Numeros 26:11 - Jiñi Tsiji' bʌ Wen T'añ cha'añ Estudio

¹¹ Pero i yalobilob Coré ma'añic tsa' chʌmiyob.

Numeros 26:11 Iomraidhean Croise

Exodo 6:24

I yalobilob Coré: Asir, Elcana yic'ot Abiasaf. Jiñobʌch i p'olbal coreítajob.

Numeros 16:27

Tsi' tʌts'ʌyob i bʌ wiñicob x'ixicob ti' tojel pisil bʌ i yotot Coré, Datán yic'ot Abiram; ixcu Datán yic'ot Abiram tsa' loq'uiyob ti ti' i yotot temel yic'ot i yijñamob yic'ot i yalobilob.

Numeros 16:32

Tsi' cala i bʌ jiñi lum, jiñi wiñicob x'ixicob woli bʌ i tsajcañob Coré tsa' laj yajliyob ochel ya' ti' mal jiñi lum yic'ot i yototob yic'ot i chu'bʌañob.

Numeros 16:33

Cuxulob to tsa' laj ju'biyob ti' yajñib chʌmeño' bʌ yic'ot pejtelel i chu'bʌañob; tsi' cha' ñup'u i bʌ jiñi lum; ma'añix chʌn tsiquil jiñi wiñicob ba' tsa' majliyob.

Numeros 16:5

Che' jiñi tsi' su'be Coré yic'ot pejtelel jiñi woli bʌ i tsajcañob, tsi' su'beyob: —Ijc'ʌl to mi caj i tsictesan lac Yum majqui i cha'año' bʌ yic'ot majqui jiñi ch'ujulo' bʌ, yic'ot mi caj i tsictesan majqui jiñi mu' bʌ caj i lʌc'tesan i bʌ ti' tojlel. Jiñi mu' bʌ i yajcan, jiñʌch mu' bʌ caj i yʌq'ueñ i majtañ.

Numeros 26:12

I yalobilob Simeón ti' mojt ti' mojt jiñobʌch: Nemuel yic'ot i pi'ʌlob mu' bʌ i pejcʌntelob ti nemuelitajob; Jamín yic'ot i pi'ʌlob mu' bʌ i pejcʌntelob ti jaminitajob; Jaquín yic'ot i pi'ʌlob mu' bʌ i pejcʌntelob ti jaquinitajob;

Deuteronomio 11:6

yic'ot tsa' bʌ i mele Dios ti' tojlel Datán yic'ot Abiram, i yalobilob Eliab, tilemo' bʌ ti' p'olbal Rubén; che' bajche' tsa' cajli jiñi lum cha'añ mi' mujliyelob ochel ti' mal, temel yic'ot i yijñamob yic'ot i yalobilob yic'ot i yototob yic'ot pejtelel i yʌlac'ob ti' wut pejtelel israelob—,

Deuteronomio 24:16

Jiñi tatʌlob ma'añic mi caj i chʌmelob cha'añ i mul i yalobilob, mi jiñic i yalobilob mi caj i chʌmelob cha'añ i mul jiñi tatʌlob; ti jujuntiquil mi caj i chʌmel cha'añ i bajñel mul.