Numeros 22:12 - Jiñi Tsiji' bʌ Wen T'añ cha'añ Estudio

¹² Che' jiñi Dios tsi' su'be Balaam: —Mach yomic ma' majlel a wic'otob, mach a ch'ʌc c wiñicob come tsa'ix cʌq'ueyob i yutslel c t'añ.

Chol de Tumbalá Bible

¹² Lac Yum tsi' sube: Mach yomic ma' majlel a wic'otob. Mach a p'aj c winicob come tsa'ix cʌq'ueyob i yutslel c t'an, che'en lac Yum Dios.

Chol: I T’an Dios

¹² Lac Yum tsi' sube: Mach yomic ma' majlel a wic'otob. Mach a p'aj c winicob come tsa'ix cʌq'ueyob i yutslel c t'an, che'en lac Yum Dios.

Numeros 22:12 Iomraidhean Croise

Genesis 12:2

Mi caj cʌq'ueñet ca'bʌl a p'olbal, mi caj cʌq'ueñet a wenlel, mi caj cʌc' ti cʌjñel a c'aba', yic'ot mi caj i tajob i wenlel wiñicob x'ixicob ti pejtelel pañimil cha'añet.

Numeros 22:11

“Junmojt wiñicob x'ixicob tsa' bʌ loq'uiyob tilel ti Egipto, woli' mʌctañob ca'bʌl lum. Awocolic, yom ma' tilel ti ora cha'añ ma' ch'ʌc jiñi wiñicob x'ixicob; tic'ʌl che' jiñi muq'uix i mejlel j contrajin lojon cha'añ mic choc lojon loq'uel.”

Numeros 22:13

Che' ti wen sʌc'ajel tsa' ch'ojyi Balaam, tsi' su'be i yaj e'telob Balac: —Cha' cucuxla ti sujtel ti la' lumal, come Dios mach yomic i chocon majlel la' wic'ot.

Numeros 22:6

Awocolic, yom ma' tilel ti ora cha'añ ma' ch'ʌc jiñi wiñicob x'ixicob, come ñumen p'ʌtʌlob tic tojlel lojon; tic'ʌl che' jiñi muc'ʌch i mejlel c mʌlben lojon cha'añ mic choc lojon loq'uel ti ili lum, come cujil muc'ʌch i taj i wenlel jiñi mu' bʌ a wʌq'uen i yutslel a t'añ, yic'ot jiñi mu' bʌ a ch'ʌc mi caj i taj wocol.”

Numeros 23:23

Come ma'añic xch'ʌcojelob mu' bʌ mejlel i contrajin Jacob, mi jiñic mu' bʌ i to'ol ña'tʌbeñob isujmlel pañimil mi' mejlel i contrajin Israel. Che' bajche' wʌle, mi caj i yʌjlel ti' tojlel Jacob jiñi Israel: ¡Chuqui tsi' mele Dios!

Numeros 23:3

Che' jiñi Balaam tsi' su'be Balac: —Wa'i' ti' t'ejl jiñi majtañʌl woli bʌ a wʌc', joñon mic majlel; tic'ʌl mux i tilel i tajon lac Yum; chuqui jach mi' su'beñon lac Yum, mu' to c su'beñet. Tsa' majli Balaam ti jump'ejl wits ba' jochol.

Numeros 23:8

¿Chucoch mi caj c ch'ʌcob che' bʌ Dios ma'añic woli i yʌq'ueñob wocol? ¿Chucoch mi caj cʌq'ueñob wocol che' bʌ lac Yum ma'añic woli' i yʌq'ueñob wocol?

Numeros 24:9

Mi' mel yic'ot mi' pʌctʌl che' bajche' bajlum, che' bajche' i ña'al bajlum. ¿Majqui mi' mejlel i ñijcan ch'ojyel? ¡Tijicñayob jiñi mu' bʌ i yʌq'ueñetob i yutslel i t'añ, pero mi' tajob wocol jiñi mu' bʌ i cha'leñob ch'ʌcojel ti a contra!”

Mateo 27:19

Che' buchul Pilato ti melobʌjʌl, i yijñam tsi' chocbe tilel t'añ tsi' yʌlʌ: —Ma'añic chuqui yom ma' tumben jiñi toj bʌ wiñic, come sajmʌl wen ca'bʌl tsa' cu'bi wocol tic ñajal cha'añ jiñi wiñic.

Romanos 11:29

Dios ma'añic mi' q'uextan i pusic'al che' mi' yʌq'ueñonla lac majtañ, yic'ot ma'añic mi' q'uextan i pusic'al che' mi' pʌyonla.

Efesios 1:3

La' sujbic i ñuclel Dios, i Tat lac Yum Jesucristo, tsa' bʌ i yʌq'ueyonla lac majtañ yic'ot pejtel chuqui uts'at ti Cristo,

Deuteronomio 2:7

Come Joñon la' Yum Dios tsa'ix cʌq'ueyetla i yutslel c t'añ ti pejtelel la' we'tel; cujil cha'añ woliyetla ti xʌmbal ti colem bʌ i tiquiñal pañimil yic'ot cha'c'al ja'b tsa' ajñiyon la' wic'ot, ma'añic chuqui añ to yom la' cha'añ.”

Deuteronomio 23:5

Pero lac Yum Dios ma'añic tsi' ñʌch'tʌbe i t'añ Balaam; jiñi lac Yum Dios tsi' yʌq'ueyetla i yutslel i pusic'al ti' q'uexol i ch'ʌcojel Balaam, come c'ux mi' yu'biñetla lac Yum Dios.

Deuteronomio 28:6

Uts'at chuqui mi caj la' taj che' mi la' loq'uel majlel ti la' we'tel yic'ot che' mi la' sujtel.

Deuteronomio 33:29

¡Tijicñayet jatet Israel! ¿Am ba yam bʌ tejclum lajal bʌ bajche' jatet coltʌbil bʌ ti lac Yum? Jiñʌch a mʌctijib mu' bʌ i cʌntañet, jiñʌch a wespada mu' bʌ i yʌq'ueñet a mʌl. Jiñi cha'añ a contrajob mi caj i peq'uesʌntelob, ixcu jatet mi caj a t'uchtan jiñi bujtʌl tac ba'añob i pulʌntib.”

Deuteronomio 7:14

Ñumen tijicñayetla bajche' pejtelel yan tac bʌ tejclum; ma'añic ti la' tojlel wiñic mi x'ixic mach bʌ añic mi caj i tilel i yalobil, mi ti la' wʌlaq'uic ja'el.