Numeros 28:2 - Jiñi Tsiji' bʌ Wen T'añ cha'añ Estudio

² “Su'beñob jiñi israelob: Mi caj la' ch'ʌmbeñon tilel c majtañ tac che' ti yorajlel, jiñi waj yic'ot c majtañ mu' bʌ la' pulbeñon xojocña bʌ i yujts'il mi cu'bin.”

Numeros 28:2 Iomraidhean Croise

Genesis 8:21

Che' bʌ tsi' yu'bi lac Yum jiñi xojocña bʌ i yujts'il, tsi' yʌlʌ ti' pusic'al: “Ma'añix mi caj c chʌn jisan jiñi pañimil cha'añ i mul wiñicob x'ixicob come jontol chuqui mi' ña'tañob ti' pusic'al c'ʌlʌl che' ch'itoñob to; ma'añix mi caj c chʌn jisan pejtelel cuxul tac bʌ che' bajche' tsa' c jisa.”

Exodo 23:15

Yom mi la' mel q'uiñijel cha'añ waj mach bʌ añic i levadurajlel. Wucp'ejl q'uiñ mi caj la' c'ux waj mach bʌ añic i levadurajlel, che' bajche' tsa' c su'beyetla ti mandar, che' ti ojlil marzo c'ʌlʌl ti ojlil abril, come ti jim bʌ ora tsa' loq'uiyetla ti Egipto; jiñi cha'añ mach yomic mi juntiquilic to'ol meq'uel i c'ʌb mi tilel tic c tojlel.

Exodo 29:18

Ti wi'il mi caj a pul pejtelel jiñi tat tʌñʌme' ya' ti' pam jiñi pulʌntib. Jiñʌch yom bʌ mi' pulel xojocña bʌ i majtañ lac Yum. Jiñʌch majtañʌl pulbil bʌ i cha'añ lac Yum.

Levitico 1:13

Mi caj i ñaxan pocob ti ja' i soyta' yic'ot i ya', jiñi motomaj mi caj i pul ti pejtelel ya' ti pulʌntib. Jiñʌch pulbil bʌ majtañʌl xojocña bʌ i yujts'il tic tojlel.”

Levitico 1:17

Che' jiñi mi' chuc ti' wich' cha'añ mi' tsep ti ojlil, pero mach yomic mi' junyajlel ts'ojquel i bʌc'tal; jiñi motomaj mi caj i pul ya' ti' pam pulʌntib. Jiñʌch pulbil bʌ majtañʌl xojocña bʌ i yujts'il tic tojlel.”

Levitico 1:9

Mi caj i pocbeñob ti ja' i ya' yic'ot i soyta', che' jiñi, jiñi motomajob mi caj i pulob ya' ti' pulʌntib. Jiñʌch pulbil bʌ majtañʌl xojocña bʌ i yujts'il tic tojlel.”

Levitico 21:6

Yom ch'ujulob tic tojlel yic'ot mach yomic mi bi'b-esañob j c'aba', come mi yʌq'ueñoñob pulbil bʌ c majtañ yic'ot waj; jiñi cha'añ, yom ch'ujulob.”

Levitico 21:8

Jiñi cha'añ, yom ma' sʌc-esañob, come jiñobʌch jiñi mu' bʌ i yʌq'ueñoñob jiñi waj tic majtañ; yom ch'ujul ma' q'uelob, come Joñon Ch'ujulon, la' Yum, mu' bʌ c sʌc-esañetla.”

Levitico 3:11

Jiñi motomaj mi caj i pul ti' pejtelel iliyi ya' ti pulʌntib. Jiñʌch i bʌl ñʌc'ʌl pulbil bʌ ofrenda cha'añon.”

