Numeros 24:8 - Jiñi Tsiji' bʌ Wen T'añ cha'añ Estudio

⁸ Dios jiñi tsa' bʌ i pʌyʌyob loq'uel ti Egipto, p'ʌtʌlob che' bajche' xmate'el wacax. Mi' jisan tejclum tac i contrajo' bʌ, mi' bic'ti xulbeñob i bʌquel, yic'ot mi' sʌl julob ti jalʌjb tac.

Chol de Tumbalá Bible

⁸ Dios tsi' pʌyʌyob loq'uel ti Egipto. Añob i p'ʌtʌlel che' bajche' jontol bʌ bajlum mu' bʌ i c'ux jini bʌte'el. Mi caj i jisañob i contrajob. Mi caj i juch'beñob i bʌquel. Mi caj i julob ti jalʌjb.

Chol: I T’an Dios

⁸ Dios tsi' pʌyʌyob loq'uel ti Egipto. Añob i p'ʌtʌlel che' bajche' jontol bʌ bajlum mu' bʌ i c'ux jini bʌte'el. Mi caj i jisañob i contrajob. Mi caj i juch'beñob i bʌquel. Mi caj i julob ti jalʌjb.

Numeros 24:8 Iomraidhean Croise

Exodo 23:22

Mi ti isujm mi la' jac'ben i t'añ yic'ot mi mux la' mel che' bajche' mic su'beñetla, mi caj j contrajin la' contrajob yic'ot mi caj c tic'lan jiñi mu' bʌ i tic'lañetla.

Numeros 14:9

Jiñi cha'añ, mach mi la' contrajin lac Yum yic'ot mach mi la' bʌc'ñan jiñi wiñicob ya' bʌ añob ti jiñi lum, come jatetla mi caj la' c'ux che' bajche' mi la' c'ux la' waj; come ma'añix i cʌntʌntel jiñi tejclum yic'ot añ lac Yum ti lac tojlel: mach mi la' bʌc'ñañob.

Numeros 21:5

tsa' cajiyob ti wulwul t'añ ti' contra Dios yic'ot ti' contra Moisés: “¿Chucoch tsa' pʌyʌyon lojon loq'uel ti Egipto cha'añ ma' wʌc'on lojon ti chʌmel ila ti' tiquiñal lum? Come ilayi ma'añic waj yic'ot ja', tsa'ix c'ojyi j c'ux lojon jiñi waj mach bʌ p'ʌtʌlic tic ñʌc' lojon.”

Numeros 23:22

Dios tsi' pʌyʌyob loq'uel ti Egipto, come p'ʌtʌl che' bajche' xmate'el wacax.

Numeros 23:24

Jiñi israelob, mi' tejchelob che' bajche' bajlum, che' bajche' bajlum mi' chijtan i colojm. Ma'añic mi caj i pʌctʌl jinto mi' chuc i colojm, yic'ot jinto mi' japben i ch'ich'el jiñi tsa' bʌ i p'ul tsʌnsa.”

Mateo 2:15

Ya'i tsa' cʌle jinto tsa' chʌmi Herodes. Che'ʌch tsa' ujti cha'añ mi' ts'ʌctiyel i t'añ lac Yum tsa' bʌ i yʌlʌ ti' yej x'alt'añ: “Tsa' c pʌyʌ loq'uel calobil ti Egipto.”

Deuteronomio 32:23

Mi caj c p'ojlesʌbeñob wocol; mi caj c'ʌñ jalʌjb ti' tojlelob.

Deuteronomio 32:42

Oñ mi caj c bec'beñob i ch'ich'el tic jalʌjb tac, yic'ot mi caj c tsepbeñob i bʌc'tal ti quespada; chʌctilan i ch'ich'el jiñi xchʌmelob yic'ot jiñi xcʌjchelob, yic'ot i jol jiñi xcontra bʌ yumʌlob.

Deuteronomio 7:1

Che' ba' ora lac Yum Dios tsa'ix i pʌyʌyetla ochel ti jiñi lum mu' bʌ caj la' ch'ʌm yic'ot che' bʌ tsa'ix i choco loq'uel ca'bʌl tejclumob ti la' tojlel, che' bajche' heteojob, gergeseojob, amorreojob, cananeojob, ferezeojob, heveojob yic'ot jebuseojob; jiñʌch wucpejt tejclum ñumen oño' bʌ yic'ot ñumen p'ʌtʌlo' bʌ bajche' jatetla.