Numeros 3:9 - Jiñi Tsiji' bʌ Wen T'añ cha'añ Estudio

⁹ Mi caj a wʌc'ob levijob ti' tojlel Aarón yic'ot i yalobilob, come jiñobʌch jiñi wa'chocobilo' bʌ ti' tojlel i yalobilob Israel.

Numeros 3:9 Iomraidhean Croise

Numeros 16:9

¿Mu' ba la' q'uel ti lolom che' bʌ Dios tsi' yajcayetla ti' tojlel pejtelel israelob cha'añ mi la' wajñel ti' tojlel Dios cha'añ mi' la' melben i ye'tel ti' Tabernáculo yic'ot cha'añ mi la' wajñel ti' tojlel israelob cha'añ mi la' mel la' we'tel ti' tojlelob?

Numeros 18:2

Su'ben i lʌc'tesañob i bʌ ja'el a pi'ʌlob ti a tojlel cha'añ mi' tempañob i bʌ a wic'ot, jiñi i p'olbalo' bʌ Leví i ñojte'el a tat, la' i coltañetob ti a we'tel; jatet yic'ot a walobilob mi cajel la' mel la' we'tel ya' ti tabernáculo ba' lotol jiñi Mandar.

Numeros 3:8

Mi caj i cʌntañob pejtelel chuqui tac mi' c'ʌjñel ya' ti Tabernáculo ba' mi' tempañob i bʌ, yic'ot pejtelel aq'uebilo' bʌ ti' wenta ti' tojlel i yalobilob Israel. Añob ti' wenta cha'añ mi' melbeñob i ye'tel lac Yum ya' ti Tabernáculo.

Numeros 8:14

Che'ʌch mi caj a pʌy loq'uel jiñi levijob ti' tojlel israelob, che' jiñi c cha'añobix mi' cʌytʌl jiñi levijob.

Numeros 8:16

Come ti' pejtelelob jiñi levijob c cha'añobʌch, i q'uexolobʌch ñaxan bʌ alʌlob tsa' bʌ i yilayob pañimil ti' tojlel israelob; tsa' c pʌyʌ jiñi levijob cha'añ mi' yajñelob tic tojlel i wenta jiñi ñaxan bʌ alʌlob ti Israel.

Numeros 8:18

Jiñi cha'añ c cha'añobʌch pejtelel jiñi levijob, i q'uexolobʌch pejtelel jiñi ñaxan bʌ i yalobilob israelob.

Numeros 8:19

Joñon tsa' cʌc'ʌyob jiñi levijob ti' wenta Aarón yic'ot i yalobilob che' bajche' i majtañob cha'añ mi' cha'leñob e'tel ti jiñi Tabernáculo ba' mi la' tempan la' bʌ yic'ot cha'añ mi yʌq'ueñoñob c majtañ tac cha'añ i mul israelob, cha'añ ma'añic mi' tajob wocol jiñi israelob che' ba' ora mi' lʌc'tesañob i bʌ ti jiñi Ch'ujul bʌ Ajñibʌl.”

Efesios 4:11

Jiñʌch jiñi tsa' bʌ i yʌq'ueyob i ye'tel wiñicob: ti apóstolob, ti x'alt'añob, ti subt'añob, ti xcʌntayajob, yic'ot ti xcʌntesajob,

Efesios 4:8

Jiñi cha'añ tsi' yʌlʌ ti salmo: “Che' bʌ tsa' letsi majlel Cristo ti panchan, tsi' pʌyʌ majlel cʌchbilo' bʌ ti yam bʌ ora, yic'ot tsi' yʌq'ueyob i c'ʌjñibal wiñicob x'ixicob.”