Numeros 8:12 - Jiñi Tsiji' bʌ Wen T'añ cha'añ Estudio

¹² Ti wi'il jiñi levijob mi caj i yʌc'ob i c'ʌb ya' ti' jol jiñi cha'cojt tat wacax: Juncojt mi caj a wʌc' cha'añ i ñusʌntel mulil, jiñi yam bʌ mi caj a pulbeñon tic majtañ, cha'añ mi' ñusʌbentelob i mul jiñi levijob.

Chol de Tumbalá Bible

¹² Jini levíjob mi caj i yʌc'ob i c'ʌb ya' ti' jol cha'cojt alʌ tat wacax. Muq'uix a tsʌnsan juncojt cha'an mulil. Yambʌ mi caj a tsʌnsan cha'an pulbil bʌ c majtan, cha'an che' jini tojbil mi' cʌytʌl i mul jini levíjob.

Chol: I T’an Dios

¹² Jini levíjob mi caj i yʌc'ob i c'ʌb ya' ti' jol cha'cojt alʌ tat wacax. Muq'uix a tsʌnsan juncojt cha'an mulil. Yambʌ mi caj a tsʌnsan cha'an pulbil bʌ c majtan, cha'an che' jini tojbil mi' cʌytʌl i mul jini levíjob.

Numeros 8:12 Iomraidhean Croise

Exodo 29:10

Ti wi'il mi caj a pʌy majlel jiñi alʌ tat wacax ba'añ jiñi Tabernáculo ba' mi' tempañob i bʌ, jiñi Aarón yic'ot i yalobilob mi caj i yʌc'ob i c'ʌb ya' ti' jol jiñi alʌ tat wacax.

Levitico 1:4

Jiñi woli bʌ i yʌq'ueñon wacax, yom mi' c'ʌcchocon i c'ʌb ya' ti' jol jiñi majtañʌl. Che' jiñi mi caj c ch'ʌm jiñi alʌc'ʌl ti' q'uexol jiñi wiñic cha'añ mi' ñusʌbentel i mul.

Levitico 14:22

che' ja'el yom mi' ch'ʌm tilel cha'cojt xpurwoc o cha'cojt x'ujcuts, che' bajche' mi' mejlel i cha'añ; juncojt cha'añ i ñusʌntel i mul, jiñi yam bʌ jiñʌch cha'añ pulbil bʌ majtañʌl.

Levitico 16:11

“Aarón mi caj i yʌc' ti tsʌnsʌntel jiñi alʌ tat wacax cha'añ i bajñel ñusʌntel i mul yic'ot jiñi año' bʌ ti' yotot; mi caj i jec' cha'añ i q'uexol i mul.

Levitico 16:21

Aarón mi caj i c'ʌcchocon ti' cha'ts'ijtlel i c'ʌb ti' jol jiñi tat chivo cuxul to bʌ, mi caj i tsictesan pejtelel i mul israelob yic'ot i ñusa t'añob. Che'ʌch mi yʌc' ti' jol jiñi tat chivo, mi caj i choc majlel ti jochol bʌ lum ti' wenta juntiquil wiñic wa'chocobil bʌ.

Levitico 16:6

Aarón mi caj i yʌq'ueñon jiñi tat wacax cha'añ i ñusʌntel i mul yic'ot jiñi año' bʌ ti yotot.

Levitico 4:15

Jiñi xñoxob ya' ti tejclum mi caj i c'ʌcchocoñob i c'ʌb ya' ti' jol jiñi alʌ tat wacax, che' jiñi mi' tsʌnsañob ya' tic tojlel.

Levitico 4:20

che'ʌch mi caj i mel ja'el yic'ot jiñi alʌ tat wacax che' bajche' tsi' mele yic'ot jiñi majtañʌl cha'añ i ñusʌntel mulil. Che'ʌch mi caj i mel jiñi motomaj cha'añ mi' ñusʌbentelob i mul ti' pejtelelob.

Levitico 4:35

Mi caj i loc'sʌben pejtelel i lewil jiñi majtañʌl che' bajche' tsa' loc'sʌbenti i lewil jiñi majtañʌl cha'añ i ñʌch'tʌlel la' pusic'al. Añ ti' wenta jiñi motomaj cha'añ mi' pul ya' ti pulʌntib che' bajche' yan tac bʌ pulbil bʌ c majtañ. Che'ʌch mi caj i mel jiñi motomaj, cha'añ i ñusʌntel mulil, che' jiñi mi caj i ñusʌbentel i mul jiñi wiñic.”

