Numeros 3:13 - Jiñi Tsiji' bʌ Wen T'añ cha'añ Estudio

¹³ come c cha'añʌch pejtelel jiñi ñaxan bʌ alʌlob ti Israel. C'ʌlʌl ti jiñi q'uiñ che' bʌ tsa' c tsʌnsa pejtelel jiñi ñaxan bʌ alʌlob ti Egipto, tsa' c yajca cha'añ que'tel pejtelel ñaxan bʌ alʌlob ti Israel yic'ot ñaxan bʌ i yal alʌc'ʌl. C cha'añobʌch. Joñon, la' Yumon.”

Numeros 3:13 Iomraidhean Croise

Exodo 13:12

mi caj la' wʌq'uen lac Yum jiñi ñaxan bʌ la' walobil. Che' ja'el, pejtelel ñaxan tac bʌ i yal la' wʌlac', mi' tat, i cha'añʌch lac Yum.

Exodo 13:15

come che' ba' ora faraón tsi' tsʌts-esa i pusic'al cha'añ ma'añic mi yʌc'onla ti loq'uel, lac Yum tsi' tsʌnsa pejtelel ñaxan bʌ ch'itoñ bʌ i yalobilob egiptojob yic'ot pejtelel ñaxan bʌ i yal i yʌlac'ob. Jiñi cha'añ mi la cʌq'uen lac Yum pejtelel ñaxan tac bʌ i yal la cʌlac' i tat bʌ, yic'ot mi laj q'uex pejtelel ñaxan bʌ ch'itoñ bʌ la calobilob.

Exodo 13:2

“Aq'ueñon pejtelel jiñi ñaxan bʌ mi' yilan pañimil. Pejtelel alʌlob ñaxan bʌ mi yilañob pañimil ti' tojlel israelob yic'ot ñaxan bʌ i yal alʌc'ʌl, c cha'añʌch.”

Exodo 22:29

Che' i yorajlelix c'ajbal mach mi' jal-añ c majtañ yom bʌ mi la' wʌq'ueñon, jiñʌch ñaxan bʌ i wut la' pʌc'ʌb yic'ot i ya'lel la' ts'usub. Aq'ueñon ja'el jiñi ascuñʌl bʌ la' walobilob.

Exodo 34:19

Pejtelel jiñi ñaxan bʌ mi' yilan pañimil, c cha'añʌch; yic'ot ñaxan bʌ i yal la' wacax yic'ot la' tʌñʌme', pero yom i tat bʌ.

Levitico 27:26

“Pero jiñi ñaxan tac bʌ i yal la' wʌlac', c cha'añʌch, mach mejlic la' wʌq'ueñon come c cha'añʌch; mi' tat wacax o mi tʌñʌme' c cha'añʌch.

Numeros 18:15

“Pejtelel ñaxan bʌ mi yilan pañimil, mi wiñic mi alʌc'ʌl mu' bʌ i yʌq'ueñoñob, la' cha'añʌch. Pero yom ma' ch'ʌmben i tojol jiñi ñaxan bʌ alʌl, che' ja'el jiñi ñaxan bʌ i yal alʌc'ʌl mach bʌ sʌquic tic tojlel.

Numeros 18:6

Come joñon tsa' c yajca la' pi'ʌlob i yalobilo' bʌ Leví loq'uemo' bʌ ti' tojlel israelob, tsa' bʌ aq'uentiyetla che' bajche' la' majtañ ti lac Yum cha'añ mi' melob i ye'tel ya' ti Tabernáculo ba' mi la' tempan la bʌ.

Numeros 3:41

Jiñi levijob c cha'añobʌch, i q'uexolobʌch pejtelel ñaxan bʌ alʌlob ti Israel. C cha'añʌch ja'el i yʌlac'ob jiñi levijob, i q'uexolobʌch jiñi ñaxan tac bʌ i yʌlac' israelob. Joñon, la' Yumon.”

Numeros 33:4

che' woli to i mucob jiñi ñaxan bʌ i yalobilob jiñi egiptojob tsa' bʌ tsʌnsʌntiyob ti lac Yum; ti jim bʌ ora lac Yum tsi' jisʌbeyob i diosob.

Lucas 2:23

Che' bajche' ts'ijbubil ti' mandar lac Yum: “Mux caj la' ña'tan i cha'añʌch lac Yum pejtelel ch'itoñ ñaxan bʌ mi' yilan pañimil.”

Hebreos 12:23

tsa'ix c'otiyetla ja'el ba' tempʌbilob jiñi ñaxan bʌ i yalobilob Dios ts'ijbubilo' bʌ i c'aba' ti panchan. Ya'añ Dios mu' bʌ i mel pejtelel wiñicob, ya'añob i ch'ujlel toj bʌ wiñicob tsa'ix bʌ cha' mejliyob ti toj,