Numeros 5:9 - Jiñi Tsiji' bʌ Wen T'añ cha'añ Estudio

⁹ “Baqui jach bʌ majtañʌl tac ch'ujul bʌ mu' bʌ i yʌc'ob i yalobilob Israel, i cha'añʌch jiñi motomajob.

Chol de Tumbalá Bible

^9-10 Pejtelel jini majtañʌl tac yic'ot ch'ujul tac bʌ mu' bʌ i yʌc'ob jini israelob, i cha'añʌch jini motomajob, che'en lac Yum Dios.

Chol: I T’an Dios

^9-10 Pejtelel jini majtañʌl tac yic'ot ch'ujul tac bʌ mu' bʌ i yʌc'ob jini israelob, i cha'añʌch jini motomajob, che'en lac Yum Dios.

Numeros 5:9 Iomraidhean Croise

Exodo 29:28

come i cha'añʌch Aarón yic'ot i yalobilob, che' bajche' tsa' su'bentiyob israelob ti pejtelel ora, come jiñʌch yajcʌbil bʌ majtañʌl. Jiñʌch majtañʌl mu' bʌ i yʌc'ob jiñi israelob cha'añ mi' yʌq'ueñob wocolix i yʌlʌ lac Yum.

Levitico 10:13

Jiñi cha'añ yom mi la' c'ux ya' ti Ch'ujul bʌ Ajñibʌl, come jiñʌch tsa' bʌ aq'uentiyetla cha'añ mi la' c'ux, jatetla yic'ot ch'itoñ bʌ la' walobilob. Loq'uemʌch ti pulbil tac bʌ i majtañ lac Yum che' bajche' tsi' su'beyon.

Levitico 10:14

Pero i bʌc'tal i tajñ yic'ot i ya' jʌmts'ubil bʌ ti' tojlel lac Yum mi' mejlel la' c'ux jatet, yic'ot ch'itoñ bʌ yic'ot xch'oc bʌ la' walobilob baqui jach la' wom ya' ba' sʌc jiñi ajñibʌl, come ti isujm la' cha'añʌch cha'añ i bʌl la' ñʌc'. Loq'uemʌch ti' majtañ lac Yum mu' bʌ i yʌc'ob i yalobilob Israel cha'añ i ñʌch'tʌlelob i pusic'al.

Levitico 10:15

Mi caj i ch'ʌmob tilel jiñi i ya' yic'ot i tajñ tsa' bʌ aq'uenti lac Yum che' bʌ tsa' puli i lewil. Che' bʌ tsa'ix i jʌmts'uyob ti' tojlel lac Yum mi caj la' ch'ʌm yic'ot la' pi'ʌlob, come che'ʌch tsi' yʌc'ʌ mandar lac Yum.”

Levitico 6:26

Mi caj i c'ux jiñi motomaj jiñi majtañʌl mu' bʌ i yʌjq'uel cha'añ mulil; mi caj i c'uxe' ya' ti ch'ujul bʌ ajñibʌl, ya' ti' pat jiñi pisil bʌ cotot ba' mi la' tempan la' bʌ.

Levitico 7:32

Aq'uenla jiñi motomaj che' bajche' lotbil bʌ ofrenda, jiñi ñoj bʌ i ya' cha'añ mic su'bentel wocolix cʌlʌ.

Levitico 7:34

Joñon woli cʌq'ueñob motomajob i tajñ c majtañ mu' bʌ i jʌmts'untel yic'ot i bʌc'tal i ya' mu' bʌ i yʌq'ueñoñob jiñi israelob, tsa' cʌq'ueyob ti' wenta jiñi motomaj Aarón yic'ot i yalobilob. Jiñʌch mandar yom bʌ mi jajq'uel ti pejtelel ora ti' tojlel jiñi israelob.”

Numeros 18:19

Pejtelel jiñi ch'ujul tac bʌ majtañʌl mu' bʌ i yʌq'ueñoñob jiñi israelob, tsa'ix cʌq'ueyet ti a wenta, yic'ot ti' tojlel jiñi ch'itoñ bʌ yic'ot xch'oc bʌ la' walobilob, jiñʌch c mandar ti pejtelel ora. Jiñʌch jump'ejl xuc'ul bʌ c t'añ ti pejtelel ora am bʌ i yʌts'mil cha'añet yic'ot cha'añ a p'olbal.”

Numeros 31:41

Pejtelel jiñi tsa' bʌ tempʌyi i majtañ bʌ lac Yum, tsa' aq'uenti jiñi motomaj Eleazar che' bajche' lac Yum tsi' su'be Moisés.

Numeros 5:8

Pero mi tsa'ix chʌmi jiñi wiñic tsa' bʌ xujch'inti, mi ma'añix i cʌñʌ bʌ mu' bʌ i mejlel i ch'ʌmben, che' jiñi la'ix aq'uentic jiñi motomaj yic'ot juncojt tʌñʌme' cha'añ i ñusʌntel i mul.”

Deuteronomio 12:26

Pero jiñi tsa'ix bʌ a cʌyʌ cha'añ ma' wʌq'uen lac Yum yic'ot jiñi ofrenda tac tsa' bʌ la' wʌn alʌ cha'añ mi la' wʌc', mi caj la' ch'ʌm majlel ti jiñi ajñibʌl tsa' bʌ i yajca lac Yum.