Levitico 4:4

Yom mi' pʌy tilel jiñi alʌ tat wacax ya' ti ti' jiñi Tabernáculo ba' mi la' tempan la' bʌ tic tojlel, mi caj i c'ʌcchocon i c'ʌb ya' ti' jol jiñi alʌ tat wacax, che' jiñi mi caj i tsʌnsan tic tojlel.

Levitico 5:7

“Mi ma'añic mi' tajben i tojol cha'añ mi' mʌn jiñi tʌñʌme', che' jiñi mi caj i yʌq'ueñon cha'cojt xpurwoc o cha'cojt x'ujcuts cha'añ mi' ñusʌbentel i mul tsa' bʌ i mele, juncojt jiñʌch majtañʌl cha'añ i ñusʌntel mulil, jiñi yam bʌ jiñʌch majtañʌl mu' bʌ i pulel.

Levitico 8:14

Ti wi'il tsi' c'ajti cha'añ mi' ch'ʌjmel tilel jiñi alʌ tat wacax, jiñi majtañʌl cha'añ i ñusʌntel mulil, jiñi cha'añ Aarón yic'ot i yalobilob tsi' yʌc'ʌyob i c'ʌb ya' ti' jol jiñi alʌ tat wacax cha'añ mi' ñusʌbentelob i mul,

Levitico 8:15

che' jiñi Moisés tsi' tsʌnsa jiñi alʌ tat wacax, tsi' ts'aja i yal i c'ʌb ti' ch'ich'el, tsa' caji i bomben i xulub am bʌ ti' xujc tac jiñi pulʌntib cha'añ mi' sʌc-esan. Tsi' beq'ue i colojbal jiñi ch'ich' ya' ti' ye'bal jiñi pulʌntib. Che'ʌch tsi' sʌc-esa cha'añ i ñusʌntel mulil.

Levitico 8:18

Ti wi'il Moisés tsi' pʌyʌ tilel jiñi tat tʌñʌme' cha'añ mi' pulben lac Yum. Aarón yic'ot i yalobilob tsi' c'ʌcchocoyob i c'ʌb ya' ti' jol jiñi tat tʌñʌme'.

Levitico 8:34

Jiñi woli bʌ i yujtel wʌle, jiñʌch tsa' bʌ i yʌlʌ lac Yum cha'añ mi' tojtʌl la' mul.

Levitico 9:7

Ti wi'il Moisés tsi' su'be Aarón: “Lʌc'tesan a bʌ ya' ti' t'ejl jiñi pulʌntib, aq'uen tsʌnsʌbil bʌ i majtañ cha'añ i ñusʌntel a mul yic'ot jiñi pulbil bʌ majtañʌl cha'añ jiñi tejclum yic'ot cha'añet; aq'uen ja'el i majtañ lac Yum cha'añ i ñusʌntel i mul pejtelel wiñicob x'ixicob, che' bajche' tsi' yʌc'ʌ mandar lac Yum.”

Numeros 6:14

mi caj i yʌq'ueñon juncojt tʌñʌme' am bʌ jump'ejl i ja'bilel, mach bʌ wis añic i bi'bi'lel mi i c'am-ʌjel cha'añ c majtañ mu' bʌ i pulel yic'ot mi caj i yʌq'ueñon xch'oc tʌñʌme' am bʌ jump'ejl i ja'bilel, mach bʌ wis añic i bi'bi'lel mi i c'am-ʌjel cha'añ mi' ñusʌbentel i mul yic'ot mi caj i yʌq'ueñon juncojt tat tʌñʌme' c'oc' bʌ, cha'añ c majtañ mu' bʌ i yʌq'ueñ i ñʌch'tʌlel i pusic'al.

Numeros 6:16

Jiñi motomaj mi' caj i yʌq'ueñon pulbil bʌ c majtañ cha'añ i ñusʌbentel i mul.

Numeros 8:13

Ti wi'il mi caj a wʌc'ob jiñi levijob ti' tojlel Aarón yic'ot i yalobilob, cha'añ ma' wʌc'ob che' bajche' c majtañ.

Numeros 8:8

Ti wi'il mi caj i pʌyob tilel juncojt tat wacax, yic'ot majtañʌl bʌ harina wen chʌmeñ bʌ juch'bil xajc'ubil bʌ yic'ot olivo aceite, ixcu jatet mi caj a pʌy tilel yam bʌ tat wacax cha'añ i ñusʌntel mulil.

Hebreos 9:22

Che' bajche' mi' yʌl jiñi mandar, cojach yic'ot ch'ich' mi' sʌc-esʌntel ti pejtelel; machic mi' bejq'uel i ch'ich'el i majtañ Dios, ma'añic i ñusʌntel mulil.