Numeros 3:8 - Jiñi Tsiji' bʌ Wen T'añ cha'añ Estudio

⁸ Mi caj i cʌntañob pejtelel chuqui tac mi' c'ʌjñel ya' ti Tabernáculo ba' mi' tempañob i bʌ, yic'ot pejtelel aq'uebilo' bʌ ti' wenta ti' tojlel i yalobilob Israel. Añob ti' wenta cha'añ mi' melbeñob i ye'tel lac Yum ya' ti Tabernáculo.

Numeros 3:8 Iomraidhean Croise

Numeros 10:17

Che' bʌ chejbilix jiñi Tabernáculo, jiñi i yalobilob Gersón yic'ot i yalobilob Merari, tsi' q'uecheyob majlel.

Numeros 10:21

Ti wi'il tsa' loq'uiyob majlel ja'el i p'olbal Coat jiñi woli bʌ i q'uechob majlel jiñi Ch'ujul bʌ i bʌl Tabernáculo; che' bʌ tsa' c'otiyob, jiñi yaño' bʌ tsa'ix i wa'chocoyob jiñi Tabernáculo.

Numeros 3:7

Mi caj i coltañob Aarón yic'ot pejtelel israelob che' ya'añob ti Tabernáculo ba' mi' tempañob i bʌ. Añob ti' wenta jiñi e'tel ya' ti Tabernáculo.

Numeros 3:9

Mi caj a wʌc'ob levijob ti' tojlel Aarón yic'ot i yalobilob, come jiñobʌch jiñi wa'chocobilo' bʌ ti' tojlel i yalobilob Israel.

Numeros 31:30

Ti jiñi ojlil mu' bʌ i yʌq'uentel israelob, mi caj a loc'san juntiquil ti jiñi lujuntiquil i yuxc'al tac xch'octacob, che'ʌch ja'el mi caj a loc'san ti jiñi tat wacax, ti jiñi burro tac, ti jiñi tʌñʌme' tac yic'ot ti pejtelel alʌc'ʌl tac; mi caj a wʌq'ueñob jiñi levijob mu' bʌ i cha'leñob e'tel tic Tabernáculo.”

Numeros 4:15

Ti wi'il Aarón yic'ot i yalobilob, che' bʌ tsa'ix ujti i mosob jiñi Ch'ujul bʌ Ajñibʌl yic'ot pejtelel mu' bʌ i c'ʌjñel ya' ti Ch'ujul bʌ Ajñibʌl, che' muq'uix cajel i techob i xʌmbal jiñi israelob, mi caj i tilelob i yalobilob Coat cha'añ mi' ch'ʌmob majlel, pero mach yomic mi' tʌlob jiñi ch'ujul tac bʌ, ame chʌmicob. Jiñi e'tel mu' bʌ caj i melob i p'olbalob Coat jiñʌch cha'añ mi' ch'ʌmob majlel jiñi Tabernáculo ba' mi la' tempan la' bʌ.

Numeros 4:28

Añ ti' wenta Itamar i yalobil jiñi motomaj Aarón cha'añ mi' q'uel bajche' mi' melob i ye'tel i yalobilob Gersón ya' ti Tabernáculo ba' mi la' tempan la' bʌ.”

Numeros 4:33

Jiñʌch ili e'tel mu' bʌ caj i melob i yalobilob Merari ya' ti Tabernáculo ba' mi la' tempan la' bʌ. Añ ti' wenta Itamar i yalobil Aarón jiñi motomaj cha'añ mi' q'uelbeñob i ye'tel.”