Numeros 27:3 - Jiñi Tsiji' bʌ Wen T'añ cha'añ Estudio

³ “Jiñi c tat lojon tsa' chʌmiyob ya' ti' tiquiñal lum. Ma'añic tsi' yotsayob i bʌ che' bʌ tsi' contrajiyob lac Yum jiñi Coré, pero cha'añʌch i bajñel mul tsa' chʌmi, yic'ot ma'añic ch'itoñ bʌ i yalobilob.

Chol de Tumbalá Bible

³ Jini c tat lojon tsa' bʌ chʌmi ya' ti colem bʌ i tiquiñal pañimil ma'anic tsi' yotsa i bʌ che' bʌ tsi' contrajiyob lac Yum jini Coré, pero cha'an jach ti' bajñel mul tsa' chʌmi. Ma'anic ch'iton bʌ i yalobilob.

Chol: I T’an Dios

³ Jini c tat lojon tsa' bʌ chʌmi ya' ti colem bʌ i tiquiñal pañimil ma'anic tsi' yotsa i bʌ che' bʌ tsi' contrajiyob lac Yum jini Coré, pero cha'an jach ti' bajñel mul tsa' chʌmi. Ma'anic ch'iton bʌ i yalobilob.

Numeros 27:3 Iomraidhean Croise

Numeros 14:35

Joñon la' Yumon, tsa'ix c cha'le t'añ. Che'ʌch mi caj c mel ti' tojlel pejtelel ili jontol bʌ wiñicob tsa' bʌ i tempayob i bʌ cha'añ mi' contrajiñoñob. Ti ili i tiquiñal lum mi caj i jilelob, yic'ot ya'i mi caj i chʌmelob.

Numeros 16:19

Ya'ix añob pejtelel israelob tsa' bʌ i pʌyʌyob tilel Coré. Tsa' wa'leyob ti' tojel i wut Moisés ti ti' jiñi Tabernáculo ba' mi' tempañob i bʌ; che' jiñi tsa' tsictiyi i ñuclel lac Yum ti' tojlelob.

Numeros 16:49

Ti jim bʌ q'uiñ tsa' chʌmiyob chʌnlujump'ejl mil, yic'ot jo'lujunc'al i cha'bajc' (14,700) wiñicob, ixcu ilayi mach tsicbilobic jiñi tsa' bʌ jisʌntiyob yic'ot Coré che' bʌ tsi' ts'a'leyob Dios.

Numeros 26:33

Zelofehad i yalobil bʌ Hefer ma'añic ch'itoño' bʌ i yalobil cojach xch'octaco' bʌ. I c'aba'ob jiñi xch'octaco' bʌ i yalobilob Zelofehad, jiñobʌch: Maala, Noa, Hogla, Milca yic'ot Tirsa.

Numeros 27:2

Tsa' tiliyob ti' tojlel Moisés yic'ot ti' tojlel jiñi motomaj Eleazar, ti' tojlel jiñi año' bʌ ñuc bʌ i ye'tel yic'ot ti' tojlel pejtelel israelob, che' ya'añob ti ti' jiñi Tabernáculo ba' mi' tempañob i bʌ, tsi' yʌlʌyob:

Numeros 27:4

¿Chucoch tsa' yajpi i c'aba' jiñi c tat lojon ti' tojlel i pi'ʌlob? ¿Cha'añ jach ba ma'añic ch'itoñ bʌ i yalobilob? Aq'ueñon lojon c lum ja'el yic'ot i yerañob c tat lojon.”

Juan 8:21

Jesús tsi' cha' su'be fariseojob: —Joñon mic majlel, mi caj la' sʌclañon. Mi caj la' chʌmel che' añet to la ti la' mul. Ya' ba' mic majlel, jatetla mach mejliquetla ti majlel.

Juan 8:24

Jiñi cha'añ tsa' c su'beyetla mi caj la' chʌmel che' añet to la ti la' mul, mi ma'añic mi la' ñopon, mi caj la' chʌmel che' añetla la ti la' mul.

Romanos 5:12

Jiñi cha'añ tsa' ochi mulil ti pañimil cha'añ ti' caj i mul juntiquil wiñic. Jiñi mulil mi yʌc' chʌmel, jiñi cha'añ mi lac chʌmel ti lac pejtelel, come tsa' lac laj cha'le mulil ti lac pejtelel.

Romanos 5:21

Come che' bajche' jiñi mulil tsi' cha'le i yumʌntel ti chʌmel, che'ʌch ja'el mi' mel i yumʌntel i yutslel i pusic'al Dios cha'añ tsa' aq'uentiyonla toj bʌ lac pusic'al, cha'añ cuxul mi lac cajñel ti pejtelel ora ti lac Yum Jesucristo.

Romanos 6:23

Come i tojol jiñi mulil, jiñʌch chʌmel, pero lac majtañ mu' bʌ i yʌq'ueñonla Dios jiñʌch laj cuxtʌlel mach bʌ añic mi' jilel ti lac Yum Cristo Jesús.