Numeros 20:1 - Jiñi Tsiji' bʌ Wen T'añ cha'añ Estudio

¹ Che' ti ñaxan bʌ uw, tsa' c'otiyob pejtelel israelob ya' ti' tiquiñal lum i c'aba' Zin, ya' tsa' cajiyob ti chumtʌl ti Cades. Ya'i tsa' chʌmi María, yic'ot ya'i tsa' mujqui.

Chol de Tumbalá Bible

¹ Tsa' c'otiyob pejtelel jini israelob ya' ti' tiquiñal pañimil i c'aba' Zin, jiñʌch ti abril che' bʌ tsa' cajiyob ti chumtʌl ti Cades. Ya' tsa' chʌmi Miriam. Ya'ix tsi' mucuyob.

Chol: I T’an Dios

¹ Tsa' c'otiyob pejtelel jini israelob ya' ti' tiquiñal pañimil i c'aba' Zin, jiñʌch ti abril che' bʌ tsa' cajiyob ti chumtʌl ti Cades. Ya' tsa' chʌmi Miriam. Ya'ix tsi' mucuyob.

Numeros 20:1 Iomraidhean Croise

Genesis 14:7

Ti wi'il tsa' sujtiyob, tsa' c'otiyob ti En-mispat, mu' bʌ i pejcʌntel ti Cades ja'el. Tsi' jisayob majlel i lumal amalecob yic'ot amorreojob chumulo' bʌ ti Hazezon-tamar.

Exodo 15:20

Jiñi cha'añ María jiñi x'ixic bʌ x'alt'añ, i yijts'in Aarón, tsi' ñijca pandero am bʌ ti' c'ʌb, yic'ot pejtelel jiñi x'ixicob tsi' tʌp'leyob majlel, tsi' ñijcayob majlel pandero ja'el yic'ot tsi' cha'leyob majlel son.

Exodo 2:4

pero juntiquil i chich tsa' caji i ñajti q'uel chuqui mi' caj ti ujtel.

Exodo 2:7

Jiñi cha'añ i chich jiñi alʌ ch'itoñ tsi' su'be i yalobil faraón: —¿A wom ba mic majlel c pʌybeñet tilel xmec' alʌl ti' tojlel hebreojob cha'añ mi' cosʌbeñet jiñi alʌl?

Numeros 12:1

Awilan, María yic'ot Aarón tsi' cha'leyob wulwul t'añ ti' contra Moisés cha'añ tsi' pʌyʌ juntiquil xch'oc cha'añ i yijñam ch'oyol bʌ ti Cus.

Numeros 12:10

Ti ora jach tsi' tʌts'ʌ i bʌ jiñi tocal ti' tojlel jiñi Tabernáculo. Awilan María añix i cha'añ jiñi leco bʌ tsoy, i pʌchʌlel wen sʌsʌc tsa' sujti che' bajche' i ña'al tsʌñal. Che' bʌ tsi' q'uele Aarón añix leco bʌ tsoy ti' pʌchʌlel María,

Numeros 12:15

Jiñi cha'añ wucp'ejl q'uiñ tsa' chojqui loq'uel María ti' tojlel i pi'ʌlob. Jiñi wiñicob x'ixicob tsi' pijtayob wucp'ejl q'uiñ, ma'añic tsi' poj techeyob i xʌmbal jinto che' cha' ya'ix añ yic'otob.

Numeros 13:21

Jiñi cha'añ tsa' cajiyob ti majlel, tsa' caji i tsajiñob majlel jiñi lum c'ʌlʌl ti' tiquiñal lum i c'aba' Zin c'ʌlʌl ti Rehob, am bʌ ti' t'ejl i bijlel Hamat.

Numeros 13:26

Tsa' cha' c'otiyob ti Cades am bʌ ya' ti colem bʌ i tiquiñal lum i c'aba' Parán. Tsi' su'beyob Moisés yic'ot Aarón yic'ot pejtelel israelob bajche' yilal i lumal Canaán, yic'ot tsi' pʌsbeyob i wut jiñi pʌc'ʌbʌl tac am bʌ ti jiñi lum.

Numeros 20:16

Che' jiñi tsa' caji c pejcan lojon lac Yum, tsi' yu'bibeyon lojon c t'añ, tsi' choco tilel juntiquil ángel cha'añ mi' pʌyon lojon loq'uel ti Egipto. Wʌle wʌ'ix añon lojon ti Cades, lʌc'ʌl bʌ tejclum ba' jaxʌl la' lumal.

Numeros 20:22

Che' jiñi pejtelel israelob tsa' loq'uiyob ti Cades, tsa' majliyob ti wits i c'aba' Hor.

Numeros 20:28

Ti wi'il Moisés tsa' caji i jochben i bujc Aarón, che' jiñi tsi' xojbe Eleazar i yalobil Aarón. Aarón tsa' chʌmi ya' ti' pam jiñi chañ bʌ wits, pero Moisés yic'ot Eleazar tsa' cajiyob ti ju'bel tilel ya' ti wits.

Numeros 26:59

I yijñam Amram jiñʌch i c'aba' Jocabed, xch'oc bʌ i yalobil Leví, tsa' bʌ i yila pañimil ti Egipto. Amram yic'ot Jocabed tsi' yʌc'ʌyob ti pañimil i yalobilob jiñobʌch: Aarón, Moisés yic'ot i chich i c'aba' María.

Numeros 27:14

Come tsa' ñusʌbeyon c t'añ ya' ti' tiquiñal lum i c'aba' Zin, ba' tsi' contrajiyoñob jiñi israelob, che' ma'añic tsa' wʌc'ʌ ti cʌjñel cha'añ ch'ujulon ti' tojlel israelob che' bʌ tsa' loq'ui ja' ti xajlel. Jiñʌch jiñi ja' ya' ba' tsi' cha'leyob contra t'añ ya' ti Cades, ti' tiquiñal lum i c'aba' Zin.

Numeros 33:36

Tsa' loq'uiyob ya' ti Ezión-geber, tsa' c'otiyob ti jijlel ti' tiquiñal lum i c'aba' Zin, jiñʌch Cades.

Deuteronomio 1:46

Jiñi cha'añ tsa' cʌleyetla ti Cades ca'bʌl ora.

Deuteronomio 2:14

Waxʌclujump'ejl i cha'c'al (38) ja'b tsa' lac cha'le xʌmbal ti Cades-barnea c'ʌlʌl che' tsa' ñumiyonla ti ja' i c'aba' Zered; jinto tsa' laj jiliyob jiñi wiñicob yujilo' bʌ guerra che' bajche' tsi' wa'choco i t'añ lac Yum.

Deuteronomio 32:51

Ti' caj cha'añ tsa' la' cha'le mulil tij contra ti la' cha'ticlel ti' tojlel israelob ya' ti ja' i c'aba' Meriba, am bʌ ti Cades, ya' ti' tiquiñal lum i c'aba' Zin; come ma'añic tsa' la' su'bu c ñuclel ti' tojlel israelob.