yum woli bʌ i ñop Dios, mach yomic mi' ñusʌbeñob i t'añ cha'añ laj bʌ hermañujob, pero ñumen uts'at yom mi' melbeñob i ye'tel, come c'uxbibil bʌ hermano jiñi woli bʌ i coltañ ti e'tel. Cʌntesañob ti ili t'añ, xic'beñob cha'añ mi' jac'ob.

Hebreos 2:12

tsi' yʌlʌ: “Mi caj c tsictesʌbeñob a c'aba' jiñi quermañujob, ti' tojlel jiñi tempʌbilo' bʌ mi caj j c'ʌyin a ñuclel”, che'en.

Hebreos 3:1

Jiñi cha'añ, ch'ujul bʌ hermañujob, jatetla woli bʌ la' pʌjyel ochel ti Dios, wen cʌñʌla majqui jiñi Cristo Jesús, jiñʌch apóstol, jiñʌch c'ax ñuc bʌ motomaj lac cha'añ mu' bʌ lac ñop;

Hebreos 3:14

come lac tem cha'añʌch i yutslel i pusic'al Dios la quic'ot Cristo, cha'añ c'ʌlʌl ti' jilibal mi lac chʌn ñop che' bajche' ti ñaxan ti' xuc'tʌlel lac pusic'al.

1 Pedro 5:1

Ti wocol t'añ mic su'beñob ancianojob ti la' tojlel, come ancianojon ja'el, che' ja'el testigojon cha'añ tsi' cuchu wocol Cristo, joñon ja'el mi caj cʌq'uentel c ñuclel yic'ot Cristo che' mi' tsictiyel:

2 Pedro 1:16

Ma'añic tsa' c jop'o lojon mayajax bʌ t'añ che' bʌ tsa' c su'beyet lojon i p'ʌtʌlel lac Yum Jesucristo mu' bʌ caj i cha' tilel ti' ñuclel i yumʌntel, pero tsa' c su'beyetla jiñi tsa' bʌ j q'uele lojon tic wut.

1 Juan 1:1

Mic ts'ijbubeñetla ili juñ cha'añ mi cʌq'ueñetla la' cʌn jiñi T'añ am bʌ ti' cajibal, jiñʌch tsa' bʌ cu'bi lojon, tsa' bʌ j q'uele lojon tic wut, jiñi tsa' bʌ j q'uelbe lojon i ñuclel, jiñi tʌlʌl bʌ c cha'añ lojon. Jiñʌch jiñi T'añ mu' bʌ yʌq'ueñonla laj cuxtʌlel,

1 Juan 1:5

Jiñʌch tsa' bʌ cu'bi lojon ti' tojlel Jesús woli bʌ c su'b lojon: Dios i sʌclelʌch pañimil, ma'añic i yi'ic'lel mi ts'ita'ic.

1 Juan 1:7

Pero mi woliyonla ti xʌmbal ti' sʌclel pañimil, che' bajche' mi' yajñel Dios ti' sʌclel pañimil, che' jiñi mi lac wen cʌn lac bʌ, i ch'ich'el Jesucristo i Yalobil Dios woli' sʌc-esañonla ti pejtelel mulil.