Numeros 6:12 - Jiñi Tsiji' bʌ Wen T'añ cha'añ Estudio

¹² mi' caj i sʌc-esʌntel tic tojlel cha'añ mi' ts'ʌctesan i ye'tel ti nazareo che' bajche' jayp'ejl q'uiñ tsi' wʌn ña'ta, mi' caj i pʌy tilel juncojt tʌñʌme' am bʌ jump'ejl i ja'bilel cha'añ mi' ñusʌbentel i mul. Jiñi ñaxan bʌ q'uiñ tac che' bʌ tsa' ochi ti nazareo ma'añix mi' ch'ʌjmel ti' wenta, come tsa' bi'b-esʌnti.”

Chol de Tumbalá Bible

¹² Che' jini mi' cha' cajel i sʌq'uesan i jol tic tojlel cha'an mi' ts'ʌctesan i ye'tel ti nazareo che' bajche' jayp'ejl q'uin tsi' wʌn ña'ta. Wersa mi' pʌy tilel juncojt tat tiñʌme' am bʌ jump'ejl i jabilel cha'an mi' ñusʌbentel i mul. Jini ñaxan bʌ q'uin tac che' bʌ tsa' ochi ti nazareo ma'anix mi' ch'ʌjmel ti wenta, come tsa' bib'esʌnti.

Chol: I T’an Dios

¹² Che' jini mi' cha' cajel i sʌq'uesan i jol tic tojlel cha'an mi' ts'ʌctesan i ye'tel ti nazareo che' bajche' jayp'ejl q'uin tsi' wʌn ña'ta. Wersa mi' pʌy tilel juncojt tat tiñʌme' am bʌ jump'ejl i jabilel cha'an mi' ñusʌbentel i mul. Jini ñaxan bʌ q'uin tac che' bʌ tsa' ochi ti nazareo ma'anix mi' ch'ʌjmel ti wenta, come tsa' bib'esʌnti.

Numeros 6:12 Iomraidhean Croise

Exodo 12:5

Jiñi alʌc'ʌl mach yomic i p'ajomal, yom i tat jump'ejl bʌ i ja'bilel; mi tʌñʌme' mi chivo.

Levitico 14:24

Jiñi motomaj mi caj i ch'ʌm jiñi tʌñʌme' cha'añ i tojol i ñusʌntel mandar yic'ot ojlil litro olivo aceite, mi caj i jʌmts'un ti' tojel jiñi pulʌntib che' bajche' jʌmts'ubil bʌ majtañʌl tic tojlel.

Levitico 5:6

yic'ot yom mi yʌc' tic tojlel jump'ejl ofrenda cha'añ i ñusʌntel i mul tsa' bʌ i mele, yom juncojt xch'oc tʌñʌme' o xch'oc chivo. Che'ʌch mi caj i mel jiñi motomaj cha'añ mi' ñusʌbentel i mul jiñi wiñic.”

Levitico 5:7

“Mi ma'añic mi' tajben i tojol cha'añ mi' mʌn jiñi tʌñʌme', che' jiñi mi caj i yʌq'ueñon cha'cojt xpurwoc o cha'cojt x'ujcuts cha'añ mi' ñusʌbentel i mul tsa' bʌ i mele, juncojt jiñʌch majtañʌl cha'añ i ñusʌntel mulil, jiñi yam bʌ jiñʌch majtañʌl mu' bʌ i pulel.

Numeros 6:11

Jiñi motomaj mi caj i yʌc' juncojt cha'añ i ñusʌntel mulil, Jiñi yam bʌ mi caj i pul, che' jiñi mi caj i yʌc' ti ñusʌbentel i mul cha'añ ti' caj jiñi tsa' bʌ chʌmi ti' t'ejl. Ti jiñi q'uiñ mi caj i cha' sʌc-esʌntel i tsutsel i jol:

Numeros 6:13

“Jiñʌch mandar che' bajche' yom mi' mel juntiquil nazareo che' mi' ts'ʌctiyel i q'uiñilel cha'añ mi' loq'uel ti' ye'tel: Mi caj i tilel ti ti' jiñi Tabernáculo ba' mi la' tempan la' bʌ,

Mateo 24:13

Pero jiñi chʌn xuc'ul bʌ mi yajñel c'ʌlʌl ti' jilibal, mi caj i coltʌntel.

Mateo 3:15

Jesús tsi' su'be Juan: —La' aq'uenticon ch'ʌmja' wʌle. Come che'ʌch yom mi lac mel cha'añ mi lac ts'ʌctesan pejtelel chuqui toj. Juan tsi' jac'ʌ i yʌq'ueñ ch'ʌmja' che' bajche' tsi' c'ajti.

Santiago 2:10

Majqui jach mi' ts'ita' ñusan jump'ejl mandar anquese mi' laj jac' jiñi yan tac bʌ, añ i mul ti' tojlel pejtelel jiñi mandar cha'añ tsi' ñusa jump'ejl.

2 Juan 1:8

Chʌcʌ q'uele la' bʌ cha'añ ma'añic mi la' wʌc' ti sajtel jiñi wen t'añ che' bajche' tsa' cʌntesayet lojon cha'añ ts'ʌcʌl mi la' taj la' chobejtʌbal.