Numeros 15:24

mi jiñi mulil tsa' bʌ i mele jiñi tejclum che' mach tsajilic i cha'añ, pejtelel israelob yom mi' yʌq'ueñoñob juncojt tat wacax cha'añ pulbil bʌ c majtañ xojocña bʌ i yujts'il, temel yom mi' yʌq'ueñoñob yic'ot majtañʌl melbil bʌ ti harina yic'ot vino cha'añ mi' mujlel jiñi majtañʌl, yic'ot yom mi' yʌq'ueñoñob ja'el juncojt tat chivo cha'añ i ñusʌntel mulil.

Numeros 15:3

mi mux la' wʌq'ueñon pulbil tac bʌ c majtañ, yic'ot tsʌnsʌbil tac bʌ c majtañ, mi i ña'al wacax tac o mi tʌñʌme' tac, mi cha'añ tsa' la' wʌc'ʌ xuc'ul bʌ la' t'añ o cha'añ tilem bʌ ti la' pusic'al, o cha'añ mi la' wʌq'ueñon che' ti yorajlel la' q'uiñijel tac xojocña bʌ i yujts'il tic tojlel,

Numeros 15:7

yic'ot yom cha'p'ejl litro vino cha'añ mi' mujlel jiñi majtañʌl. Jiñʌch c majtañ pulbil bʌ xojocña bʌ i yujts'il tic tojlel.

Numeros 28:1

Lac Yum tsi' pejca Moisés, tsi' su'be:

Numeros 29:39

“Jiñʌch c majtañ tac mu' bʌ caj la' wʌq'ueñon che' ti yorajlel mi la' mel ch'ujul bʌ q'uiñijel tac, yic'ot che' mi la' wʌq'ueñon xuc'ul bʌ la' t'añ yic'ot c majtañ tilem bʌ ti la' pusic'al, yic'ot pulbil bʌ c majtañ tac, yic'ot c majtañ melbil tac bʌ ti harina, yic'ot lʌmʌl bʌ c majtañ tac, yic'ot c majtañ mu' bʌ la' wʌq'ueñon cha'añ i ñʌch'tʌlel la' pusic'al.”

Numeros 9:13

Pero mi añ wiñic mu' bʌ i to'ol cʌy i bʌ che' sʌcʌch, che' ma'añic ba' tsa' majli cha'añ jach mach yomic i mel i q'uiñilel Pascua, che' jiñi mi caj i chojquel loq'uel ti' tojlel c tejclumob. Añ ti' wenta i mul jiñi wiñic come ma'añic tsi' yʌc'ʌ i bʌ che' bajche' ofrenda che' ti' yorajlel mi' cha'leñob q'uiñijel tic tojlel.”

Numeros 9:7

tsi' yʌlʌyob: —Joñon lojon bi'bi'on lojon cha'añ tsa' c tʌlʌ lojon xchʌmel. ¿Chucoch tic'bilon lojon cha'añ mi cʌq'uen lojon i majtañ lac Yum che' i yorajlelix woli i yʌc'ob pejtelel israelob?

2 Corintios 2:15

come xojocña mi' yu'biñonla Dios cha'añ woli' yajñel Cristo ti lac pusic'al, xojocña i yutslel Cristo ti' tojlel jiñi woli bʌ i coltʌntelob yic'ot ti' tojlel jiñi woliyo' bʌ ti sajtel.

Efesios 5:2

Ti pejtelel chuqui mi la' mel c'uxbin la' bʌ che' bajche' tsi' c'uxbiyonla Cristo, tsi' yʌc'ʌ i bʌ ti chʌmel cha'añonla che' bajche' tsʌnsʌbil bʌ i majtañ Dios, che' bajche' ofrenda xojocña bʌ i yujts'il.

Filipenses 4:18

Tsa'ix la' wʌq'ueyon pejtelel chuqui yom, añ i ñumel; jasʌlix, Epafrodito tsi' ch'ʌmbeyon tilel ti pejtelel; la' wofrenda, xojocña i yujts'il yilal, lajal bajche' pulbil bʌ i majtañ Dios mu' bʌ i mulan, uts'at bʌ mi' q'uel.