Numeros 8:2 - Jiñi Tsiji' bʌ Wen T'añ cha'añ Estudio

² “Yom ma' pejcan Aarón, su'ben: Che' bʌ ma' ts'ʌ'b jiñi c'ajc am bʌ wucp'ejl i yajñib, yom mi' pʌs i c'ʌc'al ti' tojel a wut”.

Numeros 8:2 Iomraidhean Croise

Exodo 25:37

Mi caj a mel wucts'ijt ba' mi' tsujq'uel jiñi c'ajc, cha'añ mi la' tsuc' cha'añ mi' pʌs i c'ʌc'al.

Exodo 37:23

Che' ja'el tsi' mele ti puro oro jiñi wucts'ijt ba' mi' lejmel jiñi c'ajc, yic'ot mu' bʌ i c'ʌn i yʌp jiñi c'ajc yic'ot i yajñib i tʌñʌl.

Exodo 39:37

yic'ot i c'ʌclib jiñi lámpara tac melbil bʌ ti oro, yic'ot jiñi lámpara tac, yic'ot olivo aceite cha'añ c'ajc, jiñi lámpara tac yic'ot jiñi yan tac bʌ mu' bʌ i c'ʌjñel yom wen tsolbil;

Exodo 40:25

yic'ot tsi' tsuc'u jiñi lámpara tac ti' tojlel lac Yum, che' bajche' lac Yum tsi' yʌq'ue mandar Moisés.

Levitico 24:4

Ya' ti yajñib melbil bʌ ti oro yom mi yajñel jiñi lámpara tac ts'ʌ'bil bʌ tic tojlel ti pejtelel ora.”

Numeros 8:1

Lac Yum tsi' pejca Moisés, tsi' su'be:

Numeros 8:3

Che'ʌch tsi' mele Aarón: Tsi' ts'ʌ'bʌ jiñi c'ajc tac tsolol bʌ ti' yajñib, che' bajche' tsi' su'be Moisés jiñi lac Yum.

Mateo 5:14

Jatetla i sʌcleletla pañimil. Jump'ejl tejclum wa'chocobil bʌ ti' pam wits mach mejlic i yajñel ti mucul.

Juan 1:9

Jiñi isujm bʌ i sʌclel pañimil, tsa' tili cha'añ mi' yʌq'ueñob i sʌclel pañimil pejtelel wiñicob x'ixicob

2 Pedro 1:19

Jiñi cha'añ ñumen xuc'ulonla cha'añ ti' t'añ x'alt'añob, come woli ti ts'ʌctiyel ti' tojel lac wut, yom mi la' wen p'is ti' wenta i t'añ, come lajalʌch i c'ʌjñibal bajche' lámpara mu' bʌ i pʌsbeñonla i sʌclel ti ac'ʌlel jinto mi' sʌc'an pañimil, jinto mi' tsictiyel Cristo che' bajche' Ñoj Ec' ti la' pusic'al.

Apocalipsis 1:12

Tsa' c sutq'ui c bʌ cha'añ mij q'uel majqui woli' pejcañon. Che' bʌ tsa' c sutq'ui c bʌ tsa' q'uele wucts'ijt lámpara melbil bʌ ti oro.

Apocalipsis 1:20

Mi caj c su'beñet isujmlel jiñi wucp'ejl ec' tsa' bʌ a q'uele ti ñoj bʌ j c'ʌb, yic'ot jiñi wucts'ijt lámpara melbil bʌ ti oro: Jiñi wucp'ejl ec' jiñʌch ángelob mu' bʌ i yajñel yic'ot jiñi wucmojt xñopt'añob; Jiñi wucts'ijt lámpara tsa' bʌ a q'uele, jiñʌch wucmojt xñopt'añob mu' bʌ i tempañob i bʌ.

Apocalipsis 4:5

Ti' buchlib Dios, tsa' loq'ui i xu'il chajc yic'ot ca'bʌl t'añ yic'ot i t'añ chajc, ya' ti' tojel i buchlib woli ti lejmel wucp'ejl lámpara, jiñʌch i yejtal jiñi wuctiquil espíritu i cha'añ Dios.