Numeros 5:2 - Jiñi Tsiji' bʌ Wen T'añ cha'añ Estudio

² “Ya' ba' jijlemetla su'beñob pejtelel jiñi israelob cha'añ mi' chocob loq'uel pejtelel año' bʌ leco bʌ i tsoy, yic'ot pejtelel wiñicob año' bʌ i c'am-ʌjel ti' wiñiclel, yic'ot pejtelel tsa' bʌ i tʌlʌ xchʌmel,

Numeros 5:2 Iomraidhean Croise

Levitico 13:45

Jiñi am bʌ leco bʌ i tsoy yom mi' lʌp tsijlemix bʌ i bujc yic'ot mach yomic mosbil i jol. Che' ts'ita' mosbil i wut mi caj i yʌl ti c'am bʌ t'añ: “¡Bi'bi'oñix! ¡Bi'bi'oñix!”

Levitico 13:46

Ti pejtelel ora che' añ to leco bʌ i tsoy, bi'bi' mi yajñel yic'ot mi' bajñel chumtʌl ti' pat jiñi tejclum.

Levitico 13:8

Che' mi' cha' q'uel jiñi motomaj, mi tsi' q'uele tsa'ix utsi pam pujqui ti pejtelel i pʌchʌlel, mi caj i tsictesan cha'añ bi'bi'ix jiñi wiñic: come añ leco bʌ i tsoy.”

Levitico 14:8

“Jiñi wiñic tsa' bʌ lajmi mi caj i wuts' i pislel, mi caj i jujchin pejtelel i tsutsel i bʌc'tal, mi caj i cha'len ts'ʌmel, che' jiñi sʌc mi' cʌytʌl. Ti wi'il mi caj i cha' ochel ti' mal jiñi tejclum, pero yom to mi' ñumel wucp'ejl q'uiñ cha'añ mi' cha' ochel ti yotot.

Levitico 21:1

Lac Yum tsi' su'be Moisés: “Pejcañob jiñi motomajob i yalobilob Aarón, yic'ot su'beñob cha'añ mach yomic mi' bi'b-esañob i bʌ che' mi' tʌlob xchʌmel ti' tojlel i pi'ʌlob,

Levitico 23:29

Pejtelel jiñi mach bʌ añic mi' cha'len ch'ajb ti ili q'uiñ, la' chojquic loq'uel ti' tojlel i pi'ʌlob.

Numeros 12:10

Ti ora jach tsi' tʌts'ʌ i bʌ jiñi tocal ti' tojlel jiñi Tabernáculo. Awilan María añix i cha'añ jiñi leco bʌ tsoy, i pʌchʌlel wen sʌsʌc tsa' sujti che' bajche' i ña'al tsʌñal. Che' bʌ tsi' q'uele Aarón añix leco bʌ tsoy ti' pʌchʌlel María,

Numeros 12:14

Lac Yum tsi' jac'be Moisés: “Tsa'ic tujbʌbenti i wut jiñi x'ixic cha'añ i tat, ¿mach ba muq'uic i yʌjq'uel ti quisin wucp'ejl q'uiñ? La' chojquic loq'uel wucp'ejl q'uiñ ya' ba' chumuletla, ti wi'il, yom mi' cha' ochel ya' ba' chumuletla.”

Numeros 31:19

Ixcu jatetla mic su'beñetla, majqui jach tsi' tsʌnsa juntiquil wiñic, yic'ot majqui jach tsi' tʌlʌ juntiquil xchʌmel, mi caj i yajñel wucp'ejl q'uiñ ti pat jiñi tejclum. Mi caj la' sʌc-esan la' bʌ che' ti yuxp'ejlel q'uiñ yic'ot che' ti wucp'ejlel q'uiñ, jatetla yic'ot jiñi tsa' bʌ la' pʌyʌyob tilel.

Numeros 5:1

Lac Yum tsi' pejca Moisés, tsi' su'be: