Numeros 22:5 - Jiñi Tsiji' bʌ Wen T'añ cha'añ Estudio

⁵ tsi' choco majlel wiñicob ti Pector ba'añ Balaam i yalobil Beor, am bʌ ti' t'ejl colem ja' i c'aba' Éufrates ya' ba' chumul i p'olbalob, cha'añ mi' pʌyob tilel Balaam. Jiñi wiñicob tsi' su'beyob: “Junmojt wiñicob x'ixicob tsa' bʌ loq'uiyob tilel ti Egipto, woli' mʌctañob ca'bʌl lum, tsa'ix juliyob ti chumtʌl tic tojel lojon.

Chol de Tumbalá Bible

⁵ Jini cha'an tsi' choco majlel winicob ti Pector ba'an Balaam i yalobil Beor, am bʌ ti' t'ejl colem ja' i c'aba' Eufrates cha'an mi' pʌy tilel, cha'an mi' coltañob. Awilan yom mi la' suben: “Tsa'ix c'otiyob bajc'ʌl winicob loq'uemo' bʌ ti Egipto. Woli' wen mʌctañob lum. Yomobix i chilbeñon lojon c lum.

Chol: I T’an Dios

⁵ Jini cha'an tsi' choco majlel winicob ti Pector ba'an Balaam i yalobil Beor, am bʌ ti' t'ejl colem ja' i c'aba' Eufrates cha'an mi' pʌy tilel, cha'an mi' coltañob. Awilan yom mi la' suben: “Tsa'ix c'otiyob bajc'ʌl winicob loq'uemo' bʌ ti Egipto. Woli' wen mʌctañob lum. Yomobix i chilbeñon lojon c lum.

Numeros 22:5 Iomraidhean Croise

Genesis 13:16

Mi caj c p'ojlesan a p'olbal che' bajche' i ts'u'bejñal lum. Mi añ majqui mi' mejlel i tsic i ts'u'bejñal lum, mi caj i mejlel i tsic a p'olbal ja'el.

Exodo 10:15

come tsa' mujlʌyi pejtelel jiñi lum ti sajc' yic'ot ic'yoch'an tsa' majli pañimil; tsi' jisa pejtelel pimel yic'ot pejtelel i wut te' tac tsa' to bʌ cʌle che' bʌ tsa' yajli tuñija'; ma'añix i yopol te' tsa' cʌle mi pimelic ti pejtelel i lumal Egipto.

Numeros 23:7

Jiñi cha'añ Balaam tsa' caji ti alt'añ: “Ti Aram tsi' pʌyʌyon tilel Balac, rey bʌ ti Moab, c'ʌlʌl ya' ti wits ti' tojel i pasibal q'uiñ. ¡La', cha'añ ma' ch'ʌc Jacob; la', cha'añ ma' wʌq'uen wocol israelob!

Numeros 31:8

Tsa' tsʌnsʌntiyob jiñi madiañob yic'ot jo'tiquil i reyob, jiñobʌch: Evi, Requem, Zur, Hur yic'ot Reba. Che' ja'el tsi' tsʌnsayob ti espada Balaam i yalobil Beor.

Deuteronomio 23:4

come ma'añic tsi' ch'ʌmbeyetla tilel i bʌl la' ñʌc' ya' ti bij che' bʌ tsa' loq'uiyetla ti Egipto, yic'ot cha'añ ti' caj tsi' su'beyob Balaam i yalobil bʌ Beor, am bʌ ti Petor ya' ti Mesopotamia, cha'añ mi' ch'ʌquetla.

Deuteronomio 23:5

Pero lac Yum Dios ma'añic tsi' ñʌch'tʌbe i t'añ Balaam; jiñi lac Yum Dios tsi' yʌq'ueyetla i yutslel i pusic'al ti' q'uexol i ch'ʌcojel Balaam, come c'ux mi' yu'biñetla lac Yum Dios.

Judas 1:11

¡Mi caj i tajob wocol! come tsi' cha'leyob tsʌnsa che' bajche' Caín, tsi' junyajlel ac'ʌyob i bʌ ti' sajtemal Balaam cha'añ yomob ganar, tsa' jiliyob che' bajche' Coré cha'añ tsi' contrajiyob Dios.

Apocalipsis 2:14

Pero mic su'beñetla chuqui tac mach weñic ti la' tojlel. Ya' añob la' wic'ot mu' bʌ i ñopob i cʌntesʌbal Balaam, jiñi Balaam tsa' bʌ i su'be Balac cha'añ mi' yʌc' ti yajlel i yalobilob Israel che' bʌ tsi' pʌyʌyob cha'añ mi' c'uxob we'elʌl aq'uebil bʌ dios tac, cha'añ mi' cha'leñob ts'i'lel.