Numeros 26:10 - Jiñi Tsiji' bʌ Wen T'añ cha'añ Estudio

¹⁰ Jiñi lum tsi' cawa i yej yilal, tsi' mʌsayob temel yic'ot Coré; che'ʌch tsa' jiliyob jiñi junmojt, che' bʌ tsa' puliyob ti c'ajc jiñi lujunc'al yic'ot lujuntiquil i yuxc'al (250) wiñicob, cha'añ mi' cʌñob pañimil.

Numeros 26:10 Iomraidhean Croise

Exodo 16:35

Che'ʌch tsi' c'uxuyob maná jiñi israelob cha'añ cha'c'al ja'b, jinto tsa' c'otiyob ti' lum ba' mi' mejlelob ti chumtʌl; tsi' c'uxuyob maná jinto tsa' c'otiyob ba' jaxʌl i lumal Canaán.

Numeros 16:2

tsa' caji i contrajiñob Moisés temel yic'ot lujunc'al yic'ot lujuntiquil i yuxc'al (250) wiñicob israelo' bʌ, ñuc taco' bʌ i ye'tel ti' tojlel israelob, yajcʌbilo' bʌ cha'añ mi' cʌntañob wiñicob.

Numeros 16:38

jiñi i yajñib tac pom tsa' bʌ i c'ʌñʌyob jiñi wiñicob tsa' bʌ jiliyob cha'añ i mul. Jiñi i yajñib tac pom mi caj la' mel ti welel bʌ c'ʌnc'ʌn taq'uiñ cha'añ mi la' tep' jiñi pulʌntib, come ch'ujul i yajñib tac pom tsa' bʌ i c'ʌñʌyob i yʌq'ueñoñob c majtañ. Jiñʌch i yejtal cha'añ mi' ña'tan israelob chuqui tsa' ujti”.

Numeros 17:3

mi caj a ts'ijbuben i c'aba' Aarón ya' ti' barajte' Leví, come ti jujuntiquil yumʌl loq'uemo' bʌ ti jujunmojt i p'olbal Israel laj añob i barajte'.

Numeros 27:3

“Jiñi c tat lojon tsa' chʌmiyob ya' ti' tiquiñal lum. Ma'añic tsi' yotsayob i bʌ che' bʌ tsi' contrajiyob lac Yum jiñi Coré, pero cha'añʌch i bajñel mul tsa' chʌmi, yic'ot ma'añic ch'itoñ bʌ i yalobilob.

Deuteronomio 11:6

yic'ot tsa' bʌ i mele Dios ti' tojlel Datán yic'ot Abiram, i yalobilob Eliab, tilemo' bʌ ti' p'olbal Rubén; che' bajche' tsa' cajli jiñi lum cha'añ mi' mujliyelob ochel ti' mal, temel yic'ot i yijñamob yic'ot i yalobilob yic'ot i yototob yic'ot pejtelel i yʌlac'ob ti' wut pejtelel israelob—,

Deuteronomio 28:46

Jiñi cha'añ mi caj la' taj ili wocol tac bʌ yic'ot la' p'olbal che' bajche' i yejtal la' ñusa t'añ yic'ot jiñi bʌbʌq'uen bʌ ti pejtelel ora.

2 Pedro 2:6

tsi' junyajlel pulu Sodoma yic'ot Gomorra, tsi' yʌc'ʌ ti jisʌntel cha'añ mi lac ña'tan ti pejtelelonla cha'añ che'ʌch mi caj i yujtelob jiñi mach bʌ añic mi' bʌc'ñañob Dios,

Judas 1:7

Che' ja'el Sodoma yic'ot Gomorra, yic'ot yam bʌ tejclum tac am bʌ ti' joytʌlel, tsi' tajayob i yixic, tsi' wʌlʌc pi'leyob i bʌ, pero tsi' tojoyob i mul ti c'ajc mach bʌ añic mi' jilel. Jiñi cha'añ yom mi lac chʌcʌ q'uel lac bʌ, come che'ʌch mi caj i jilelob jiñi mu' bʌ i socob i bʌ.